Spiegel historiael. Eerste partie [alleen brontekst]

Hier beghint die vierde tafle.

Die vierde bouc neemt sijn begin,

Hoe ter werelt quam in
Alexander, die here groot,
Die noch nie en hadde ghenoot;
Hoe dattene Neptanabus wan,
Alse sine ystorie seggen can;
Hoe hi te Pisen wan een spel;
Van Xenocrates also wel;
Daer naer coninc Othus doot;
Daer naer hoe in Persen here groot
Wart Arges, coninc Othus sone;
Van Manlus Torquaet na tgone,
Die in Rome was here groot;
Daer naer coninc Phillips doot;
Hoe gheseedt waren beede gader
Alexander ende Phillip sijn vader;
Hoe Alexander orloghen bestont,
Hoe hi wart te Rome cont;
Hoe hi Affrike ende Surie
Ende Egypten wan die vrie;
Darius lettren ende prosent,
Ende wat Alexander weder sent;
Hoe hi wan Theben ende Atheenen,
Hoe hi Darius dede weenen;
Vanden zeghe dien hi wan;
Daer naer vanden fieren man,
Hoe hi up Jherusalem
Een deel oetmoedeghede hem;
Hoe hi tote Amone daer na
Voer ten temple te Lybia;
Daerna hoe anderwaerven vacht
Darius up hem met groter cracht;
Sijn verlies ende sinen rouwe;
Hoe Alexander [in] sine trouwe
Trike van Persen ende van Meden
Dwanc met groter mogentheden;
Coninc Darius doot ende ende;
Van meesters die men doe kende:
Aneximines, ende tier ure
Eenen anderen, hiet Epicure;
Van Syten ende also wel
Vanden volke van Ysrael;
Hoe dat hi wrac Darius doot,
Dat hovesceit was ende eere groot;
Clitus doot, ende oec naer des
Hoe dat doe staerf Calistenes;
Vanden lande van Endi,
Hoe Alexander die here vri
Daer inquam, ende hoe hi verwan
Porruse, den stouten man;
Hoe dat oec die here jonc
In Subdracas spranc sinen spronc;
Van Candasis die coninginne,
Die sere wijs was van zinne;

[p. 1,6]

55

Hoe hi besochte daer na

 

Dat wonder van India;

 

Hoe hem die doot was vorseit;

 

Hoe hi met groter dorperheit

 

Ghevenijnt was ende vergeven,

60

Ende hoe hi endde sijn leven;

 

Hoe die Bracmanne ende hi screven

 

Onderlinghe haer leven.

 

Hier in sijn tsinen deele

 

LXI capiteele.

Hoe Othus, coninc van Persi, Nebtanabus verdreef	I.
Hoe Nebtanabus Alexander wan	II.
Hoe Nebtanabus hem verkeerde in eenen drake	III.
Van Alexanders gebornesse	IIII.
Hoe Alexander Nebtanabus doedde	V.
Hoe Alexander Bucifalle reet	VI.
Hoe Alexander den prijs wan te Pise	VII.
Vanden wisen Xenocrates	VIII.
Hoe Phillip van Machedone Grieken wan	IX.
Hoe Arsamus coninc wart	X.
Hoe Alexander chens ontseide den Persen	XI.
Phillips doot ende sine wrake	XII.
Van coninc Phillips doene ende manire	XIII.
Hoe Alexander ontfinc trike	XIIII.
Hoe Alexander gaderde sijn here	XV.
Hoe Alexander Egypten wan	XVI.
Wat Darius Alexander screef	XVII.
Wat Alexander Darius weder screef	XVIII.
Vanden eersten wighe van Darius	XIX.
Hoe Alexander Theben velde	XX.
Hoe Alexander Darius echt versochte	XXI.
Hoe Alexander wan Darius lant ende scat	XXII.
Hoe Alexander vriede de Jueden	XXIII.
Hoe Alexander voer te Amons temple	XXIIII.
Hoe Darius ende Alexander hem onderscreven	XXV.
Hoe Alexander met Darius at	XXVI.
Hoe Darius ende Alexander vochten	XXVII.
Hoe Darius an Alexandere screef omme genaden	XXVIII.
Hoe Darius vingen sine liede	XXIX.
Darius wort vor sine doot	XXX.
Van Aneximines ende van Epycurus	XXXI.
Hoe Alexanders zeden verkeerden	XXXII.
Hoe Alexander sloot die van Israel	XXXIII.
Die wrake van Darius doot	XXXIIII.
Hoe Alexander Clytus doot slouch in dronkenscepe	XXXV.
Hoe Alexander Calistenes doedde	XXXVI.
Hoe Alexander in India tijdde	XXXVII.
Hoe Alexander enen sone wan in India	XXXVIII.
Alexanders camp jegen Porrus	XXXIX.
Porrus macht ende rijchede	XL.
Hoe Alexander spranc in ene stat	XLI.
Hoe Alexander die Indsce zee bestont	XLII.
Van Canday der coninginnen	XLIII.
Alexanders vaert dor de Indsce wostine	XLIIII.
Vanden serpenten diene vreesden	XLV.
Hoe Alexander voer in Indien	XLVI.
Vanden wondere van Indien	XLVII.
Noch vanden wondere van Indien	XLVIII.
Vander zonne bome enter manen	XLIX.
Van Alexanders verweentheden	L.
Hoe Alexander te Babylonen quam	LI.
Van Alexanders verranessen	LII.
Hoe Alexander was gevenijnt	LIII.
Alexanders doot	LIIII.
Den prijs van Alexanders vromicheden	LV.
Alexanders sepulture	LVI.

[p. 1,7]

Van Alexandere enten Bracmannen	LVII.
Hoe Alexander den Bracmannen screef	LVIII.
Didimus antworde	LIX.
Noch Didimus antworde	LX.
Alexander tote Didimuse	LXI.