Den Lusthof der gheestelicke oeffeninghen
(1617)–Lodewijk Makeblijde–
[pagina 628]
| |
Ghebedt.WIlt ons, o Godt onsen Salichmaker, helpen: ende ter glorie van uwen Naem verlossen: ende om uwen naem ghenadich wesen ouer onse sonden. Heere ontfermt v onser. Christe ontfermt v onser. Heere ontfermt v onser. | |
[pagina 629]
| |
Jesu Christe hoort ons. Jesu Christe verhoort ons. Godt hemelschen Vader, } Ontfermt v onser. Godt Sone verlosser der weereldt, } Ontfermt v onser. Godt Heylighen Gheest, } Ontfermt v onser. Heylighe Drijvuldicheydt eenen Godt, } Ontfermt v onser. Jesu sone van den leuenden Godt, } Ontfermt v onser. Jesu eewich Woordt des hemelschen Vaders, } Ontfermt v onser. Jesu Koninck der weereldt, } Ontfermt v onser. Alder-machtichste Jesu, } Ontfermt v onser. Alder-sterckste Jesu, } Ontfermt v onser. Alder-volmaeckste Jesu, } Ontfermt v onser. Alder-vermakelickste Jesu, } Ontfermt v onser. Alder-liefste Jesu, } Ontfermt v onser. Alder-eerweerdichste Jesu, } Ontfermt v onser. Alder-oodtmoedichste Jesu, } Ontfermt v onser. Alder-saechtmoedichste Jesu, } Ontfermt v onser. Alder-verduldichste Jesu, } Ontfermt v onser. Alder-ghehoorsaemste Jesu, } Ontfermt v onser. Jesu blinckende bouen de sterren, } Ontfermt v onser. Jesu claerder dan de Sonne, } Ontfermt v onser. Jesu beminner der suyuerheydt, } Ontfermt v onser. Jesu onse liefde, } Ontfermt v onser. Jesu beminner des vredes, } Ontfermt v onser. Jesu voorbeeldt aller deuchden, } Ontfermt v onser. Jesu ialours lief-hebber der sielen, } Ontfermt v onser. Jesu onse toevlucht, } Ontfermt v onser. Jesu vader der armen, } Ontfermt v onser. Jesu vertrooster der bedruckten, } Ontfermt v onser. | |
[pagina 630]
| |
Jesu schat der gheloouighen, } Ontfermt v onser. Jesu goeden herder, } Ontfermt v onser. Jesu sterre deser zee, } Ontfermt v onser. Jesu waerachtich licht der weereldt, } Ontfermt v onser. Jesu eewighe wijsheyt uwes Vaders, } Ontfermt v onser. Jesu blijdschap der Enghelen, } Ontfermt v onser. Jesu Koninck der Patriarchen, } Ontfermt v onser. Jesu onderwijser der Propheten, } Ontfermt v onser. Jesu meester der Apostelen, } Ontfermt v onser. Jesu docteur der Euangelisten, } Ontfermt v onser. Jesu sterckheydt der Martelaren, } Ontfermt v onser. Jesu licht der Confessoren, } Ontfermt v onser. Jesu croone van alle Heylighen, } Ontfermt v onser. Jesu zijt ons ghenadich, Spaert ons Jesu. Jesu zijt ons ghenadich, verhoort ons Jesu. Van alle quaden, Verlost ons Heere Jesu. Van alle sonden, Verlost ons Heere Jesu. Van uwe gramschap, } Verlost ons Heere Jesu. Van de listighe laghen des duyuels, } Verlost ons Heere Jesu. Van de ouertredinghe uwer gheboden, } Verlost ons Heere Jesu. Van de onsalighe doodt, } Verlost ons Heere Jesu. Van alle ongheluck, } Verlost ons Heere Jesu. Door uwe toekomste, } Verlost ons Heere Jesu. Door uwe gheboorte, } Verlost ons Heere Jesu. Door uwe besnijdenisse, } Verlost ons Heere Jesu. Door uwen arbeydt, } Verlost ons Heere Jesu. Door uwe gheesselinghe, } Verlost ons Heere Jesu. Door uwe sware crooninghe, } Verlost ons Heere Jesu. Door uwe bittere doodt, } Verlost ons Heere Jesu. Door uwe verrijsenisse, } Verlost ons Heere Jesu. Door uwe hemelvaert, } Verlost ons Heere Jesu. | |
[pagina 631]
| |
Door uwe glorie, Verlost ons Heere Jesu. Lam Godts die afneemt de sonden der weereldt, Spaert ons Jesu. Lam Godts, die af-neemt de sonden der weereldt, Verhoort ons Jesu. Lam Godts, die af-neemt de sonden der weereldt, ontfermt v onser. Jesu hoort ons. Jesu verhoort ons. Onse Vader, &c. Veers. Ende en leydt ons niet in bekoringe. Antvv. Maer verlost ons van den quade. Veers. Den naem des Heeren zy gebenedijt. Resp. Van nu aen tot in der eewicheydt. | |
Ghebedt.O Godt, die den glorieusen naem uwes Soons ons Heeren Iesu Christi, in ouersoete begheerten, uwen gheloouighen seer minnelick hebt ghemaeckt, ende de boose gheesten seer grouwelick ende vervaerlick: verleent ons ghenadelick, dat alle die desen H. naem Iesus op der aerden deuotelick eeren: moghen ontfanghen in dit tegenwoordich leuen de soeticheyt der Heyligen troost, ende in het toekomende leuen de blijdschap, vreughdt ende salicheydt des hemels: door den seluen Christum onsen Heere. Amen.
Goedertieren Iesu soet,
Gheeft ons rust, en 't eevvich goedt.
|
|