Spiegel historiael. Eerste partie [alleen brontekst]

[p. 1,4]

Hier beghint die derde tafle.

Die derde bouc begint aldaer,

Daer Cyrus met orloge zwaer
Verwan dat lantscap van Meden,
Ende brachte met moghentheden
Int lant van Persen die crone;
Hoe hi verwan Babylone,
Ende hoe hi scout die Jueden vri,
Ende daer naer mede hoe hi
Cressus verwan, coninc van Lyden,
Ende hoe hi na velde tien tiden
Van Liden die coninc crone;
Daer naer hoe hi staerf onscone,
Ende van Cambises, sinen sone,
Ende hoe hi regneerde die ghone,
Ende hoe fel hi oec was;
Vanden wisen Pictagoras;
Daer naer [hoe] werringe groot
Wart na des Cambises doot;
Hoe Darijs, Ydaspis sone,
Coninc mede wart na tghone;
Hoe hi orloghede ende street
Up Syten ende up Grieken gereet;
Daer na van sinen sone Xerces,
Hoe hi mede wilde volgen des,
Ende hoe hi wart gesconfiert;
Hoe sijn geslachte na hem tiert;
Van Atexerces ende van Ypocras;
Van Socrates, die vroet oec was;
Van Darius, die na Sogdiane
Tlant van Persen oec vinc ane;
Van Assuerus, ende van Platoene,
Ende van Dyogenes doene;
Van Carthago, van Cycile,
Die orlogeden lange wile;
Van Brennus ende vanden Gallen,
Hoe si Rome daden vallen;
Assuerus doot; hoe Persen vaert,
Ende hoe Othus coninc waert;
Hoe Phillip van Machedone
Fellike drouch die coninc crone.
LVI capiteele hevet in
Dese bouc, no meer no min.

Hoe Cyrus wart gheboren	I.
Van Spartacus, dats Cyrus, hoe dat hi here wart	II.
Van Esopus, ende wie coningen in Persen waeren	III.
Van Cyrus mogenthede, ende wat wondere hi dede	IIII.
Van Babylone, hoe groet, hoe sterc et was	V.
Hoe Cyrus Babylonien wan	VI.
Hoe Cyrus vrihede de Jueden	VII.
Hoe Cyrus Cressus vinc anderwerf	VIII.
Wat in Cyrus tiden geviel, ende sine doot	IX.
Van Cambises, Cyrus sone	X.
Van Cambices zeden ende sine daden XI.
Van Pyctagoras zeden	XII.
Van sinen sproken	XIII.
Van II broederen, heren van Persen, ende hoe Dares coninc wart	XIIII.
Hoe Zorobabel an Darius quam	XV.
Hoe Zorobabel sinen wille gewan	XVI.
Van Demetrius ende van Anaxagoras	XVII.
Hoe Darius op Athenen voer	XVIII.
Van coninc Xerces van Persi	XIX.
Hoe coninc Xerces die Grieken versochte met here	XX.
Hoe Xerces den wijch verloos	XXI.
Hoe Xerces keerde met verliese	XXII.
Vanden stouten Demistides	XXIII.
Xerces doot entie wrake daer af	XXIIII.
Ataxerces langhe hande	XXV.
Hoe die Romeine wonnen wet	XXVI.
Van Ypocras ende Pyctagoras	XXVII.
Van Socrates ende sinen wiven	XXVIII.
Van sinen sproken	XXIX.
Van eenen anderen Xerces ende van Soccidianus den coninc	XXX.
Wat in Darius tiden ghevel, ende van Alcibiades	XXXI.
Van Assuerus conincrike	XXXII.
Wat in Assuerus tiden gesciede	XXXIII.

[p. 1,5]

Van Dyogenes	XXXIIII.
Vanden orloghe tusscen Cartagho ende Cycile	XXXV.
Van Mago ende sinen II sonen	XXXVI.
Van Denise, coninc van Cesile	XXXVII.
Vanden selven Denise	XXXVIII.
Van Platoens aventuren	XXXIX.
Noch van sinen sproken	XL.
Vanden selven	XLI.
Vanden selven noch	XLII.
Van Brennus enten Gallen	XLIII.
Hoe Brennus Rome wan metten Gallen	XLIIII.
Vanden capitole van Rome ende vander gans	XLV.
Van Aristotiles ende sine sproke	XLVI.
Noch van selven	XLVII.
Vander plaghe van Rome	XLVIII.
Van coninc Assuerus, die doodde Darius sinen sone	XLIX.
Hoe Codomanus suverde Persen	L.
Van Othus rike ende Demostenes	LI.
Van Demostenes noch	LII.
Van Phillip van Macedone	LIII.
Van Demostenes ende van Othuse	LIIII.
Van Amio in Cartaengen ende van sinen wiven	LV.
Hoe Chartago sochte de hulde van Rome	LVI.