De harpe, oft des herten snarenspel
(1599)–Karel van Mander–
AuteursrechtvrijInhoudende veel stichtlijcke liedekens: nu andermael door K. van der Mander ouersien, verbetert, ende vermeerdert
nae de wijse: Mijn Godt voedt my als een Herder ghepresen, etc.[V]An ghenade en rechte singhen wil ick,
Ende u, O Heere, lof segghen billick,
[V]oorsichtich ende redelijck ick handel
[S]y die my toebehoren, en ick wandel
[G]etrouwelijck in mijn huys nae't behooren,
[I]ck en neem my gheen boose sake vooren.
Den ouertreder met rechten haet ick,
| |
[pagina 164]
| |
Ende hem by my niet blijuen en laet ick,
Een verkeert herte dat moet van my wijck[en]
Den boosen en lijd' ick niet van ghelijcken,
Soo wie dat heymelijck van sijnen Naesten
Achterclap doet, die verniel ick met haesten
Ick en vermach ooc niet, noch en gedooge
Die stout gebaer heeft, en eenen moet hooge:
Mijn ooghen ouer al, nae den ghetrouwen
In den lande, mercken ende aenschouwen
Ga naar margenoot+Dat sy by my woonen sonder ontbeeren,
Ende vrome dienaren heb ick gheeren.
In mijn huys en houd' ick gheen valsche lieden,
Ga naar margenoot+De leughenaers by my niet en bedieden,
Ga naar margenoot+Ick verniele oock vroech alle Godtloose
Ga naar margenoot+In den lande, soo dat ick alle boose
Ga naar margenoot+Quaetdoenders, oft misdaders vol oneeren,
T'samen uytroeye, uyt de stadt des Heeren.
Een is noodich. |
|