Spiegel historiael. Eerste partie [alleen brontekst]

Hier beghint die sevende capiteele.

Die sevende bouc hevet in

Van Tyberius sijn beghin,
Den derden keyser onder die Romeine;
Hoe hi eerst goet was, daer na onreine;
Van Paulinen die aventure,
Die ghehoent was wel ter cure;
Van Pylatuse, van Baptisten,
Hoe hi doopte Jhesum Cristen;
Ons Heren vastene entie worde,
Daerne Sathanas in corde;
Hoe Jhesus keerde water in wine;
Hoe hi oec coos die jongers sine,
Pietre, Andriese, Jacob, Jhan;
Hoe Herodes den heilegen man
Baptisten vinc, ende hoe ter stonde
Jhesus Cristus predeken begonde,
Ende coos XII apostele mede,
Ende meneghe miracle dede;
Baptisten doot, ende hoe tien tiden
Die Jueden onsen Here beniden;
Hoe hi Lazaruse verwecte;
Hoe Agabarus up hem mecte,
Dat hi quame in sine stede,
Omme te sine in goeden vrede,
Ende hoe hem Jhesus vriendelike
Sendde in een cleet sine gelike;
Hoe Jhesus quam te Jherusalem;
Hoe men met palmen quam jegen hem;
Hoe hi verdreef uut met leede
Copers ende vercopers beede
Vanden temple, ende hi dede
Vele miraclen daer ter stede;
Hoe dattene Judas verriet;
Hoe dat hi hem vangen liet,
Platten, crucen, geselen an thout;
Hoene Longus sonder scout
Indie zide stac ende hem bekeerde;
Hoe hi sider, omdat hi leerde
Onse gelove al openbare,
Wart ons Heren maertelare;
Hoe God was int graf geleit,
Ende met siere mogentheit
Die helle rovede omdie keytive,
Ende verrees van dode te live;
Hoe hem Jhesus daer na verbaerde;
Van Josephs pine, van sire onwerde,
Diene vander crucen dede;
Van sinen aventuren mede;
Van Symions II kindren saen,
Die vander doot waren upgestaen;

[p. 1,11]

 

Hoe Mathias apostel sat

 

Indes verraders Judas stat;

 

Hoe die heilege Geest quam inne

 

Den apostelen inden zinne;

55

Der apostelen predicade;

 

Stevens doot met fellen rade;

 

Van Symeone den toverare;

 

Van Saulus, die wert Paulus dare;

 

Onser Vrouwen henevaert

60

Vanden live te hemele waert,

 

Ende wat daer af hevet geset

 

In haren bouke Elyzabeth;

 

Ende onser Vrouwen miraclen mede

 

XL staende teere stede,

65

Die gesciet sijn harentare

 

In menech lant openbare;

 

Van Paulus, hoe hi bekende hem

 

Den apostele van Jherusalem;

 

Wat Pylatus Tyberiuse screef

70

Van onsen Here, hoe hi doot bleef,

 

Ende hoe dat Tyberius woude,

 

Datmen vor God houden soude;

 

Van Herodese Agrippa,

 

Ende Tyberius doot daer na;

75

Hoe Gayus quam ten keyserrike,

 

Hoe hi uphief mogendelike

 

Herodes Agrippa ende gaf hem

 

Die crone van Jherusalem;

 

Gayus suffen alse een sod,

80

Hoe hi wilde wesen god,

 

Ende daer naer in corter uren

 

Vermort was biden senaturen.

 

Dese bouc hevet te sinen deele

 

C ende een capyteele.

Vanden keyser Tyberius ende sine zeden	I.
Van sinen manieren	II.
Vrouwen Paulinen mesfal	III.
Wat in Tyberius tiden gevel	IIII.
Van Jans Baptisten dopene	V.
Hoe onse Here ginc in de wostine	VI.
Hoe Baptiste onsen Here wijsde	VII.
Hoe God maecte van watre wijn	VIII.
Hoe Baptiste was gevaen	IX.
Hoe God dapostelen predeken sende	X.
Hoe God vander roodse was gesteken	XI.
Van Janne Baptisten doot	XII.
Hoe God Vm man versaedde	XIII.
Ons Heren transfiguratie	XIIII.
Hoe God dat zondege wijf quijtte	XV.
Hoe Lazarus wart verwect	XVI.
Vanden coninc Agabarus	XVII.
Hoe Jhesus Agabaruse screef	XVIII.
Hoe Agabarus ghenas	XIX.
Hoe Jhesus X lazerse genas	XX.
Hoe God upten ezel reet	XXI.
Hoe God die copinge uten temple warp	XXII.
Wat hi predecte inden tempel	XXIII.
Van Nichodemus ende ander dinc	XXIIII.
Hoe Judas Gode vercochte	XXV.
Vanden witten Donresdaghe	XXVI.
Hoe onse Here wart ghevaen	XXVII.
Van Herodes ende Pylaten	XXVIII.
Ons Heren cruusinghe	XXIX.
Ambrosius vander moeder Gods	XXX.
Vander zonnen vergane	XXXI.
Van Longius die Gode stac	XXXII.
Hoe Joseph Jhesus afdede	XXXIII.
Hoe Jhesus die helle brac	XXXIIII.
Van ons Heren vertogenesse	XXXV.
Van Joseph van Arimathien	XXXVI.
Noch van Joseph	XXXVII.
Van Symeons II kinderen	XXXVIII.
Vanden selven kinderen	XXXIX.
Van ons Heren upvaert	XL.
Van des heilechs Geests comst	XLI.
Der heileger kerken begin	XLII.
Vanden VII dyaken	XLIII.
Hoe Steven was ghedoot	XLIIII.
Hoe Jacob die minder bisscop wart	XLV.
Van Symeone den toverare	XLVI.
Tprologhe van onser Vrouwen	XLVII.
Miletus van onser Vrouwen	XLVIII.
Hoe die apostelen quamen tote hare	XLIX.

[p. 1,12]

Hoemense ten grave drouch	L.
Hoese te hemele voer	LI.
Watmen hier af geloven moet	LII.
Wat sente Elyzabeth hier af sach	LIII.
Van onser Vrouwen pylare	LIIII.
Hoe onse Vrouwe clagede in Toletten	LV.
Van hem die Jhesum sette tenen borge	LVI.
Hoe Maria bescut haren vrient	LVII.
Van hem dien soe halp in wanhopen	LVIII.
Vander vrouwen die soe halp inde vloet	LIX.
Vander abdessen die soe verloste van scanden	LX.
Van hem diese metten vingherline verchirde	LXI.
Van hem dien soe loeste uter zee	LXII.
Vanden abt dien soe halp inde zee	LXIII.
Van hare die hare viere brac	LXIIII.
Vander keyserinnen van Rome	LXV.
Vander vrouwen die een kint wan an haren sone	LXVI.
Van dat soe hare vertogede enen dyaken	LXVII.
Vanden bisscop Bonitus	LXVIII.
Van enen man bi Awenchin dien soe genas	LXIX.
Vander Jodinnen die soe verlooste	LXX.
Vanden kindekine dat an Jhesum sprac pappa	LXXI.
Vanden wive die soe bekeerde van zonden	LXXII.
Van O Intermerata	LXXIII.
Vanden ridder die haer gename spaerde	LXXIIII.
Van enen scrivere die Marien altoes eerde	LXXV.
Van enen die Marien versprac	LXXVI.
Van hem die haers niet loochenen woude	LXXVII.
Vanden conveers van Cleervays	LXXVIII.
Van enen moenc van Cleervays	LXXIX.
Van enen anderen graeuwen moenc	LXXX.
Van hem die Marien beelde versprac	LXXXI.
Van eenen Juede dien soe verloeste	LXXXII.
Van eenen Chaertereusen	LXXXIII.
Vanden pape die salve conde	LXXXIIII.
Vanden abt Hughen van Clongi	LXXXV.
Vanden kinde dat die moeder den duvel gaf	LXXXVI.
Vanden dief die onser Vrouwen diende	LXXXVII.
Vanden moenc van sente Bertijns	LXXXVIII.
Vander vrouwen die hare biechte verhal	LXXXIX.
Vanden clerc die den duvel scriven sach	XC.
Hoe onser Vrouwen gebornesse vortquam	XCI.
Hoe soe enen Sarrasijn bekeerde	XCII.
Van enen Juede die hare ymage ontreinde	XCIII.
Van Hildefonsis, bisscop van Toletten	XCIIII.
Hoe Paulus quam te Jherusalem	XCV.
Pylatus orconde van onsen Here	XCVI.
Hoe Tyberius Jhesum over God wilde houden	XCVII.
Hoe Agrippa te Rome quam, ende Tyberius doot	XCVIII.
Hoe Gayus keyser wart ende sine maniere	XCIX.
Hoe Gayus int aerchste hem bekeerde	C.
Gayus quaetheit ende sine doot	CI.