Episodes uit Maerlant's Historie van Troyen
(1873)–Jacob van Maerlant–
AuteursrechtvrijNaar het te Wissen gevonden handschrift
Achilles klacht over den dood van Patroclus.
| |
[pagina 110]
| |
2315[regelnummer]
In onmacht viel ducke die heer.
Hem selven versprac hy seer.
‘Myn is,’ sprac hy, ‘die misweende
Dat ic u sonder my daer seinde.
O wy, wat myn hert ghedoecht!
2320[regelnummer]
Ic heb u crancke liefde ghetoecht.
U doot sal men op my bescryven,
Dat ghy sonder my sout blyven;
Want had ic by uwer syde
Ghewest ten vreselicken stryde,
2325[regelnummer]
Ghy en wert dus niet vermoert.
Lieve vriende! van nu al voert
En ghecrych ic gheselscap meer
Noch mit knapen noch mit heer.
Myn hert was op u ghevest,
2330[regelnummer]
Want ghy waert die scoenste ende alrebest,
Ghetrouwe, haefs ende welgheboren.
Nummermeer en waen ic horen
Saken daer ic af verblyde.
Mit rouwe sal ic mynen tyde
2335[regelnummer]
Leiden, sint ic u heb verloren.
Ic had u also vercoren!
Liever had dy my dan yet el.
Een dinc weet ic nu wel,
Dat ic u nummermeer en sal claghen
2340[regelnummer]
In mynen leven, in mynen daghen.
Ic wreecke u, mach ic, hoe dat gaet.
Vind ic Hector, diet al versclaet,
Ic sclae hem doot of hy my.
O wy, dat icker niet en was by,
2345[regelnummer]
Daer hy u aftoech dat ghegare,
Die felle dief, die moerdenare!
Hy had becoft, dat is die somme.
Ic sal der sulcke dusent omme
Sclaen, doer u, van pryse goet.
2350[regelnummer]
Ic toen hem mynen fellen moet.’
Mittien viel hy in onmacht:
Die rouwe is al ongheachtGa naar voetnoot1).
Eerlicke ende mit groeter haven
Deed hy den doden begraven.
2355[regelnummer]
En cant ghesegghen sekerlic
| |
[pagina 111]
| |
Tspeel dat daer was kenlicGa naar voetnoot1).
Want men plach, telt ons die jeeste,
Tien tyde dat die alre meeste
Doot waren, dat men daer feest dreef,
2360[regelnummer]
Segt Dares, diet bescreef.
Wanneer een hoghe man was doot,
Was daer dat singhen also groot,
Sulc als men aver dode plach.
Men plaches synt menghen dach.
2365[regelnummer]
Achilles coft hem een starc vat,
Van marberen goet was dat,
Ga naar margenoot+Daer was aen ghemaect duer werck
Daerop ghefondeert een sarck.
Men mocht niet ghemercken das,
2370[regelnummer]
Waer dat graft versament was.
Tusschen hem tween was liefde groot,
Dat toenden Achilles al bloet.
Die dorper lieghet, dat suldy weten:
Hy seit, dat die dode saen es vergheten.
2375[regelnummer]
Aen Achilles wast loghen groot,
Hy mynden levende ende doot
Patroclus synen compaen,
Sonder enich wederstaen.
|
|