Den Lusthof der gheestelicke oeffeninghen

[p. 623]

Litanie
Van het hoochweerdich Heylich Sacrament.

O Heylighe maeltijdt, in de welcke Christus wordt ontfanghen, de memorie sijnder passie wordt vernieut, de siele wordt vervult met gracie, ende ons wordt ghegeuen den pandt des toekomenden leuens.

Heere ontfermt v onser.

Christe ontfermt v onser.

Heere ontfermt v onser.

[p. 624]

Christe hoort ons.

Christe verhoort ons.

Godt hemelschen Vader, Ontfermt v onser.

Godt Sone verlosser der weereldt, ontfermt v onser.

Godt H. Gheest, Ontfermt v onser.

Heylighe Drijvuldicheyt eenen Godt, Ontfermt v onser.

O leuende broodt, dat uyt den hemel ghedaelt is,         } Ontfermt v onser.

O verborghen Godt onder sienelicke ghedaenten van broodt ende wijn,         } Ontfermt v onser.

O ghebenedijden Salich-maker der weereldt,         } Ontfermt v onser.

Alder-suyuerste, ende alder-heylichste offerande,         } Ontfermt v onser.

Kostelicken wijn, voordt-brenghende maeghden,         } Ontfermt v onser.

Spijse der Enghelen,         } Ontfermt v onser.

Lam sonder vlecke,         } Ontfermt v onser.

Eewich woordt Godts, vleesch geworden ende onder ons woonende,         } Ontfermt v onser.

Wonderlick mysterie ons gheloofs,         } Ontfermt v onser.

Alder-heylichste hostie,         } Ontfermt v onser.

Waerachtighe versoeninghe voor levende ende doode,         } Ontfermt v onser.

Hemelsch preseruatijf teghen de sonde,         } Ontfermt v onser.

Alder-heylichste ghedenckenisse der passie ons Heeren,         } Ontfermt v onser.

Gaue, die alle mildtheydt te bouen gaet,         } Ontfermt v onser.

[p. 625]

Eewich present der liefde Godts,         } Ontfermt v onser.

Medecijne der onsteruelickheydt,         } Ontfermt v onser.

Seer hoochweerdich ende leuendichmakende Sacrament,         } Ontfermt v onser.

Alder-soetste bancket, in het welck de Enghelen dienen,         } Ontfermt v onser.

Bandt der godtlicker liefde,         } Ontfermt v onser.

Fonteyne der gheestelicker vreuchden,         } Ontfermt v onser.

Vermakinghe der heyligher sielen,         } Ontfermt v onser.

Teyr-spijse der ghener die in den Heere steruen,         } Ontfermt v onser.

Pandt des eewighen leuens,         } Ontfermt v onser.

Heere weest ons ghenadich.

Verhoort ons Heere.

Heere weest ons ghenadich.

Verlost ons Heere.

Van het onweerdich nutten uwes lichaems ende bloedts,        } Verlost ons Heere.

Van de begheerlickheyt des vleeschs,         } Verlost ons Heere.

Van de begheerlickheydt der ooghen,         } Verlost ons Heere.

Van de hooueerdije des leuens,         } Verlost ons Heere.

Van den gheest der onsuyuerheydt,         } Verlost ons Heere.

Van alle perijckelen der sonden,         } Verlost ons Heere.

Van de eewighe doodt,         } Verlost ons Heere.

Door de onmetelicke liefde, met de welcke ghy dit H. Sacrament ingestelt hebt,         } Verlost ons Heere.

Door v precieus bloedt, dat ghy voor ons aen het cruyce uytghestort hebt,         } Verlost ons Heere.

Door de vijf bloedige wonden, die ghy in v lichaem voor ons ontfangen hebt.         } Verlost ons Heere.

[p. 626]

Wy sondaren, Wy bidden v verhoort ons.

Dat v belieue het ghelooue ende de deuotie tot dit H. Sacrament in ons te vermeerderen, Wy bidden v verhoort ons.

Dat ghy ons van alle ketterije, onghetrouwicheydt, ende blindtheydt des herten wilt verlossen ende bewaren,         } Wy bidden v verhoort ons.

Dat ghy onse begheerten wilt tot hemelsche dinghen opheffen, ende ons in uwen heylighen dienst verstercken,         } Wy bidden v verhoort ons.

Dat ghy ons mildelic deelachtich wilt maken van alle de geestelicke vruchten van dit S. Sacrament,         } Wy bidden v verhoort ons.

Dat ghy in de ure onser doodt met dese hemelsche teyr-spijse ons wilt verstercken, ende bevrijen,         } Wy bidden v verhoort ons.

Dat ghy de sielen van onse broeder, vrienden, weldoenders, ende van alle gheloouighen, wilt de eewighe ruste gheuen,         } Wy bidden v verhoort ons.

Sone Godts, Wy bidden v verhoort ons.

Lam Godts, die af-neemt de sonden der weereldt, Spaert ons Heere.

Lam Godts, die af-neemt de sonden der weereldt, Verhoort ons Heere.

Lam Godts, die af-neemt de sonden der weereldt, Ontfermt v onser.

Christe hoort ons.

Christe verhoort ons.

Vader onse, &c.

Veers. Ende en leydt ons niet in bekoringe.

[p. 627]

Antvv. Maer verlost ons van den quade. Amen

Veers. Heere verhoort mijn ghebedt.

Antvv. Ende laet mijn roepen tot v komen.

Ghebedt.

O Godt, die ons de ghedachtenisse uwes lijdens onder dit wonderlick Sacrament ghelaten hebt: Wy bidden v, laet ons de heylighe verholentheden van v lichaem ende bloedt soo vereeren; dat wy de vruchten uwer verlossinghe ghedurichlick in ons moghen ghewaer worden. Die leeft ende regneert met den Vader, ende den H. Gheest, in der eewicheydt. Amen.