Den Lusthof der gheestelicke oeffeninghen
(1617)–Lodewijk Makeblijde–Op den sondach:EErt de Heylighe Drijvuldicheydt, op eene van dese, oft dier ghelijcke manieren:
| |||||||
[pagina 62]
| |||||||
Bidt, desen dach, voor de gantsche H. Kercke: ende danckt Godt, dat hy v eene redelicke creature gheschapen heeft, ende tot het aenschouwen van sijn Godlick wesen gheschickt heeft. | |||||||
Op den maendach.Helpt de gheloovighe sielen die in't vaghevier lijden.
Bidt desen dach, dat alle menschen, soo deuchdelick moghen leuen, dat sy in het vaghevier niet en komen: ende danckt Godt, dat hy v een Christen mensch door het Doopsel ghemaeckt heeft. | |||||||
Op den dijnsdach.Eert den Heylighen Gheest, met de neghen kooren der Enghelen.
| |||||||
[pagina 63]
| |||||||
Bidt desen dach, voor alle gheestelicke ende wereldtlicke Ouersten van de H. Kercke: ende danckt Godt dat hy v ghegheuen heeft eenen Enghel tot uwe bewaernisse, wiens salighe vermaninghen, ende inspraken ghy mooght altijdt volghen. | |||||||
Op den woensdach.Eert de heylighe Apostelen, Martelaren, Confessoren, Maechden, ende alle Godts lieue Heylighen.
Bidt voor alle gheestelicke persoonen, dat sy moghen heylichlick na hunnen roep leuen, ende alle weereldtlicke menschen tot hunne salicheydt stichten: ende danckt Godt, dat hy v sonder uwe verdiensten, in het Katholijck ghelooue tot nu toe bewaert heeft. | |||||||
Op den donderdach.Eert het Heylich Sacrament des Autaers.
| |||||||
[pagina 64]
| |||||||
Bidt voor alle weereldtlicke persoonen, dat sy, alle te samen, ende elck in 't besonder, Godt moghen vreesen, in peyse met malkanderen leuen, ende hunne salicheydt neerstelick besorghen: danckt oock Godt, dat hy tot uwe salicheydt inghestelt heeft de seuen Heylighe Sacramenten, namentlick der Biechte, ende des Autaers, ende dat ghy, door sijne gracie, de selve dickwijls ghebruyckt hebt. | |||||||
Op den vrijdach:Eert de Passie ende het Cruys Christi..
Bidt, desen dach, voor alle de gene, die levende in doodt-sonde hunne salicheydt vergeten; op datse Godt soude willen bekeeren: ende danct Godt den hemelschen Vader, voor de weldaedt onser verlossinge, die geschiet is door sijnen natuerlicken Sone, die hy ten dien eynde gesonden heeft. | |||||||
[pagina 65]
| |||||||
Op den saterdach.Eert de ghebenedijde Moeder Godts Maria..
Bidt, desen dach, voor alle de ghene, die van goeden wille zijn, om deughdelick te leuen; dat Godt hen ende v verleene voordtganck ende een salich eynde: ende danckt hem van alle de middelen, die hy v ghegheuen heeft, om tot de eewighe salicheyt te gheraken. |
|