Spiegel historiael. Eerste partie [alleen brontekst]

Hier beghint die achtende capiteele.

Men vint inden achtenden bouc,

Die des wille doen ondersouc,
Hoe na Gayus Caligula
Claudius keyser wart daer na;
Sine manieren, sine zeden;
Hoe Agrippa met felheden
Sente Jacobpe van Conpostelle
Ontliven dede, alse die felle;

[p. 1,13]

 

Sente Jacobs jeesten mede

10

Ende sine miraclen, die hi dede;

 

Van Paulus ende van Barnabas,

 

Hoe Saulus Paulus geheten was;

 

Hoe sente Pieter te Rome quam,

 

Hoe hi dat pauescap anenam;

15

Hoe Marcus dewangelie screef,

 

Hoe dewangelie staende bleef;

 

Daer naer alle die pauesen mede

 

Bi namen van Rome der stede

 

Van beginne tote onsen tiden,

20

Suldi hier horen overliden;

 

Daer naer Paulus predicade,

 

Hoe Athenen bi sinen rade

 

Wart van orloghen quite;

 

Van Denyse den Aryopaghite;

25

Hoe Paulus gevaen wart mede

 

Te Jherusalem indie stede,

 

Ende te Rome wart ghesent;

 

Hoe onteert ende gescent

 

Die Jueden worden alle,

30

Eer si quamen te quaden valle;

 

Claudius des keysers doot;

 

Menege proverbie groot

 

Vanden wisen Seneca;

 

Perseus proverbien daer na,

35

Ende oec ten achtersten male

 

Die bloemen van Juvenale.

 

Dese bouc die hevet in

 

LXXVIII capiteele, niet min.

Hoe Claudius keyser wart	I.
Sine wonderlike zeden	II.
Van Herodes Agrippa ende sente Jacobs doot	III.
Van Filetus ende Hermogines	IIII.
Van sente Jacobs ystorie	V.
Hoe sente Jacob te Conpostelle quam	VI.
Hoe hi begraven wart	VII.
Van sente Jacobs translatien	VIII.
Hoe sente Pieter was gevaen	IX.
Herodes Agrippen doot	X.
Van Pauluse ende Barnabase	XI.
Hoemen Pauluse ende Barnabase wilde anebeden	XII.
Hoe doude wet entie nieuwe sciet	XIII.
Hoe sente Pieter bisscop wart tAntyochen	XIIII.
Van Marcus ewangelien	XV.
Alle die pauesen van Pietren tote Silvester	XVI.
Alle die pauesen vort tote nu	XVII.
Van Agrippen, Herodes sone	XVIII.
Hoe Paulus in Grieken castyde	XIX.
Van Paulus, wat hi tAthenen dede	XX.
Hoe Paulus Denise bekeerde	XXI.
Hoe Paulus enen doden genas	XXII.
Hoe Paulus te Jherusalem wert ginc	XXIII.
Hoe Paulus te Jherusalem quam	XXIIII.
Vanden IIII zeenden ende Paulus prisoen	XXV.
Hoe Paulus sijn pleit te Rome beriep	XXVI.
Van Anna, onser Vrouwen moeder	XXVII.
Hoe die Jueden begonden te riesene	XXVIII.
Echt vander Jueden plaghe	XXIX.
Noch van haerre plaghe	XXX.
Keyser Claudius doot	XXXI.
Van Seneca	XXXII.
Van Seneca tote Pauluse	XXXIII.
Seneca van groter wijsheden	XXXIIII.
Seneca vander groter moedicheden	XXXV.
Seneca van ghematen	XXXVI.
Seneca van groter gerechtecheden	XXXVII.
Van bescedenre wijsheit	XXXVIII.
Van bescedenre stoutheit	XXXIX.
Van bescedenre maten	XL.
Van bescedenre sotheit	XLI.
Van IIII dogeden den slotel daer ave	XLII.
Senecaes proverbien	XLIII.
Seneca in sine leringhe	XLIIII.
Vanden selven	XLV.
Seneca van ondanke	XLVI.

[p. 1,14]

Seneca van weldaden	XLVII.
Vander selver sake	XLVIII.
Seneca jeghen wantroost	XLIX.
Seneca in sinen rade	L.
Vanden selven	LI.
Troost vordie doot	LII.
Van bedwanghe	LIII.
Van leeringhen	LIIII.
Seneca vander tijt	LV.
Seneca van vriendscepen	LVI.
Seneca vander heren doene	LVII.
Seneca van ghematen	LVIII.
Echt van wijsheden	LIX.
Vanden wisen rade	LX.
Vanden selven	LXI.
Vander selver dinc	LXII.
Prijs vander dinc	LXIII.
Vander doot	LXIIII.
Van te sine in hoeden	LXV.
Echt van rade	LXVI.
Jeghen prijs	LXVII.
Van leringen echt	LXVIII.
Vanden selven worden	LXIX.
Jeghen vrechede	LXX.
Van edelen moede	LXXI.
Noch van rade	LXXII.
Van miltheden	LXXIII.
Van wijsheden	LXXIIII.
Noch meer vanden selven	LXXV.
Van Paersius proverbien	LXXVI.
Van Juvenale	LXXVII.
Van Stacius proverbien	LXXVIII.