Kronijk uit het klooster Maria-Wijngaard te Weert, 1442-1587. Eene bijdrage tot de voorgaande kronijk, op het jaar 1566. Een vijftal stukken betrekkelijk de Hervorming te Weert 1583-1584

N^o 4.

De commissaris Duboys verzoekt den president van den geheimraad Pamele te Brussel, om het appel der hoven van Weert en Nederweert, te Wessem gevestigd, wegens gerezen moeielijkheden voorloopig naar den raad van Gelderland over te voeren.

- 8 Mars 1584 -

Monsieur, je n'ay volu faillir d'advertir Vostre Seigneurie que nous avons envoyé le sommaire de nostre besoigné touchant ceste juridiction de Weert à Son Altèze, par lequel Vostre Seigneurie entendra la difficulté que ceulx de Wissem ont proposé, estans par nous requis pour faire le serment à Sa Majesté. Et comme ceulx de ceste ville et de Nederweert ayantz fait le serment de fidélité à Sa Majesté ont leur appel audict Wissem, il me semble que ce serat ungne chose assé préjudiciable au service de Dieu et de Sa dicte Majesté, si leurs causes fussent renvoyées par-devant les dicts de Wissem, qui (comme dict est) jusques au présent se sont excusés de faire le mesme serment. Laissant à part que ledict Wissem at tousjours esté fort infecté d'hérésie, et que pour le présent ne se treuvent audict lieu que seize ou dix-sept personnes pour choisir hors d'icelles ung magistrat, estant bien à présumer que les meilleures sont enfuiz. Et, que pis est, pour estre ung nid ordinaire des fributers, personne que peult avoir libre accès. Par quoy me semble (soubz très-humble correction) que s'il estoit

[p. 247]

practicable, seroit bien et expédient de renvoyer d'ores en avant par manière de provision lesdiets appels au conseil de Geldre, auquel les afaires et différens seroint mieulx déterminés et la jurisdiction de sa Majesté augmentée. A quoy supplie bien humblement Vostre Seigneurie vouloir tenir la bonne main. Qui sera la fin. Pryant au Créateur, monsieur, donner à Vostre Seigneurie en santé longue et heureuse vie. De Weert, en ce 8^e de mars 1584.

De Vostre Seigneurie Très-humble et très-obéyssant serviteur,

J.B. Duboys.

Suscription: A Monsieur Monsieur Pamele, chief président du conseil privé de Sa Majesté.

Archives du royaume de Belgique, Papiers d'Etat et de l'Audience, Liasse 232.