De gulden harpe, inhoudende al de liedekens, die voor desen by K.V.M. gemaeckt, ende in verscheyden Boecxkens uyt-ghegaen zijn
(1627)–Karel van Mander–
AuteursrechtvrijOp de wijse: Ghy Adams kinders kleyne.HOort Kinders, weest ghedachtigh,
Dat elck ghelooven moet,
Datter is een almachtigh
God, al oprecht en goet,
Die al wat leeft // Gheschapen heeft,
En sal verghelden wel,
Al die hem hier eendrachtigh
Soecken na zijn bevel.
Ghy kinderen al tsamen,
Vreest Godt, en hoort zijn stem,
En wilt u altijdts schamen
Te wesen stout voor hem,
Hy hoort en siet // Al wat gheschiedt,
Hy weet alle ghepeyns,
Daerom en wilt niet ramen
Yet quaets, oft yet onreyns.
Die de vreese des Heeren
Van joncx beherten saen,
Die sullen wijsheydt leeren,
En vinden slevens baen,
Dus hebt met vlijt // den Heer altijt
Voor ooghen, en int hert,
Hy sal hem tot u keeren,
Vwen leydtsman hy wert.
Leert Godt den Vader prijsen,
En zijt altijdt danckbaer,
| |
[pagina 279]
| |
Eer ghy het lichaem spysen
Begint, en oock daer naer,
Als ghy opstaet // En slapen gaet,
Vergheet niet u ghebedt,
En laet u onderwijsen
Oock gheeren in zijn Wet.
Siet een ghebodt ghegheven
Heeft hy u, en ghyt doet,
Beloft' is u gheschreven,
Dat ghy sult hebben spoet
Op eerden hier // Dus goedertier,
Weest hier in onderdaen,
Soo sult ghy langhe leven,
En t'sal u seer wel gaen.
Eert u Vader en Moeder,
Seer kort is dit ghebodt,
Christus onsen behoeder,
Al was hy selve Godt,
Ghehoorsaem ras // Den Menschen was,
Voor zijn Ouders bekent,
Wil yemant zijn sijn broeder,
Die volght hem tot den endt.
Het hooft ontdecken, nijghen
Den kinderen wel voeght,
Als Ouders spreken, swijghen,
En wesen licht vernoeght,
Met kost oft kleet // En seer ghereet
Met antwoordt, en te spoen,
Als sy bevel ghekrijghen,
Van dit oft dat te doen.
Ieught, wilt u selven croonen
Met deucht, en nae u macht
V Ouders bystant toonen,
Ghewilligh dagh oft nacht,
Om winnen broodt // Oft ander noodt,
Vertroosts' in allen druck,
Den Heer salt weder loonen,
En gheven u gheluck.
Ghewent u vander strate,
| |
[pagina 280]
| |
Mijdt ongheschickte Ieught,
Want daer en is gheen bate
Te halen, dan ondeught,
Leughen en vloeck // leertmen daer kloeck,
Mijdt sulcx ghelijck fenijn,
En 'savonts eer't is late
Voeght u in huys te zijn.
Vws Princen jock te draghen
Daer toe u selven schickt,
Van in u jonghe daghen,
Eer ghy int quaet verstrickt,
V herte bouwt // met menichfout
Te lesen in Gods Woordt,
Om 't Lam Gods te behaghen
En volghen voort en voort.
Een is noodigh.
Ga naar margenoot+Dat hooghe Liedt Salomo, Cap.1. |
|