Spiegel historiael. Eerste partie [alleen brontekst]

[p. 1,9]

Hier beghint die seste capitele

Die seste bouc neemt sijn begin

Daer die mogentheit comt in
Vanden Roemscen keyserrike;
Hoe die Gallen mogendelike
Entie Germane ende de Aquitane
Worden Rome bedwongen ane . . .
Bertaengen, dat nu es Inglant,
Daer hi groot wederstoot in vant;
Tullius sproken volgere mede,
Vul van grotere wijshede;
Hoe Rome entie senature
Worden Juliuse sture;
Hoe Pompejus entie Romeine
Julius verwan al reine,
Ende Egypten ende Affrike
Verwan, ende wart mogentlike
Keyser te Rome indie stede;
Sine ghedane ende sine zede;
Julius doot ende oec daer naer
Hoe Augustus wart keyser daer;
Sine ghedane ende sine zede;
Hoe te Jherusalem indie stede
Herodes coninc wart gheset
Van Anthonise om sine wet;
Hoe hi verloos lijf ende goet
Om sinen groten overmoet;
Hoe versoenden jegen Augustus
Die Persen, doent verginc aldus;
Herodes aventuren mede;
Die sproken van Verroens wijshede;
Van Virgiliuse ende sijn wonder
Ende sine sproken besonder;
Die gebornesse van Marien,
Die wi moeder ende maget lyen;
Oratius doot ende sine wort,
Diemen in proverbien hort;
Hoe der werelt ommeganc
Quam in Augustus bedwanc;
Dat huwelijc al vul trouwen
Tusscen Josephe ende onser Vrouwen;
Hoe onse Vrouwe gebodsceept wert;
Hoe soe setten hare vaert
Joseph ende Maria mede
Tote Bethlem indie stede;
Jhesus gebornesse ende te handen
III coningen met offranden;
Hoe Herodes dede slaen doot
Die kindere om sine quaetheit groet;
Hoe Maria in Egypten vlo
Met Jhesus ende met Joseph also;
Herodes plaghe ende sine doot;
Hoe sijn sone wart here groot;
Augustus doot, ende daer na aldus
Die proverbien van Ovidius.
Dese hevet in sijn ommegaen
LVI capyteele ontfaen.

Wanen Rome eerst quam	I.
Julius wijch uptie Gallen	II.
Hoe Julius den Rijn quam neder	III.
Hoe Julius Bertaenyen wan	IIII.
Hoe Tullius Cysero was belegen	V.
Hoe Julius Cyserone ontsette	VI.
Die zeden vanden Gallen	VII.
Tullius Cyseroens proverbien	VIII.
Tullius van vriendscepen	IX.
Vanden selven	X.
Hoe Julius Rome bestont	XI.
Hoe Julius ende Pompejus vochten	XII.
Hoe Julius keyser wart	XIII.
Julius ghedaene ende zeden	XIIII.
Die voertekene van Julius doot	XV.
Hoe Julius was vermort	XVI.
Vanden keyser Augustus	XVII.
Van Augustus manieren	XVIII.
Van wondere in Rome	XIX.
Hoe Herodes gewan die crone	XX.
Hoe die Jueden verloren die waerde	XXI.
Anthonis doot ende Cleopatra	XXII.

[p. 1,10]

Herodes doghet	XXIII.
Herodes quaethede	XXIIII.
Van Verrone ende sine proverbien	XXV.
Van Virgilius	XXVI.
Van Virgilius sproken	XXVII.
Van onser Vrouwen geborte	XXVIII.
Hoe dingel vorseide hare coemst	XXIX.
Hoe Maria ten tempel quam	XXX.
Van onser Vrouwen manieren	XXXI.
Vanden selven	XXXII.
Van Oratius ende sine sproken	XXXIII.
Van Augustus wighen	XXXIIII.
Van onser Vrouwen belove	XXXV.
Hoe Joseph onser Vrouwen nam	XXXVI.
Vanden selven	XXXVII.
Sente Bernaert van onser Vrouwen	XXXVIII.
Van onser Vrouwen bodscepe	XXXIX.
Van Maria ende Elizabeth	XL.
Twi Joseph hiet Marien man	XLI.
Hoe Maria voer te Bethlem	XLII.
Vanden herden ende ander dinc	XLIII.
Vanden drien coningen	XLIIII.
Noch vanden selven	XLV.
Vanden Innocenten	XLVI.
Hoe Jhesus voer in Egypten	XLVII.
Herodes quaethede ende sine doot	XLVIII.
Hoe Herodes rike wart gedeelt	XLIX.
Van Jhesus sittene onder die wise	L.
Augustus des keysers doot	LI.
Van Ovidius sproken	LII.
Vanden selven	LIII.
Vanden selven	LIIII.
Noch vanden selven	LV.
Van hem noch	LVI.