Spiegel historiael. Eerste partie [alleen brontekst]

Hier beghint die vijfte capiteele.

Binnen desen vijften bouke staet,

Hoemen deelt ende hoet gaet
Alexanders rike groot
In stucken naer sine doot;
Van Theophrastus den wisen man,
Van sinen sproken daer zin leit an;
Van Tholomeus den vrien,
Die Egypten ende Surien
Gewan na Alexanders doot;
Vanden Samiten, die scade groot
Daden up Rome die stat;
Van Papyruse, die wrac dat;
Van Fabiuse, die int ende
Alle die Samiten scende;
Hoe die Romeine die Sabine
Verwan bi Curus pine,
Hoe hi verwan met sinen roten
Pyrrus, coninc van Epyroten;
Olimpias doot, Alexanders moeder,
Die Phillippe slouch sinen broeder;
Hoe trike van Surien began
Naer Alexander den stouten man;
Van Socrates den vrien,
Die den tor maecte tAlexandrien;
Van Philadelphus Tholomeus,
Ende hoe hem Eleazarus
Sendde, omme sine bede,
Die LXX vroede mede,
Om te scrivene der Joden wet.
Ende daer naer so es gheset
Brennus doot, ende hoe de sine
Storven, doe si Apolline
Roven wilden ende sine liede;
Wat wondere in Rome gesciede;
Den strijt van Rome, die ghemeene
Scadelijc was, vanden Picheene;
Van coninc Pirrus, die onscone
Verwan trike van Machedone;
Vanden twiste swaer ende onvro
Tusscen Rome ende Carthago;
Van Hanibal, hoe hi Ytale
Wilde winnen altemale;
Van Regulus, hoe dat hi vacht
Up Affrike met siere cracht,
Ende hoe dat hi wart gevaen,
Ende dat Roemsche rike ontaen;
Hoe die Romeine daer naer sinden,
Om Affrike winnen ende schinden,
Paulus ende Silvius,
Hoe si den wijch wonnen dus;
Dorloghe van Hasdrubal,
Hoe up hem den strijt wan al
Mettellus, die van Rome quam,
Ende meneghen dat leven nam;
Van Philadelphus orloge mede
Ende van siere grotere rijchede;
Den strijt van Rome ende van Gallen;
Van Haniballe, die met allen
Van Carthago up Rome quam,
Ende menegen dat leven nam;
Van Sypioene, die vromechlike
Rome wrac over Affrike
Up Sifax ende up Hasdrubal,
Ende upten stouten Hanibal;
Hoe die Romeine die eylande
Ende Surien wonnen in hande;
Van Anthyocus Ephifane,
Die den Jueden swaer lach ane;
Hoe die Romeine wonnen scone
Dat rike van Machedone;
Vanden Machabeus Judas,
Hoe stout ende hoe vrome hi was;
Hoe Carthago wart ghevelt;
Hoe Cleene Azien met gewelt
Andat Roemsche rike quam;
Hoe Cilla echt orloge annam.
Dese bouc strect hem ende sijn tiden
Al tote keyser Julius tiden,
Ende hevet te sinen deele
LXXVI capyteele.

[p. 1,8]

Hoe Alexanders rike wart gescuert	I.
Theophrastus sproken	II.
Vanden selven	III.
Van Tholomeus Socher, coninc van Egypten	IIII.
Van Papyrus van Rome	V.
Hoe Fabius die Samiten verwan	VI.
Van Fabius ende van Curius	VII.
Olympias doot, Alexanders moeder	VIII.
Van Surien dat beghin	IX.
Van Zeleucus van Babylone	X.
Van Tholomeus Filadelphus	XI.
Vanden LXX bedieders van Jherusalem	XII.
Vander byblen die si ontbonden	XIII.
Van Brennus ende vanden Gallen	XIIII.
Hoe Brennus in Delphos staerf	XV.
Noch vanden Gallen	XVI.
Dat wonder dat in Filadelphus tiden gevel	XVII.
Van Pyrrus, coninc van Egypten	XVIII.
Vanden stride van Cartago	XIX.
Van Regulus van Rome	XX.
Hoe Regulus wart gevaen	XXI.
Hoe Paulus van Rome voer vechten in Affike	XXII.
Van Mettellus ende Hasdrubal	XXIII.
Van Filadelfus mogenthede	XXIIII.
Van Evergetes, Filadelphus broeder	XXV.
Van Hanibal van Cartago	XXVI.
Van Filopater, coninc van Egypten	XXVII.
Hoe Hanibal te Rome waert trac	XXVIII.
Hoe Sempronius den wijch verloos	XXIX.
Van Flamineus ende Hanibal	XXX.
Van Hanibal ende van Lucius	XXXI.
Hoe nauwe dat te Rome stont	XXXII.
Hoe Hanibal Rome wilde winnen	XXXIII.
Van Sypioens vaert te Spaengen	XXXIIII.
Van Valerius ende Hanibal	XXXV.
Hoe Sypio in Affrike voer	XXXVI.
Hoe Cartago Haniballe ontboot	XXXVII.
Hoe Sypio Haniballe verwan	XXXVIII.
Van Epyfanes van Egypten	XXXIX.
Vanden Gallen enten Romeinen	XL.
Hoe Theodorus Gods tempel wilde roven	XLI.
Hanibals des fieren doot	XLII.
Sypioens doot	XLIII.
Van Antyochus Ephifanes	XLIIII.
Hoe Antyocus rovede Jherusalem	XLV.
Hoe trike endde van Macedone	XLVI.
Van Mathacias ende sinen kinden	XLVII.
Antyochus Ephifanes doot	XLVIII.
Judas Machabeus strijt	XLIX.
Van Demetrius ende Machabeus	L.
Van Terencius ende sinen sproken	LI.
Van Machabeus entie na hem quamen	LII.
Judas Machabeus doot	LIII.
Hoe die Romeine echt Affrike bestonden	LIIII.
Hoe Cartago wart ghevelt	LV.
Van Jonathas, Machabeus broeder	LVI.
Symeons Machabeus dood	LVII.
Vanden Gallen enten Romeinen	LVIII.
Vanden jongen Alexander	LIX.
Van Griffus Antyochus	LX.
Hoe Trifon sinen broeder verdreef	LXI.
Den strijt van Rome up Jugarta	LXII.
Hoe Jugarta wart verwonnen	LXIII.
Hoe die Jueden droughen crone	LXIIII.
Vanden Duutscen enten Romeinen	LXV.
Hier wert trike van Surien Rome onderdaen	LXVI.
Hoe die meente wart jegen de heren	LXVII.
Van Pompejus van Ascaloen	LXVIII.
Van Marius ende van Cilla	LXIX.
Van Mitridates den groten here	LXX.
Van Mitridates ende Cilla	LXXI.
Hoe Mitridates wan vele lande	LXXII.
Van Lucillus ende Mitridates	LXXIII.
Hoe Mitridates staerf	LXXIIII.
Hoe Pompejus wan Surien	LXXV.
Hoe Crassus was gedoot met goude	LXXVI.