Der naturen bloeme(1998)–Jacob van Maerlant– Auteursrechtelijk beschermd Vorige Volgende [Folio 48r] [fol. 48r] Vogels: proloog Elc uoghel in vlieghene snel die ne mach te uoet niet wel 4695[regelnummer] alsemen mach andie swalewe sien. cleine uogelkine plien. meer te singhene dan die grote bitende uogle ende hare ghenote sijn starc van barsten ende van dien 4700[regelnummer] alrande uogle plien clauwen te ebne alse wijd weten some ebsi die uoete ghespleten ende some versament in een uel negheen uoghel nes snel 4705[regelnummer] die sporen draghet als .i. hane hinnen ende ganse alsic wane bringhen eiere alse wi sien dat sij gheens noetens plien mar si sijn van haregheren smake 4710[regelnummer] dat es ene ware sake crombect uoghel heuet meest cracht hi leuet oec al bi der jacht andre uogle leuen bi wormen vissche slanghen van menegher vormen 4715[regelnummer] water uogle uerstaet mi wel die ouer die clawen ebben dat fel die ulieghen te samen bj scaren ende die bj uleesche leuen te waren ne vanghen hare ghenoete niet 4720[regelnummer] also alse die uisch oec pliet maer die sporeware die wet hi uaet gherne sijn muschet het sijn uele uogle cranc die vruchten den winter stranc 4725[regelnummer] die in waremen steden varen vele uogle sijn te waren die wintertijt in ole slupen ende in die wareme herde crupen dar elc andren uerwaremt ter noet 4730[regelnummer] ende ligghen dar wel alf doet ende sonder eten langhe gheduren met gods crachte meer dan bj naturen bitende uogle alle ghemene pleghen te ulieghene alleene 4735[regelnummer] dat doet hare urecke maniere vogle minnen clare riuiere alsi laten die ulogle hanghen sijnsi met euele beuanghen vogle van proien ghemene 4740[regelnummer] sitten node up die steene ende dat wiset hem nature dat elc sire clauwen dure het heuet hem nature vor war die sie ghegheuen clar 4745[regelnummer] om dat sij verre sullen sien proie die si te vane plien bosch uogle die sijn ghesont want men verduetse in corter stont bitende uogle versamen niet 4750[regelnummer] sonder alsmen notens pliet duuen ganse zuanen spreewen rouke couwen vinken meewen ende hare ghelike vlieghen bi scolen van lande te lande dolen 4755[regelnummer] ende gheneren hem ghemeene [Folio 48v] [fol. 48v] want sochte vogle sijn node allene some ebsi leeders tharen weghen als wilde ganse ende cranen pleghen some ulieghen si tropmale ghemene 4760[regelnummer] als sprewen ende andre uogle cleene some als menschen bliuen int lant some vliensi dor tswinters pand [als swalewen ende odeuaren some wilsi in bussche uaren] 4765[regelnummer] ende dar hare feesten driuen some wilsi in husen bliuen dat sij onder andre uogle luud leren sulke sijn die hem bekeren ende weder maket des menschen tale 4770[regelnummer] alse ment an daecstre siet wale an papegaie ende andre mede als menech es der uogle sede al sinsij misselic in ghedane nature heuet in ontfane 4775[regelnummer] ende jn winne ghegheuen vordeel den clenen ende ets hem bleuen nv hord van elken sonderlinghe sine nature ende sine dinghe ende elc na dandren min no mee 4780[regelnummer] na dordine van .a.b.c. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd