Der naturen bloeme(1998)–Jacob van Maerlant– Auteursrechtelijk beschermd Vorige Volgende Vermaarde bronnen Ghemenelike van allen fonteinen bede van soete ende van onreinen es te verstane esmen vroet 14855[regelnummer] es .i. fonteine quaet of goet sout of starc of heet of cout of clar of droeue of menechfout dat soe die smake entie ghedane van der arden plegt tontfane 14860[regelnummer] dar soe nemet hare beghin ende dar darde legt in van fonteinen die hier staen doen ons redenen verstaen plinius ende sente augustijn 14865[regelnummer] sente ysidorus ende solin ende oec die bibele der bi ende meester jacob van vitrj Moyses sprect die mester wijs dat int artsce paradis 14870[regelnummer] ene fonteine sprinct so groot dat iiij riuieren sonder ghenoot comen vte diere fonteinen allene fuson nometi die ene mar auctore etense ganges 14875[regelnummer] die dor darde sijd seker des comt vten artscen paradise ende in .i. wonderliker wise [Folio 129r] [fol. 129r] comtse van .i. berghe ywalt van india neder ende valt 14880[regelnummer] dat edel lant aldore ende duere algader van hare nature vintmen in hare sant ymene fijn gout ende diere stene gion die oec nilus heet 14885[regelnummer] sprinct bi den berghe etnas yreet dar na etet es wel lanc doetse in derde weder hare ganc ende loept in die rode zee dar na dats te wonderne mee 14890[regelnummer] niet verre van den ouere dan sprincsoe ende vort an comt soe snellike ylopen dor dat lant van ethyopen ende maect met haren nat 14895[regelnummer] egypten so dat men in dat coren wint dus lermen dicken ende delt hare in vij sticken ende loept die zee yreet diemen mediterraneum eet 14900[regelnummer] tygris ende eufrates mede springhen bede vte .i. stede jn dat grote armenien jn dien berch oric lien ende darna alteant 14905[regelnummer] lopet elke dor menech lant nv segmen dese fonteine so grot so milde so dore reine benetten ymenelike die plaetse van arderike 14910[regelnummer] so willen someghe wise verstaen dat alle fontenen adren gaen vte dese moeder fonteine hense ofte scone ofte reine sijn worden bi der arden nature 14915[regelnummer] dar si comen ylopen dure ende alle lopende watre keren ten ouede dar die macht ons heren erst springhen moghenlike om te lopene ewelike 14920[regelnummer] nv ort wonderlike dinghen van elker fonteinen sonderlinghe Solinus ende jacob van vitrj segghen dat dat .i. fonteine si jn egypten dar men te hant 14925[regelnummer] blusscen mach .i. brant ende dat theant weder ontsteken dit machmen ouer wonder spreken jn etyopen dat ete lant dar wonet volc eet garamant 14930[regelnummer] dats .i. fonteine sonder wanc daghes so cout dats niemen yniet nacht so heet dat al versiet jacob van vitri die kent 14935[regelnummer] dat .i. borne van orient dar men griex vier of can maken sonder minghen andre saken ende alst wert ontsteken iet canment gheblusscen niet 14940[regelnummer] ensi met sande of met aisine of met des menscen orine plinius segt dat water si dar oghen wonden ghenesen bj ende sulke watre die wonden pleghen 14945[regelnummer] te ynesene si sire mede ydweghen agustijn segt sekerlike dat .i. fonteine es in afrike die soete singhen doet [Folio 129v] [fol. 129v] hem diet te drinken moet 14950[regelnummer] plinius segt dat si eene fonteine seghevri die luxurie doet vergaen agustijn doet verstaen dat .ij. fonteinen sijn in cecile 14955[regelnummer] die ene euet mach talre wile dat so vrouwen euet macht van manne tontfane dracht ende dandre die beniden saen dat soe van manne euet kint ontfaen 14960[regelnummer] oec segti mede dat in cessale flumen lopen tenen dale watermen scaep in deene si warden swart alle ghemene ende in dandre nv merket dit 14965[regelnummer] werden alle scape wit watermense nv hier nv dar si werden al bont ghear jacob van vitri seghet dat in idumua leghet 14970[regelnummer] en borne die oec fonteine eet iiij warf ten iare als men weet so verkerso hare ydane iii maent achter een ic wane nv groene nv root nv droue nv clar 14975[regelnummer] ende dese dinc vintmen dats war plinius segt dat watre sijn diet of drinket verhetet wijn agustijn die orcont dat sulc water es vp den gront 14980[regelnummer] datter ghene dinc in sinke dier in legt vander doder ze men segt al dar wilen er was lant dat god met viere euet verbrant dat niemen can ydinken 14985[regelnummer] datter eneghe dinc in mach sinken oec segt sente agustijn dat noch sulke watre sijn die driewaruen onder dach ende nacht nv soete sijn nu van sure cracht 14990[regelnummer] jacob segt in sine scrifture men vint fonteinen van dier nature die warem sijn ende oghen ynesen men mach dene kennen bi desen want dief die ieghen diefte swert 14995[regelnummer] thant hem dat water dert want hi wert blent dat siemen toghen es hi onsculdech hem betren doghen solinus doet ons verstaen dat .i. fonteine es sonder waen 15000[regelnummer] eist dat mer bj blaset ende pipet so war also die soeteit gripet ende wast als diet gerne verstaet want soe bouen allen oueren gaet liber rerum mede segt 15005[regelnummer] dat in clene bertainge legt .j. fonteine ouer een ghiet mense vp .i. steen die al dar bi es yleghen dar wert .i. swerc saen ende .j. reghen 15010[regelnummer] ende .i. donre dar toe mede te iherusalem bi der stede es die fonteine ciloe die water euet min no me also als god ian den lieden 15015[regelnummer] dit orewi ystorien bedieden .j. fonteine loept wi lesen dus bi den berghe libanus tusscen .ij. stenen alsic las [Folio 130r] [fol. 130r] tvsschen rafanus ende archas 15020[regelnummer] ende es yheten sabaet om dat binnen alle der weke ne gaet dar altoes watre ne ghene sonder saterdaghes allene dan es so vardech ende snel 15025[regelnummer] ende verwlt die stat van water wel dit scriuet jacob van vitri dat int lantscap van persi es .i. riuiere die in elker nacht vervriest met so groter cracht 15030[regelnummer] datter liede ende beesten ouer gaen des daghes doiet soe sonder waen bi surs so springet in die zee ende andre ende nemme also sere vten gronde 15035[regelnummer] dat mense mach talre stonde bouen sceppen soete ende goet sonder alst die storem doet oghe effen die zeebaren dat mer niet siet te waren 15040[regelnummer] dit ebic van fonteinen vonde ort nv vort te desen stonde wat crachte dat ebben die stene ende voren die tale int ghemene Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd