Der naturen bloeme

(1998)–Jacob van Maerlant– rechtenstatus


Waardevolle stenen Ghemenelike sijn de stene 15045[regelnummer] die ons comen groot ende clene bi der riuieren neder te waren vten padise yvaren stene die comen van orient niemen ne twifels die men vroet kent 15050[regelnummer] sine sijn van groter macht ende oec ouer best yacht want men siet an den seil steen dies nombert scipman negheen oe hi die leetsterre wijst 15055[regelnummer] nochtan es hi ouer ondiere yprijst mar bi redenen ne can men niet gheproeuen die cracht die men siet wanen so comt mach hit lichte sonder bi ons heren ghifte 15060[regelnummer] nv salicse v bi namen nomen also alsi in ordinen comen [na dordine van a b c also vort no min no mee] Emesticus die ic erst sette 15065[regelnummer] es ylijc der violetten ende dar men vint so ydaen es de beste sonder waen some amatisten sijn ghevarwet na roden wijn 15070[regelnummer] metten watre verkeert jn Etyopen als men ons lerd vintmense ende in indi ende in germania hier bi mar die ne sijn no bore diere 15075[regelnummer] no oec van sconre maniere enter werden eueti min die cracht die hi euet in dats dat hi dronkenscap verdrijft alsmen ons lert ende scrijft 15080[regelnummer] Schates es i dier steen swart vint men menghen een dar wit adren in gaen oec segmen ons sonder waen dat hi in euet figuren 15085[regelnummer] ywassen bi yrechter naturen als die ystorien doen verstaen dat coninc purus sonder waen
[Folio 130v]
die wilen street ieghen de romeine .j. acathes adde so reine 15090[regelnummer] datter in stont properlike ix jnstrumente der musike jn midden appollo metter arpen sittende so dit ne makede leec no clerc 15095[regelnummer] mar dit was der naturen werc dese steen verdriuet venijn den draghere doet hi starc sijn ende gheuet gheluc ter cure jn meneghe sware auonture 15100[regelnummer] ende maectene wert ende lief ende wert den darst segt die brief ende maect den ogen clar oudemen den viere nar riecti soete als wi lesen 15105[regelnummer] eneas adde desen doe van troien vloe die man die meneghe sware noot verwan Alabaustus wi lesen dit es .i. steen van varwen wit 15110[regelnummer] dar men vate of maket goet dar men diere specie in doet want niet lichte in langhe stont ne wertter in specie onghesont omtrent damas ende teben mede 15115[regelnummer] vintmense van groter witede mar die beste comt van endi men segt die steen es seghe vri ende hi vriescap beiaghet den ghenen diene ouer hem draghet 15120[regelnummer] jn dit vat brochte magdalene diere specie ende rene dar soe iesumme saluede mede dar hi at ter seluer stede Adamas dats .i. steen 15125[regelnummer] die yvarwet es in tween ende adamas vint men dat si jn dal ende van endi die vintmen dar inden dale onder rotsen van finen kerstale 15130[regelnummer] ende es na den kerstale dar mar .i. deel yvarwet dar nar datmen yvilt yser siet desen machmen breken niet met viere no met slane ghene 15135[regelnummer] sonder met bux bloede allene warem rinnende vter wonden dar mede scorti te seluer stonden met sinen splenteren yset in stale snidemen ende grauert wale 15140[regelnummer] die archste steen die men vint dese nes mere niet entwint dan men die aselnote weet sulc man es diene diamas heet
[Folio 131r]
men segt dat hi gratie gheuet 15145[regelnummer] hem diene ouer hem euet vp dat men dor vrienscap gaf ander ne dieti niet .i. caf no ne diet hine si al so beiagt hi es te beter almen ywagt 15150[regelnummer] eist datmen staen doet in stale els dat vingherlijn altemale van goude sij ymaket al rene dor die here van den stene men vindet .i. andren dyamas theant 15155[regelnummer] tote arabien in dat lant ende in de ze mede als men segt die in die ze van cypers legt ende es darin ende is jn grieken bi philippis 15160[regelnummer] ende dien etemen seil steen dien sone mach ouer een die schipman omberen niet want alsi die leetsterre nie siet wijst hem die steen de leetsterre 15165[regelnummer] anders bleuen si in werre bi dien dat hem die steen lert wetensi war si sijn bekert dese steen es oric lien nvtte ter touerien 15170[regelnummer] hi gheuet hem cracht ende beiaghet jeghen sinen viant diene draghet hi verstect drome die idel sijn ende hi openbart venijn want men segt dat hi sueet 15175[regelnummer] als hi enech venijn bi hem weet die metten viant es beten es hi nuttelic wilmen weten ter luchter ant oric ywaghen dat hi wille sijn ydraghen 15180[regelnummer] Albesten dats ouer en jn archadia .i. steen als yser roest ydaen ontsteken ne machmen sonder waen mar nemmermer in ghere maniere 15185[regelnummer] sone werti yblust van viere dit segghen ons mesters al bloot mar dits wonder alte groot Amantos men vindet wale es .i. der steene orientale 15190[regelnummer] ende es als aluun ydaen .j. sidin cleet bestrikemen saen met desen so dat sine maniere blijft onghequets van den viere ende werdet clar inder ybare 15195[regelnummer] als oft scone ywasscen ware goet es ieghen sorterie ende ieghen alrande touerie Alectorius es ouer een dat wi nomen capoensteen 15200[regelnummer] alse ghi moghet doen ondersouc hier voren in der vogle boec van der groter van .i. bone ydaen na den kerstale staen
[Folio 131v]
anders dan hi donkere es 15205[regelnummer] diene inden mont draghet sijd ghewes hine laet em ghenen darst gaen an dus prouemen of hi vrai es dan jn wighe es hi seghenti sere ende beiaghet pais ende here 15210[regelnummer] sinen draghere maecti wijs ende meest vrouwen die mespris van haren mannen moeten ydoghen doet hi den mannen vrienscap toghen als dure vordeel an wils iaghen 15215[regelnummer] moetstune inden mont draghen Absintus die es swart ydaen. dar witte aderen dore gaen van sire groter arde swar makemene int vier eet dats waer 15220[regelnummer] vij. daghe bliueti eet hem es hi goet die yreet ter iucht sijn ende so sere riesen dat si die lede verliesen Alabandina es ghenant 15225[regelnummer] also vant mense in .i. lant. ende etet alabandina men vintse int lant van asia diere ende scone vtermaten en deel ghelikende den ghernate 15230[regelnummer] noch bet ylikende den rubine so verhuegt therte sine diese nerenstelike ane siet dits datmer an te prisene pliet Andromada es na seluer ghedaen 15235[regelnummer] en vircante steen sonder waen hart ghelijc den adamant jn de rode ze lesic dat menne vant dese socht des menscen moet die alte male scijnt verwoet 15240[regelnummer] dartoe es hi were groot jeghen der luxurien noot berillus es .i. steen openbare. clar als oft zewater ware mar de beste sonder waen 15245[regelnummer] es na clar olie ydaen ende binnen onbesmet want someghen berillen let adren binnen in der ghebare als oft inder ghelike van .i. hare 15250[regelnummer] dar hi es als .i. appel ront ghenet int water dar ter stont ende die sonne der duere schine doeti sonder andre pine doden colen vier ontfaen 15255[regelnummer] ende andren dinghen sonder waen die droghe sijn ende van lichter naturen oec segmen in der scrifturen dat quinancie ynesen can ende met wriuene driuet dan van 15260[regelnummer] es hi wassende ant lijf
[Folio 132r]
hi maket tusschen man of wijf vrienscep si si an onvrede hi gheuet vele wardicheden sieken oghen es hi niet quaet 15265[regelnummer] alsemenne int water dwaet sijn water dar hi in es ydweghen es goet dien uersiekens pleghen sulker leueren es hi goet seghevri es hi ende wel ymoet 15270[regelnummer] neghenderande machmene vinden de beste comen ons van inden Borax dats der padden steen van iii manieren of van ii j deel sprakic van der vormen 15275[regelnummer] jn den bouc van den wormen some sijnsi wit ende some bruun de witten comen selden int commun mar het es de beste te voren want die witte als wit oren 15280[regelnummer] heuet .i. mensce in enech quaet ende hi dien steen ontfaet ende swelghet in gheel hine laet nieweren .i. deel jn den darem hi ne gaet dure 15285[regelnummer] ende purgert die nature ende comt beneden vt onghescadet sire virtuut enen andren swarten met .i. oghe sietmen somwilen toghe 15290[regelnummer] want hi es sonder medicine jn walsch etemenne crapandine Carbonculus dats .i. steen die ghelike euet negheen die selsenste die men vint 15295[regelnummer] dar men die wareit of kint dat hi euet alre stene macht hi maket den dach in den nacht daghes es hi cole root nachts eueti clareit groot 15300[regelnummer] jn libien in traghediten vindemen seghemen de viten drierande sine maniere de rechte yliken den viere kubit mach die andre sijn 15305[regelnummer] dien etewi met ons rubijn hijs root mar niet so recht dat hi maket int donkere lecht balandrus es dandre maniere hi nes niet root ghelijc den viere 15310[regelnummer] of donker violettin root doch es sine werdicheit so groot dat warder is sine maniere dan van den iaspise of van den sophiere Calcedonius es .i. steen 15315[regelnummer] dicke ghewarwet ouer een tvsscen den blawen enten claren es hi dorgaende te waren ende menne draghet alsic vant eist anden als of ande ant 15320[regelnummer] hi doet dicke verwinnen plait in ghedinghe sonderlinghe ende hi tempert sere mede hitte die comt van den rede
[Folio 132v]
drierande vintmen desen 15325[regelnummer] also als wi bescreuen lesen Corallus es .i. steen al root van hem vindewi al bloot dat het cruud si langhe stont ende wast vp der ze gront 15330[regelnummer] ende alsment in die lucht brinct vt so ontfaet des steens virtut omtren sardangen in de ze vint ment ende nieweren me lanc vint men dese stene 15335[regelnummer] alfs voets ende langher neghene jeghen blexeme ende tempest es dese steen goet uervrest dies braken douderinghe dicken dat si braken corael te sticken 15340[regelnummer] ende worpent vp tfelt metten sade jeghen des weders onghenade ende an oliue bome jnghen sijd ende al omme des aghelstrijt quade ieste scuent al 15345[regelnummer] hi es goet ieghen menech mesual ysont es hi den latame jegen diere fleume mesquame Crisoprassus es .i. steen van ii varewen ouer een. 15350[regelnummer] alse porreide sap groene met spotkine van sulken doene als oft gout dropeline waren selden vindemene te waren allene te werder so es hi 15355[regelnummer] allene comti van endj den ogen es hi sere goet alsmen ons te verstane doet Celidonius als men segt es die inde swalewe legt 15360[regelnummer] lelic es hi ende niet dor art sulc es root ende sulc es swart swalewe ionghe die ebben inne leric dat men dus bekinne die bec ieghen bec sitten in een 15365[regelnummer] die ebben inne desen steen die rode es goet te draghen ane hem die plegt ter niewer mane quade gheeste te ebne inne ende hem die wert oec buten sinne 15370[regelnummer] ende die langhet quale dragt so draghene als men hir ywaecht jn .i. linijn cleet ywonden ter luchter ant ter seluer stonde alsmen oec den swarten vint 15375[regelnummer] eist mede nuttelic dat men bint jn een cledekin ende die es ghoet em die copmanscepe doet ende botscap draghen in verren lande gramscap sochti teanden 15380[regelnummer] met watre ydweghen dats war maken donkere oghen clar jn .i. brun root cledekin so willi ghedreghen sijn
[Folio 133r]
soe es hi goet ieghen den rede 15385[regelnummer] ende ieghen quade humuren mede Calcofanus heuet swarte ghedane heuetene .i. suuer man ane hi doet wel singhen ende clare mede want hi ueriaget die heeshede 15390[regelnummer] alsemerre met isere ane slaet soete ludekin van hem gaet Cornelius die corangeline pleghen donker root te sine ghelijc ioft ghesneden ulesch ware 15395[regelnummer] gramscap benemet hi openbare bloet dat uter nese rinnet ofte hute wonden als ment kinnet slutet dese steen met sire macht meest nochtan heuet hi de cracht 15400[regelnummer] vrouwen te elpene in hare moien weltijt dat si van bloede uloien jn desen steen vindemen figuren ghegrauert dar de scrifturen hier na af spreken wonder ende wel 15405[regelnummer] doe hem de kinder van israel wilen quamen in de wostine dar si in dogheden menege pine Crisoletus es sonder waen na groene ze water gedaen 15410[regelnummer] glettende der na na gouts maniere ende sparkende ghilijc den viere eist datmenne in goude draghet hi uerdriuet ende veriaghet den lieden huter herten vaer 15415[regelnummer] die ne weten wat no waer eist dat merre dore maket .i. gat ende man danne doe in dat haer dat vp des esels assele staet hi ueriaghet der duuele baraet 15420[regelnummer] dese wil sijn ter luchter side ghedraghen vro ende betide die copmanne diene ons vercopen die bringhene van ethiopen Cristallus segmen ouer een. 15425[regelnummer] van ouden ise worden steen mar dar ieghen spreket solijn ende seghet dat kerstale sijn al daer noint ne uroes hijs si segghen die hier af sijn wijs 15430[regelnummer] wriuemen desen steen te sticken ende menne gheue drinken dicken vrouwen dien dien melc verdroget dat hi sine macht an soghe toghet oec es hi sieken hoghen goet 15435[regelnummer] want hise wel ghenesen doet Crisoletus in sinen doene geliket goude ofte litoene scone es hi in de morgenstont boeke maken ons cont 15440[regelnummer] dat dese steen draghet de were jeghen de sware uorouet swere ende ogen can gesont maken die siec sijn van couden saken
[Folio 133v]
die oec heuet den rede 15445[regelnummer] dragene in die hant hem mede want hi ditte uerdriuet eist dat menne te pulure wriuet hi geneset scorf ende seer sulken vindemen meer 15450[regelnummer] gheuarewet diet fier ontsiet entie die heete manne vliet dien vindemen goet in allen steden tieghen swellinge van leden ende hi uerdriuet die wanne 15455[regelnummer] dieden menschen wassen nochtanne Ceranneus dats ouer een diemen heetet den donresteen want hi vallet metter blexemen neder so soekemenne vort ende weder 15460[regelnummer] mar alleenlike in alemaiengen vindemenne ende int lant van spaenien den duutschen van rooden doene entien van spaenien vindemen groene hart es hi ende menne canne niet wale 15465[regelnummer] ghewinnen met isere no met stale men seghet waer dat es dese steen datter donre ne scadet gheen meesters segghen hier af mee es onghewederte vpt lant ioft in de ze 15470[regelnummer] dat dese steen van alre pine es sonderlanghe medicine. Dracontides dats ware sake. es .i. steen comet uten drake. hi nes weder scoone no goet 15475[regelnummer] het ne si dat mennem leuende hute doet dat ne doemen niet met cleenen doene liede die stout sijn ende coene merken dat ol vanden drake ende alsi slapet doen si de sake 15480[regelnummer] dat si hem thouet breken schiere ende werpen hute de ghimme diere men seghet dese ghimme fijn nuttelic wesen ieghen venijn ende dar toe hare maniere 15485[regelnummer] nuttelic ieghen gheuenijnde diere desen steen dat weetmen wale minnen coninghe orientale ende hebber in ghenoechte groot si sijn claer ende blakende root 15490[regelnummer] Dyonisia dats bekent es .i. bruun steen van orient [met witten dropen dorsaiet dicken eist datmen desen wriue te sticken in watre hi rieket alse wijn 15495[regelnummer] nochtan es die nature sijn dat hi dronkenscap verdriuet dits wonder dat men van hem scriuet Diadochos es sonder waen een steen na den beril ghedaen] 15500[regelnummer] alsemen werpet int water desen sonder manen ende belesen sietman daer thant figuren swart van dieueliker naturen also datmen hem antword 15505[regelnummer] die hem hiet wil uraghen vort mar comet dese cleene iof groot. an eneghen mensche hi bliuet doot sine cracht ontgaet hem openbare
[Folio 134r]
ghelijc ioft onghesiende ware 15510[regelnummer] dat hi dooghe vreese groot naturlike ieghen de doot Emachites dien machmen coepen jn arabien in ethyopen ende es ghelijc den roost male 15515[regelnummer] met rooden aderen gheminget wale desen steen gemalen te sticken met watre geminget hem heuet hi dicken hem ghewesen arde goet die van heuele spuwen bloet 15520[regelnummer] [men sal up enen grouen wetstene malen desen harde clene ende gheuen drinken dient so staet dat hi bloet ter cameren gaet oft dien nose ofte wonde bloet] 15525[regelnummer] hi stoppet thant de roode uloet want si nutten dat ghestof datmen slipen mach dar of ofte gheleit vp die nese gate ende verschen wonden geuet hi bate 15530[regelnummer] oec stoppet hi der urouwen bloet alsemen sijn puluer in wine doet hi doet ghenesen scorf ende seere ende gheuenijnde beten dats meere eist datmen sijn stof oec sum 15535[regelnummer] doet in .i. colerium dat maket doghen claer dat stof ghedronken oec dats waer mach den steen inde blase breken ende doot ulesch datmen siet in wonden steken 15540[regelnummer] dat bitet de steen te gader vt dus ghendaen es sine virtuut Echites dats .i. steen diemen vindet al in een jnt nest dar de haren broodt 15545[regelnummer] ende lettel hiemene die es vrooet die weet wanen menne bringet te waren jn hem seluen so heuet die haren enen andren steen dat machmen horen diene lotert uor sine oren 15550[regelnummer] goet es hi seere sonder waen vrouwen die in pinen gaen want hi curtet haren arebeit dat wanemen ouer wareit dat hi leuende behout dat kint 15555[regelnummer] want suuereit hi seere mint ende maket de sine zegheuri rikeit so meerset hi men seghet dat castor pollux hadde bi desen uele gheluxs 15560[regelnummer] Eliotropia als men seghet die steen in watre gheleghet jn .i. uat entat sonneschijn scinende vp die siden sijn maket de sonne so root ghedaen 15565[regelnummer] alse ofte soe recht ware vergaen entan springhet water huten uate so seere ende so onghemate ghelijc recht oft ware .i. reghen waren daer danne lieden die pleghen 15570[regelnummer] beseten te sine met quaden gheesten si souden roepen ende maken feesten ende profecien oec hute gheuen dese steen gheuet lange leuen diene werdelike draghet 15575[regelnummer] bloet stelpet hi ende uenijn hi ueriaghet ende ne latet den sinen niet bedrieghen oec hem si ofte meesters lieghen die desen steen belesen can
[Folio 134v]
ende goutbloemen onder hem leget dan 15580[regelnummer] hi doet dat menne ghesien ne can den ghenen diene draghet an jn cipren ende in afrike so vindemen desen sekerlike na die miraude es hi groene 15585[regelnummer] ende bespringhet met rooden doene Clidros dat vindemen wale es .i. steen gelijc kerstale dar altoes water af drupet mede dat goet ghenut es ieghen den rede 15590[regelnummer] ende elts wonder dat merre af telt die steen ne mindert no ne smelt mart hart bliuet hi ende geheel ende hine uerslitet selfs .i. deel. Gheratides es .i. swart steen 15595[regelnummer] beter es hi ouer een van crachte dan es ydaen erst moet .i. sinen mont dwaen ende inden mont den steen draghen hi mach weten sonder ywaghen 15600[regelnummer] al dat .i. in sinen sin van hem penst mer no min hi maket lief diene draghet dus proeuemene als men ywaghet bestrijt met oneghe .i. man 15605[regelnummer] eueti den steen met hem dan alle vlieghen sullen hem vlien dus machmen sine cracht sien Garantus es .i. steen wel na met rubine ouer een 15610[regelnummer] els dan donkere es sine ydane der rosen wel na ylijc ane so art dat mene graueren ne can ensi datmene snider der an met splenteren van den adamant 15615[regelnummer] men vintene in etyopen lant omtrent surs vindmer meer die sijn yworpen vter zee dese verdriuet zerechede ende veroghet therte mede 15620[regelnummer] sulc heuet violetten ydane dat es de dierste als ic wane Gagates es .i. steen al swart licht ende ne bore ard jn licia was hi eerst vonden 15625[regelnummer] ende in bertania dat nv ten stonden jnghelant eet wriuemen der mede van naturen heuet hi ter stede caf ende pailgen van stro diet water laet ende staet also 15630[regelnummer] dien radic dat sine draghen hi doet staen vaste tande die waghen ghenet in watre dan an bestreken vrouen die menstrua ybreken die doet hi thant ynesen 15635[regelnummer] mar wachtem wel na dese die van den groten euele is besmit ende hi in den roke sijt hi mach arde lichte vallen ende dar de quade gheeste vte callen 15640[regelnummer] si swighen rikensi den roec jeghen touerie es hi oec goet vrouwen die gaen in arebeiden gaen em ware nuttelic dat men leide saen jn watre iij. daghe desen 15645[regelnummer] ende dronken twater si souder bj ynesen metten watre als dat men segt eist dat men maghe te prouene plegt Gelasia es i steen
[Folio 135r]
gheuarwet naden agelsteen 15650[regelnummer] ende nemmermer in ghere maniere sone uerwarmet hi van uiere mar ewelike bliuet hi coud dese uerdriuet met sire ghewoud gramscap ende quade zeden 15655[regelnummer] ende luxurie der mede [Gecolitus comet van orient ende es ghedaen omtrent na der oliuen carnelle ic wane ondiere es hi in der ghedane 15660[regelnummer] mar van crachte es hi diere men wriuene te sticken dats sine maniere met watre ende drinkene dan want hi den steen breken can die men in de blase draghet 15665[regelnummer] entie grauele hi veriaghet] Galaritides alsemen kint es .i. steen diemen in nilus vint ende es na die assche ghedaen voestren dien hare soch willen ontgaen 15670[regelnummer] wriuemenne in melke te sticken soe gheneset wriuemenne dicken hi gheneset der urouwen pine entie scorefde pleghen te sine met witten van eihen ghedweghen 15675[regelnummer] es hi nuttelic ghedreghen gheluc ende goet hi beiaghet den ghenen diene methem draghet Garotremeus es houer heen de gherechte seghesteen 15680[regelnummer] ende es ghedan als .i. reeuel die desen heuet men weet dat wel dat hi in wighe alleweghe sonder waen winnet den zeghe eist int water eist vpt lant 15685[regelnummer] van desen ic bescreuen vant datter hercules mede uerwan meneghen strijt ende meneghen man ende alse hine niet ne hadde altoes dat hi den strijt dan al uerloes 15690[regelnummer] Iaspis es .i. steen al groene ende sulc es van sulken doene die ghedropelt es al root entie heuet die doghet groot die gegrauert es ende claer 15695[regelnummer] es hi suuer men weet uoer war dat hi den ghenen diene draghet den curts entat water ueriaghet hijs goet den vrouwen die sijn in pinen ende maket werd ende seker den sinen 15700[regelnummer] sakereermenne hi uerdriuet noch quade gheeste ende helfs ghedroch van seluere sal sijn sittijn sijn ende goudijn anders dat vingherlijn groote meesters die visieren 15705[regelnummer] desen van .xvii. manieren dar menne vindet ghedropelt rood dar es hi van dogheden grood ende sulc es root inder ghebare alse ioft gheslepenen teghelen waren 15710[regelnummer] entie nes niet alte diere een jaspis es van sulker maniere die wast int forouet vanden esel ende die es art als .i. kesel lelic ende van varewen wit 15715[regelnummer] phylosofen segghen dit .v. iar draghetine wilmen weten hijs goet ieghen uenijnde beten sijn puluer jeghen venine ghedronken dat es medicine 15720[regelnummer] men scaue sijn puluer met ere vilen ende men gheuet ter seluer wilen met watre drinken het doet vrede hebben saen ieghen den reede men vindet oec dats bekent 15725[regelnummer] jn jaspise dat quade serpent na iaspise ghedan .i. steen die doghet in heuet meneghe een Iacinctus es .i. steen wel scone gheuarewet nade kalerdone 15730[regelnummer] jn clare lucht es hi claer jn donkere donker dat es war van middelre varewen es hi best
[Folio 135v]
so art es sine nature gheuest datmenne grauert met dinghen neghene 15735[regelnummer] danne metten adamants splentren allene sere cout es hi talre stont ende alre couts es hi indes menschen mont hi maket enen bliden sin bescermenesse ende goet ghewin 15740[regelnummer] es hi den ghenen andie hant die uerre gaet in uremde lant goet es hi seere ieghen plage jheghen uenijn ende serpents slaghe hi maket lief horic bedieden 15745[regelnummer] den mensche gode enten lieden ethyopen gheuet ons desen also wijt inden boeke lesen Icitos dats .i. steen seget isidorus ouer een 15750[regelnummer] gheleu na soffran ghedan een deel clar lecht sonder wan die hem sochte wriuen laet eist datmer mede wriuet ende begaet een cleedekin hetne can gheen uir gewinnen 15755[regelnummer] mar het gloiet alse de vlamme binnen somwile gheliket hi alune touerie int commune verdriuet hi met sire cracht een ander es diemen lettel acht 15760[regelnummer] alse .i. wit kesel ghedan die uerdriuet doemen verstan die swere die karbonkel het ende uerdriuet sine hitte ghereet sieke oghen entie tranen 15765[regelnummer] quitet hi van groter blame ghepuluert alsmen weten doet es hi ieghen ronghe goet Iris die gheliket kerstale lanc ende ghecantet wale 15770[regelnummer] latemenne dorscinen vander zonnen jn een hus als wijt weten connen hi sal maken thant enen reghenbode ande want jeghen blexeme es hi goet 15775[regelnummer] die sconste vintmen des es men vroet ter grooter ze dus horicket lien jnt gheberechte van armenien jn alemanien vindemense mede jn rootsen te sulker stede 15780[regelnummer] Iena die steen heuet de name van ere beesten ombequame dar ic af sprac hir te voeren hute sinen houede als wijt horen nemen desen dieren steen 15785[regelnummer] meesters draghen ouer een dat hi doet uorweten dien wiene draghet wat sal ghescien ende danne moetmenne horic ghewaghen altoes onder de tonghe draghen 15790[regelnummer] Ljppara es houer een jn libia .i. wonderlic steen alst gheuallet teregher stonde dat beesten vlien uor die honde nature leertse te hem te vliene 15795[regelnummer] alse te hem diese van messchiene also bescermet vor die honde want hens die hem ghescaden ne conde Ljgurius es .i. steen wel diere die comet hute linxe den diere 15800[regelnummer] van sire orinen diehet laet also alst hir uoren stat jnden boec vanden dieren linx dat pleghet ere manieren alst sine orine maket thant 15805[regelnummer] so werpetet der vp dat sant om dat benidet des menschen bate mar niet ne diedet hem die hate want soe uerhart tenen stene
[Folio 136r]
sine varewe es ghemeene 15810[regelnummer] rood ende een deel brun der mede plinius seit houer warede dat hi root es houer een gheuarwet alse karbonkelsteen mar dat hi nachts niet nes so claer 15815[regelnummer] lapidarius seit houer waer dat hi es van uarewen groene nuttelic es hi te meneghen doene mar alre meest dieden lachame bestoppet hebben entie blame 15820[regelnummer] vp datmenne met watre dwaet hi doet datten mensche te gaet entie sine uarewe es ontuallen hi gheuetse hem weder mer allen palien ontsteket hi ende ontfaet 15825[regelnummer] ghelijc dat doet die gagaet Margarita es .i. steen vanden precieusen een het sijn musselen diene draghen solinuse horic ghewaghen 15830[regelnummer] dat sine vanden douwe ontfaen dits .i. wonderlic bestaen na dien dat die tijt es int jar donker rood wit iofte clar es de margarite ghedan 15835[regelnummer] menne heuet dat niet uerstaen datmen noint in enech lant mer dan ene in .i. neuant dies heetemenne steen hunion sine uarewe es best int toen 15840[regelnummer] dat hi es wit ghelijc halune sine cracht es dus int commune datmerre af mach maken doen specie heetet diamargariton hi es cranker maghen goet 15845[regelnummer] enten ghenen die spuwet bloet pais uerleent hi ende vrede ende gheuet groote ghesonde mede ende maket den sinen sachten moet onder hare houet alsoes niet gheuoelt 15850[regelnummer] ghemeenlike ende houer een heten wi perle desen steen Magnes die es sonder waen alse .i. isermal ghedan sine nature es sulc ghemecket 15855[regelnummer] dat hi hiser na hem trecket eist datter gheen seilsteen ne si mar esser die seilsteen bi so segghemen dat hijs niet ne doet ter touerien es hi goet 15860[regelnummer] ende hoec heuet hi ene cracht diemen houer wonder acht want wie hem dies ontsiet te vele dat sijn wijf met andren spele hi sal legghen dien maghet 15865[regelnummer] onder hare houet onghelet also slapende leghet sachte es soe van reinen ghedachte so sal slapende als ende als haren man nemende omden als 15870[regelnummer] die onghetrouwe sal met allen neder vanden bedde uellen dese steen die maket den vrede tusschen man ende vrouwen mede ghewreuen ende met melke begaet 15875[regelnummer] es hi goet hem diet water laet jn india lesic datmenne vant jnder tragoditen lant ysidorus seghet int leste datde ghelewe sijn de beste 15880[regelnummer] ende dat hi glas ende iser mede an hem trecket beede ghereede Memfites dats .i. steen diemen uindet houer een jn egipten ende es wel naer
[Folio 136v]
15885[regelnummer] root alse vier ghedan dats war desen steen wriuemen te sticken men wriuene met aysine dicken ende gheuene nutten tien tiden diemen bernen sal iofte sniden 15890[regelnummer] sone gheuoelsi quaet no goet watmen haren liue doet Melonites die was uonden jn arabia bi stonden donker groene sonder wan 15895[regelnummer] na die miraude een deel ghedan mar niet also dore clar dese steen bescermet dats war kindre in hare jonchede van ongheualle in mengher stede 15900[regelnummer] Medus es .i. steen van meden met een lettelkin groeneden met vrouwen melke horic ghewaghen die .i. knapelkin heuet ghedraghen salmenne maken men sal mettien 15905[regelnummer] blenden weder gheuen hare sien dwamenne met watre so es hi quat want wiere mede sijn oghen dwaet hi uerlieset beede sine hoghen bedinens hine cant ghedoeghen 15910[regelnummer] noch oec ontulien no ghescuwen hine moet sine longre spuwen Onix dats ouer een en utermaten diere steen ende es gheuarwet ende ghedaen 15915[regelnummer] ende vander grooter sonder waen dat eens menschen naghel si aldus seghet de glose mi die ons de boec ombint de dueghet diemer ane vint 15920[regelnummer] jeghen scoref es hi goet dats war ende hi maket dat anschijn clar hi rieket dore wel alsmen ons seghet diene vp eene cole leghet entie sine oghen heuet quaet 15925[regelnummer] men legghene dar vp hi gaet sonder quetsinghe thoghe al dure ende purgert die nature ende dits te wonderne wel want men seghet int bispel 15930[regelnummer] thoge es .i. herberghe cleene want soene ontfaet gaste gheene Orix es .i. diere steen swart es hi houer een ende ghetafelt some met witten 15935[regelnummer] ende some met blawen die hem wel sitten hi maket sinen dragre coene jn slape es hi van goeden doene want hi uerdriuet seerechede els ghedroch ende sulke dinc mede 15940[regelnummer] mar dats te lachterne als ende als eist datmenne draghet anden als dat hi maket orloghe ende strijt ende vele spuwens talre tijt mar deser quateit hi begheuet 15945[regelnummer] eist datmen sardiuse bi him leghet Ostalanus ofte ostolamus es .i. steen heetet aldus desen heeten alle brieue patron ende beschermere der dieue 15950[regelnummer] want diene draghet bescermet dien datmenne niet ne mach ghesien also verdonkert hi de siene ende dits wonderlic van gheschiene des draghers oghen maket hi clar 15955[regelnummer] dat hi ghesiet verre ende nar sine uarewe swighet tghedichte omme datmenne niet ne vinde lichte Orites es .i. steen groene al die goet es ieghen ongeual 15960[regelnummer] sulken vintmen swart ende ront
[Folio 137r]
die van uenine es onghesont nettene in olie ende strijc ut desen hi sal tehant wel ghenesen ende ander es na iser ghedan 15965[regelnummer] die doet urouwen kint ontfaen draghen si kinder sonder waen hi doetse ghenesen saen Pirides iofte piridonisius es een steen die heetet dus 15970[regelnummer] blont alsment houer war hout som sisi ghedan naden crisout ende groene inder ghelike dese gheneset dartitike dits nochtan te wonderne meere 15975[regelnummer] eist datmen desen duwet zeere want hi des menschen hant bescoudet soetelike willi datmenne hout Pantera dats .i. steen ghedan van menegher varewen sonder wan 15980[regelnummer] ghenomet na pantera dat dier dat van varewen es so fir die desen draghet hi scouwene ane tilike metter sonnen vpgane so sal hem dien dach al dure 15985[regelnummer] ten besten gan sine hauenture verwoetheide doet hi ghenesen hute yndia so bringhemen desen alse meneghe vertut men hem gheuet alsi meneghe varewe heuet 15990[regelnummer] Prassus es .i. steen al groene cume goet te eneghen doene sonder vander varewen allene men vercoepet meneghe eene ouer die miraude fijn 15995[regelnummer] mar dicker es de varwe sijn Pjrosilus dats .i. steen dar esculapius ouer een tote agustine octomanne dusdane redene af doet te verstane 16000[regelnummer] hi spreket mans herte diemet venine doot bleuen es ioft met sulker pine jofte herteuel es bleuen doot datmenne altoes in uier groot sine herte verbernen niet ne can 16005[regelnummer] .x. iaer achter een dan salmen dies mans herte legghen jn .i. uier dus es sijn segghen so werdet soe te steene dus entie steen hetet pyrosilus 16010[regelnummer] hi heuet sonderlange macht want hi sinen man bewacht van donre ende van blexemen mede ende maket lants heren talre stede ende segheuri altoes de sine 16015[regelnummer] hoec uersekert hise van venine ende hi bescermet vander gadoot want diene inde heuet blood hine mach niet versteruen sonder waen die steen ne si van hem gedaen 16020[regelnummer] mar int heuel ende inde pine staet hem eenparlic te sine jnder serpente boec so es bescreuen dat aristotiles seit dat alexander desen droech 16025[regelnummer] jn .i. cleedekin diere ghenoech talretijt sinen liue na entoe hi kerde van jndia soudi hem dor sine bate dwan ende baden in die eufrate 16030[regelnummer] dar dede hi van hem ghemeene dat purperijn cledekin metten steene een serpent quam dar ghereet datten steen huten cleede beet ende spouwene in de riuire 16035[regelnummer] hemelblau es dies steens maniere Safirus es .i. edel steen
[Folio 137v]
hemelblau es hi ouer een de beste comen van endi nemmermeer dorschinen si 16040[regelnummer] den lachame es goet datmenne draghet want hitte van binnen hi ueriaghet hi doet oec dat sweit uerdroghen ende sere goet es hi den hoghen die sware houetswere doet hi genesen 16045[regelnummer] jeghen ronghe mochte niet beter wesen dat sware heuel gheneset hi mee datmen heetet noli me tangere mar hi ontfarwet al der mede jeghen nijt ende boeshede 16050[regelnummer] es hi nutte ende ieghen vaer te paise ward es hi goet dats war mar diere af wille hebben ere hi moet hem ouden reine zere men vindet safire al nu 16055[regelnummer] tonser urouwen te hampu mar vanden meneghen men seghet datter clene virtut ane leghet ende some vindemen ghedan wale na safire orientale 16060[regelnummer] entie sijn van dogheden bekent somech safir van orient es ghemanc metten rubijn die segmen dat die beste sijn Smaragdus es der mirauden name 16065[regelnummer] van groenre varewen sere bequame men vintse arde meneghertire mar die fijn sijn ende diere comen huten lande van citen dar vogle gripe der omme uerbiten 16070[regelnummer] lieden diese hem willen stelen negheen volc cans bet ghetelen dan lieden heten arismaspi ende mar .i. hoghe sone hebben si die hem voren int forouet staet 16075[regelnummer] si uechter omme hoe soet gaet ende nemense hem met crachte mar vor gheualschede elc hem wachte si sijn te conterfaitene goet mar dieden goeden hebben moet 16080[regelnummer] hi moetene hebben dore clar so groone dat al openbar die lucht die es besiden steene mede grone sij ghemeene so dat no weder sonne no scade 16085[regelnummer] sire groeneden ne scade warlike moetmenne draghen so can hi tgroot euel veriaghen ende hi maket doghen clar sinen dragre maket hi lief dats war 16090[regelnummer] ende hi merset dat ertsche goet hoec es hi den ghenen spoet die willen besoeken eimelichede tempeeste verdriuet hi mede luxurie coelt hi diene sal draghen 16095[regelnummer] moet reine sijn horic ghewaghen Sordanix es .i. steen al hart root wit es hi ende swart alse iofti van onisiuse van onie ende van sardiuse 16100[regelnummer] van desen .iij. ghesondert ware nuttelic es hi openbare die misselic es in sinen sin want hi uersametse der in hi doet stelpen menstrua 16105[regelnummer] van indien van arabia comet hi som sijn gegrauen entie sijn meest wert van hauen Sardus die es sonder waen een steen na rode arde ghedan 16110[regelnummer] bloet stelpet hi ende dar hi es mede ne doet honix gheene felhede
[Folio 138r]
sulke wanen dat desse steen vanden corangelinen si een Svrus alsic hore lien 16115[regelnummer] es .i. steen comet ute surien ysidorus spreket die niet was sot dat hi al gehel int water vlot ende hi sinket es hi te broken dit sijn wonderlike sproken 16120[regelnummer] Samis dats bekent es diemen in samos vent jn .i. eilant inde zud ze na sijnre grooter weghet hi me dan mach draghen sine ghewoud 16125[regelnummer] met hem so polliermen goud hi paisiert des menschen sin mar ene quateide so heuet hi in vrouwen diene hebben als wijt horen ne latet hare urucht niet sijn gheboren 16130[regelnummer] Succinus dats dammersteen ysidorus seghet ouer een dattet sap van pijnbome si ende dat hute rennet ende bedi so werdet teene steene 16135[regelnummer] dit vindemen groot ende cleene men makene met wriuene warem so so heft hi vp caf ende stro sine roke dat bekent vliet bi naturen elc serpent 16140[regelnummer] vrouwen die in pinen gaen es goet die roke sonder wan jnde ze in somegher stede vindemense ende in andre watre mede Selonites es houer een 16145[regelnummer] en vtermaten diere steen purperijn root groene ende wit jn india wi vinden dit so draghene die groote slecken wonder horwire af uertrecken 16150[regelnummer] dats dat hi leret te vorsiene dinghen die sijn te gheschiene die weten wille wat sal gheschien pense dit ofte dat van dien comet dan hiet in sinen moet 16155[regelnummer] weder tes quaet of goet het bliuet so vaste in sijn gedochte dat niemen hute bringhen mochte metter mane in elke maent so wasset sine cracht ende waent 16160[regelnummer] ter mane ontfanghe sonder ghile gheduret sine cracht ene wile ende jnt wassende sonder zaghe ghedurt sine cracht tote middaghe also waent moet die cracht vlien 16165[regelnummer] jn viere ne mach hem niet messchien tusschen viande maket hi vrede tisike so gheneset hi mede Topasius heuet groote ghewoud ende es .i. steen ghedan na goud 16170[regelnummer] hutermaten cout van naturen so datmen seghet inder scrifturen dat hi .i. vat datmen siet wallen vercouden doet enten wal vallen sere goet es hi ende vermart 16175[regelnummer] hem die van spenen es ueruard gramscepe ende onsuuerhede verdriuet sine moghenthede jn arabien alse wi lesen hebmen dicken vonden desen 16180[regelnummer] Hir hendic de wort vanden steen hets war van someghen andren eenen vindemen lichte in andren boeken mar hir in minen ondersoeke sone vandic ander bescheet 16185[regelnummer] dat ic durste dichten ghereet nu suldi horen vort bedieden vanden ghenen dies uele lieden wondert hoe mense maken mochte ende wat wondere icker ane besochte 16190[regelnummer] warso wat datmerre af seghet jn rade niet dat merre an leghet
[Folio 138v]
te vasten wan min no meere mar alleene an onsen here diet al nemet ende gheuet 16195[regelnummer] entie ewelike leuet sulc steen es die uan uerre comet ende sulc steen es diemen nomet quame .i. ander coepman die inwart ware gegrauert dan 16200[regelnummer] die hetemen gegrauerde steene dit oudet tlatijn al int ghemeene hort den wan van desen dinghen alsoet ons quam van ouderinghen Jn wat stene als ict vernam 16205[regelnummer] staet gegrauert lyon ioft ram jofte sagitarius dats bekent dats emmer .i. steen van orient dies goet ieghen den rede ende doet den man ghemint sijn mede 16210[regelnummer] hi gheneset diet water heuet jn ende hi uerscarpet des menschen sin ende maketene gheraket van spraken ende seker van sinen saken Dje steen dieden steen in draghet 16215[regelnummer] jofte capricornum oftie maket dien segmen seere goet wesen ghesakerert iofte belesen Dar du .i. serpent in sies ofte aquarise gheloef mi dies 16220[regelnummer] hijs goet ieghen den virden rede ghesakererd ende belesen mede ende ieghen de iucht dies ghelike ende ieghen de sware artitike ende oec ieghen den derden rede 16225[regelnummer] ghesakererd hetemense mede vintstu ghegrauert .i. man jnde rechtre hant .i. sekele dan die gheuet groote moghenthede alle daghe anewassende mede 16230[regelnummer] Vintstu stande des ghelouet enen man ende .i. rams houet maket sinen draghere lief ghetal met lieden met beisten ouer al Vjntstu in enen steene dan 16235[regelnummer] staende enen onghewapenden man ofte ene maghet sonder waen ende hare cleider wide ontaen ende in de hant .i. rijs hijs ghesakererd in alre wijs 16240[regelnummer] hijs goet ieghen ongheual jn wat steene men vinden sal sonne ende mane gegrauert die es die luxurie werd vintstu gegrauert .i. man 16245[regelnummer] ende ande voete gheulogelt dan ene roede in die luchtre hant ende .i. serpent om hem gherant die maket sinen dragre ghesont wlmaket ende wijs talre stont 16250[regelnummer] Alsemen gegrauert siet .i. man ene palme in sine hant nochtan hi gheuet sinen dragre zeghe ende lief met prensen alleweghe Uintstu gegrauert oec tereger stonde 16255[regelnummer] ghegrauerd iaghers ofte honde hert iofte hase hi doet ghenesen van frenesien als wijt lesen darmen .i. serpent in vint ende vp sinen rugghe oec kint 16260[regelnummer] ene cruke ende .i. rauen vp sinen start hi maket van hauen sinen draghere rike ende vroet ende quade coringhen hi tempren doet War so .i. scip met zeile in staet 16265[regelnummer] dats der coepmanne toe uerlaet want hi gheuet hem gheual war somen vindet houer al met .i. zwerde .i. man dats die zeghe gheuen can 16270[regelnummer] war datmen in siet stan den haren hi beoudet die ere te waren
[Folio 139r]
darmen in vindet enen swane hi uerdriuet de sware quartane ende hem die de iucht versward 16275[regelnummer] dar du in sies .i. gheulogelt part hijs goet in wighe ende in tornoie hi beoudet die parde van uernoie ende hi gheuet dapperheit ende moet sagestu steen dar wijf in stoet 16280[regelnummer] die hadde de hande nederward ende vort aldus ghescard ene trianghele vp hare houet sittende in setele des ghelouet die gheuet troest ende ruste mede 16285[regelnummer] na arebeit ende siechede heuestu oec ghemaket ghesien enen man knielende up die knien slande .i. lioen fier jofte enech ander wonderlic dier 16290[regelnummer] gheuet in allen striden zeghe ghewerd wilhi sijn alle weghe vintstu in .i. steen twe harne een serpent bi hem te waren hi maket bequame diene hout 16295[regelnummer] bequame den lieden starc ende stout dus verre sagic int latijn staen der ouder vroeder lieder waen die ic algader niet versteke no oec houer wareit spreke 16300[regelnummer] want menne vindet der auctore niet darment af bescreuen siet Uort verstaet ende uernemet wel dat .i. filosofe hetet tekel een iode dat hier uolget naer 16305[regelnummer] van talien screef al ouer war ende seget oec al sonder spel dat die kindre van israel dit makeden ende van desen dinghen doe si dor de wostine ghinghen 16310[regelnummer] nochtan seget broeder albrecht dat hi niet ne radet vor recht datmen desen sal al gheloeuen mar gode allene van hir bouen alsemen in jaspise ghesien can 16315[regelnummer] met enen scilde enen man ende met enen scachte mede onder sine uoete dar ter stede een serpent die heuet macht jeghen al datmen viande acht 16320[regelnummer] dar du in sies enen vliegenden man dies goet te coepmanscepen dan Vindemen in enen crisout een wijf die enen vogel hout ende in dandre .i. visch draghet 16325[regelnummer] hem es hi goet die bodescap jaghet eist datmen tortelduue vint met enen telghe hi werdet ghemint vander werelt ghemene die dragre es vandien steene 16330[regelnummer] darmen in .i. steen bekent sagittariuse iofte .i. serpent alse ioften si onderlanghe streden hi gheuet macht te vasten vrede Ujndemen in .i. witten steen 16335[regelnummer] ene marminne houer een jn deene hant .i. spegel nv gome jn dandre .i. telch van .i. bome die wil stan in goude fijn ende in die hant beloken sijn 16340[regelnummer] sulke cracht segmen van dien hine latet sinen dragre niet messchien Alse in enen jaspre groene een cruce staet hijs vanden doene dat sijn dragre niet ne mach 16345[regelnummer] verdrinken nacht no dach machstu in enen steen bekinnen enen basilicuse met ere merminnen diene heuet troestem seker te sine van allen beesten met venine
[Folio 139v]
16350[regelnummer] merke die noint in stene vant nen man ende inde heene hant van .i. dieuel die ghedane ende vreselic na sinen stane gehornet ende gheulogelt beede 16355[regelnummer] jn dandre .i. serpent ghereede onder sine voete .i. liebart bouen desen figuren vpward sullen stan sonne ende mane dese begard in loede te stane 16360[regelnummer] hi mede men duuele so uersaghet dat si segghen datmen hem vraghet Ujntstu in iaspise .i. man vpten hals .i. ghebont gras dan jn selure moet sijn sine stede 16365[regelnummer] want hi leert kennen alrande siechede ende stelpet bloet in elker stede ende gheuet here ende wardechede desen als ict bescreuen vant droech galienus an sine hant 16370[regelnummer] Uintstu in .i. swarten steene enen man stande als ic meene jn sine rechtre hant gedreghen ene ceptre alse coninghe pleghen vp die luchtre hant enen uoghel 16375[regelnummer] wide ontaen elken uloghel een cocodrillus onder die uoete dese draghet gherechte boete jeghen des viants toeuerie ende uerdriuet sine partie 16380[regelnummer] dar si de lieden hebben beseten alexander wilmen weten droech desen sonder waen ende hi wil in iser staen Uintstu in enen swarten steen 16385[regelnummer] een man sittende ouer een vp .i. lupart oudende .i. riet dese ne latet quade beesten niet sinen draghere comen an vintstu ghemaket .i. man 16390[regelnummer] enen hase in sine rechtre hant ene roede inde luchtre ets bekant dat goudijn sal sijn sine stede hi heuet macht te gheuene vrede ende zeghe in ghedinghe 16395[regelnummer] jegen beesten doch hi sonderlinghe jngromasine houer een plegen tebbene desen steen alse men in steene gheuinden can ende vp thouet ghecronden man 16400[regelnummer] ende hi in de rechtre hant hout enen ceptre na coninxs ghewout jn de luchtre .i. palme rijs onder sine voete stoel ofte lijs jn goude salmen desen draghen 16405[regelnummer] want hi grote ere doet beiaghen negheene dinc ne doet hi mede na gode no warachteghede hine comets houer weter ouereen Alsmen vindet in enen steen 16410[regelnummer] ene boem ter rechter side dan een wijf. enter luchter .i. man die uersoent al sonder blijf werringhe tusschen man ende wijf alsemen .i. steen siet an 16415[regelnummer] dat inde rechtre hant heuet .i. man ene lampde ende inde luchtre hant eens wiues houet alsict vant soe es hi die vrede beiaghet mar diene houer heme draghet 16420[regelnummer] [alse hi slaept seghet tghedichte menne canne niet ghewecken lichte die in enen steen vint lesemen hier enen ram ende enen stier hijs goet tenen taleman 16425[regelnummer] ende hem diet water laet nochtan vindemen enen man alse men ghewaghet die in de hant die sekle draghet] hi beiaget gratie ende lieue alsemen vindet seggen de brieue 16430[regelnummer] .j. man inde hant .i. roede dies heren goet van houermoede alsmen vint als ende als .j. man .i. horen an den hals hijs goet ieghen verwoethede 16435[regelnummer] ende quade fantasie mede Alsmen oec gewinnen can jn .i. steen alf osse alf man
[Folio 140r]
die gheuet ghewin ende starc den sin tallen dogheden int ghewin 16440[regelnummer] vintstu in .i. steen als wijt horen een hasekin met hangenden oren dies goet ieghen der beesten doon vindemen in .i. steen .i. lion hijs goet ieghen idrope ouer een 16445[regelnummer] als men vindet in .i. steen enen capricornium ende .i. haren dies goet ter coepmanscepen te waren alsemen den dromadarise vint ghesparser manen alst dade de wint 16450[regelnummer] dat es hi die maken can vrienscap tusschen wijf ende man alse in enen steene steet een wijf ende vp thouet .i. cleet ende omtrent die hande mede 16455[regelnummer] hijs goet ieghen den vierden rede ende goet ieghen de moethede siemen in .i. steene noch mee ene tortelduue ende jonghe twe dies goet om gratie ende om goet 16460[regelnummer] ende nuttelic in storme zeeuloet men vindet ghescreuen in hem zomen enen uoghel met ere bloemen jn sinen bec dies nuttelic sere beede om gratie ende om ere 16465[regelnummer] alsemen in enen steen siet dit enen man die up .i. stoel sit ghecroent ente hande ondaen temele ward ende danne staen hem .iiii. die sijn sitten draghen 16470[regelnummer] nem datmen die sal ghewaghen dats mastix ende terebint ende lech onder de steene ghint jn .i. seluerijn vingerlijn ende dat also swar sal sijn 16475[regelnummer] twelefwarf alse de steen dec onder dijn houet al in een die sal dromen de selue dinc die die in dine herte ghinc die du pensets ende wilts 16480[regelnummer] alse du di slapende ilts alse du gheminges sies ouer een jnden iacint enen witten steen ende inden witten dan .i. part die steen es te gratien ward 16485[regelnummer] ende geuet bliscap ende ere niet clene alstu vindes in .i. steene een scumende part ende dan dar vp met ere ceptren .i. man die es nuttelic gehact 16490[regelnummer] ende hi heuet grote macht Djts dat men van stenen vant diemen vant in menech lant van hare cracht van hare talie ende wetet dat ic sonder falge 16495[regelnummer] dat ware dichte sonder begheuen na dien dat icket vant bescreuen mar ghelijc alse inden hersten stonden om ons vaders adams sonden alle ertsche creaturen 16500[regelnummer] onreinet worden bi naturen also verloren die diere steene hare cracht vele int ghemeene ende ghelijc oec alse de man biden doopsele versoent wart dan 16505[regelnummer] omme te comene der mede ten state der onnoeselede also machmen steene ghenesen met worden diemer toe can lesen datsi vander heerster mesquame 16510[regelnummer] die si namen van adame ende vander smetten ende vander plage die si nemen alle daghe van onsen onreinen doene comen ten heersten pardoene 16515[regelnummer] ende hem de moghenteit comet an die si hadden her sonde began her hendic vanden steene de tale nu hort vort vanden .vii. metalen

Vorige Volgende

Der naturen bloeme

Waardevolle stenen

Over het gehele werk

titels