De harpe, oft des herten snarenspel

Inhoudende veel stichtlijcke liedekens: nu andermael door K. van der Mander ouersien, verbetert, ende vermeerdert

[p. 226]

Een nieu Liedt,

Nae de wijse: Den lustelijcken Mey.

⁺IN den begin schiep Godt Man en Wijf
⁺In reynder liefden t'samen,
⁺Van waer comt dan nijdt, twist ende gekijf?
⁺Int Houwelijck, bynamen
In s'Weerelts wijde vloet,
Daer men de liefde soet
Tusschen twee soo versaemt in trouwen,
Soo haestich siet verflouwen.

⁺Tobias vroet, doet hier af claer bewijs,

Om dats' in haer beginnen
God niet en soecken, noch sijn woort propijs
Oorspronck der rechter minnen:
Maer zijn t'samen ghepaert
Nae den vleeschelijcken aert,
Waer door men in aller manieren
De liefde siet faelgieren.

⁺Dat oudt Serpent, t'welck nemmermeer en slaept,

⁺Voeght hem tusschen haer beyden,
Want sijn natuere daer solaes in raept
Als de liefde mach scheyden:
⁺Godt is de liefde reyn,
En waer hy faelt certeyn,
Hoe hooch oock eenen staet ghepresen,
Daer en can gheen liefde wesen.

⁺Die vreese Gods die alle dinghen leert

Wijsselijck doen oft laten,
⁺Sy hebben daer haer ooghen afghekeert,
⁺Soo dat al bouen maten

+ Gen.1,27.

+ Mar.10,6

+ Syr.38,12

+ Iacob,4.1

+ Tob.6,14.

+ Genes.3,1.

+ 2.Cor.11,5

+ 1.Ioan.4,16.

+ Syr.19.20

+ Psal.36,1.

+ Rom.3,18

[p. 227]

 

[Elck f]aelt in sijnen graet

 

[Door o]nghelooue quaet:

 

[Daer t]wee soo Godtloos leuen,

 

[Word]t de liefde bedreuen.

 

[On]ghehoorsaem, t'welck is een swaer verdriet,⁺

 

[Ia de] vrouw' in al haer weghen:

 

[De M]an alst hooft, en acht de vrouwe niet

 

[T'we]lck comt door't vyandts pleghen,

 

[Midt]s dat sy gheen van tween⁺

 

[Ghef]undeert op den steen⁺

 

[En zij]n om s'vreuchts beclijuen,⁺

 

[Hoe s]oude daer liefde blijuen.

 

[Pr]ince, daer Godt het huys regeert en waeckt,⁺

 

[Daer] ist een pleyn vol vreuchden,

 

[Daer] domineert door de liefde volmaeckt,⁺

 

[Vred]e met alle deuchden:

 

[Mae]r daer in echte ghespan

 

[Versa]men Wijf en Man,

 

[Son]der Godt nae s'vleeschs booshede,

 

[De li]efd' en heeft daer gheen stede.

+ mat.24,12

+ Esa.28.16

+ Eph.2,19.

+ 1.Pet.2.6.

+ Psal.127.1

+ 1.Cor.13,4