Den Lusthof der gheestelicke oeffeninghen

[p. 632]

De litanie
Van de Heylighe Maghet ende Moeder Godts Maria.

Ghebedt.

O Heylighe Moeder Godts Maria, wy nemen onsen toe-vlucht tot uwe hulpe: en veracht doch in noodt onse ghebeden niet: maer verlost ons altijdt van alle perijckelen, o glorieuse ende ghebenedijde Maghet.

Heere ontfermt v onser.

Christe ontfermt v onser.

[p. 633]

Heere ontfermt v onser.

Christe hoort ons.

Christe verhoort ons.

Godt hemelschen Vader, Ontfermt v onser.

Godt Sone verlosser der weereldt, Ontfermt v onser.

Godt H. Gheest, Ontfermt v onser.

Heylighe Drijvuldicheyt eenen Godt, Ontfermt v onser.

Heylighe Maria,         } Bidt voor ons.

Heylighe Moeder Godts,         } Bidt voor ons.

Heylighe Maghet vol gheestelicker vreuchde,         } Bidt voor ons.

Maria Moeder Christi,         } Bidt voor ons.

Maria Moeder der Godtlicker gratien,         } Bidt voor ons.

Maria Moeder des Salich-makers,         } Bidt voor ons.

Maria moeder der gheloouighen,         } Bidt voor ons.

Maria moeder der schoone liefde,         } Bidt voor ons.

Maria moeder der saligher hope.         } Bidt voor ons.

Maria blijdtschap des hemels,         } Bidt voor ons.

Maria paradijs der wellusticheydt,         } Bidt voor ons.

Maria boom des leuens,         } Bidt voor ons.

Maria huys der wijsheydt,         } Bidt voor ons.

Maria hauen der salicheydt,         } Bidt voor ons.

Maria stede des toe-vluchts,         } Bidt voor ons.

Maria schildt der ghener die in v [...]pen,         } Bidt voor ons.

Maria glorie van Jerusalem,         } Bidt voor ons.

Maria deure des hemels,         } Bidt voor ons.

Maria tabernakel Godt[...]

[p. 634]

menschen,         } Bidt voor ons.

Maria stoel der ghenaden,         } Bidt voor ons.

Maria autaer des welrieckenden wieroocks,         } Bidt voor ons.

Maria leeder van Jacob,         } Bidt voor ons.

Maria spieghel sonder vlecke,         } Bidt voor ons.

Maria lelie onder de doornen,         } Bidt voor ons.

Maria kostelicken stoel van Salomon,         } Bidt voor ons.

Maria put der leuender wateren,         } Bidt voor ons.

Maria excellent vat der deuotien,         } Bidt voor ons.

Maria oorsake onser blijdschap,         } Bidt voor ons.

Maria salicheydt der krancken,         } Bidt voor ons.

Maria toevlucht der sondaren,         } Bidt voor ons.

Maria vertroostersse der bedruckten,         } Bidt voor ons.

Maria hope der Christenen,         } Bidt voor ons.

Maria Koninghinne der Enghelen,         } Bidt voor ons.

Maria Koninghinne der Patriarchen,         } Bidt voor ons.

Maria Koninghinne der Propheten,         } Bidt voor ons.

Maria Koninghinne der Apostelen,         } Bidt voor ons.

Maria Koninghinne der Martelaren,         } Bidt voor ons.

Maria Koninghinne der Confessoren,         } Bidt voor ons.

[Mar]ia Koninghinne der maechden,         } Bidt voor ons.

[Maria] Koninghinne van alle Heyli[ghen],         } Bidt voor ons.

[Mari]a stoel der glorie Godts,         } Bidt voor ons.

[Maria] van alle perijckelen, Wilt ons ver[...]

[...] onbevleckte Ontfanghenisse, [...] lossen.

[...]ghe Gheboorte, Wilt ons [...]

[p. 635]

Door uwe eerweerdighe Presentatie, Wilt ons verlossen.

Door uwe wonderlicke Boodtschap, Wilt ons verlossen.

Door uwe godtvruchtighe Visitatie, Wilt ons verlossen.

Door uwen alder-suyuersten Kerckganck, Wilt ons verlossen.

Door uwe hemelsche conuersatie, Wilt ons verlossen.

Door uwe gloriose hemelvaert, Wilt ons verlossen.

Door uwe moederlicke ontfermherticheyt, Wilt ons verlossen.

Wy arme sondaren, Wy bidden v verhoort ons.

Dat ghy ons wilt verkrijghen waerachtige penitentie ende berou van sonden, Wy bidden v.

Dat ghy de H. Kercke, ende alle Christelicke ghemeynten peys ende waerachtighe eendrachticheydt wilt verweruen, Wy bidden v verhoort ons.

Dat ghy alle vergaderinghen, die v met bijsondere deuotie eeren, wilt bewaren ende vervoorderen, Wy bidden v verhoort ons.

Dat ghy onse Ouersten ende alle Christene Princen victorie ouer hun vijanden wilt verkrijghen, Wy bidden v.

Dat ghy uwe dienaren tot v vluchtende,

[p. 636]

wilt bewaren ende beschermen, Wy bidden v verhoort ons.

Dat ghy ons in uwen Heylighen dienst wilt behouden ende verstercken, Wy bidden v verhoort ons.

Dat ghy ons waerachtighe suyuerheyt des herten ende des lichaems wilt besorgen, Wy bidden v.

Dat ghy ons waerachtighe oodtmoedicheydt, ende alle andere deuchden wilt verkrijghen, Wy bidden v verhoort ons.

Dat ghy alle gheloouighe sielen de eewighe ruste wilt doen ghenieten, Wy bidden v verhoort ons.

Lam Godts die af-neemt de sonden der weereldt, Spaert ons Heere.

Lam Godts die af-neemt de sonden der weereldt, Verhoort ons Heere.

Lam Godts die af-neemt de sonden der weereldt, Heere weest ons ghenadich.

Onse Vader, &c.

Ende en leydt ons niet in bekoringhe.

Maer verlost ons van den quade.

Veers. Bidt voor ons Heylighe Moeder Godts Maria.

Antvv. Op dat wy weerdich moghen worden der beloften Christi.

[p. 637]

Ghebedt.

O Heere Godt, wy bidden v, verleent al uwe dienaers ende dienerssen eewighe ghesontheydt na de siele ende na den lichaem, ende dat sy door het salich voor-bidden van de gloriose altijdt-maghet Maria, moghen verlost wesen van dese teghenwoordighe droefheydt, ende ghebruycken de eewighe blijdschap. Door Iesum Christum onsen Heere. Amen.

Ander Ghebedt.

WEest ghegroet alder-heylichste Maria, Moeder Godts, Koninghinne des hemels, Poorte des paradijs, Vrouwe der weereldt. Ghy zijt een sonderlinghe suyuere Maghet, sonder vlecke ontfanghen. Ghy hebt ontfanghen Iesum Christum, sonder eenighe smette der sonden. Ghy hebt ghebaert den Schepper ende Salichmaker der weereldt, waer in ick niet en twijfele. O Maria bidt voor ons, ende verlost ons van alle quaden. Amen.

[p. 638]

Ander Ghebedt tot de selue Maghet.

O Weerdighe Princersse Heylighe Maria, wy beuelen ons in uwe ghebenedijde trouwe, sonderlinghe bewaernisse, ende schoot uwer ontfermherticheydt. Wy beuelen v onse sielen ende lichamen, alle onse hope ende vertroostinghe, alle onse benautheyt ende ellendicheydt, ons leuen ende ons sterven: op dat door uwe alderheylichste ghebeden ende verdiensten alle onse wercken, woorden, ende ghepeysen moghen ghestiert worden naer uwen wille, ende den wille van uwen lieuen Sone Iesum, die ons altijdt beware, ende na dit leven, brenghe tot het eewich leuen. Amen.

Lof-sanck tot Maria.

LOf schoone morgen-sterre, bloeme wiens gheur, soet
Godts Sone uyt den hemel heeft konnen trecken:
Toont ons in alle swaricheydt, v faueur, goedt:
Arcke des verbondts, spieghel sonder vlecken.
Wilt den rechter tot bermherticheydt verwecken.

[p. 639]

 

Bidt voor de Heylighe Kercke, die swaerlick strijdt.

 

V groote liefde wil onse sonden decken:

 

V goedtheydt maecke ons van alle plagen quijt.

 

O Princersse der Enghelen ghebenedijt,

 

Aenhoort ghenadelick ons weenen, ons suchten:

 

In't ghemeyn, in't bijsonder, tot allen tijdt,

 

Troost, helpt, beschermt Maria, die tot v vluchten:

 

De straffen zijn swaer, ende voor argher wy duchten:

 

Met uwe medecijne onse diepe wonden raeckt.

 

V Heylich gebedt, is altijdt schoon in vruchten;

 

Maer't onse is onsuyuer, onheylich, on-volmaeckt.

 

Blust doch den brandt, die ouer onse sonden blaeckt.

 

Op dat wy v sonder eyndt louen, en meer beminnen:

 

O Maria, al wat ons let, dat kont ghy verwinnen.

[p. 640]

Ghebedt
Om Maria te verkiesen tot eene Patronersse.

HEylighe Maria, Moeder Godts ende Maghet: Ick verkiese v heden tot een vrouwe, Patronesse, ende Voorsprekersse; ende neme vastelick voor my, v nimmermeer te verlaten; noch immermeer teghen v iet te segghen; oft te doen, noch te ghedooghen, dat van mijn onder-saten, iet teghen uwe eere oyt ghedaen worde. Soo bidde ick v dan, ontfanght my onder uwe beschermenisse, helpt my in alle mijne wercken, ende en verlaet my niet, in de ure der doodt. Amen.