Kronijk uit het klooster Maria-Wijngaard te Weert, 1442-1587. Eene bijdrage tot de voorgaande kronijk, op het jaar 1566. Een vijftal stukken betrekkelijk de Hervorming te Weert 1583-1584

N^o 3.

De commissarissen Lindanus, Duboys en Adama brengen bij den prins van Parma verslag uit over hunne werkzaamheden te Weert, Nederweert en Wessem, vooral in betrekking tot het aanstellen van nieuwe magistraatspersonen.

- 8 Maart 1584 -

Monseigneur, pour advertir à Vostre Altèze en toute briefvité ce qu'avons par ensemble négotié (suyvant le commandement d'icelle) ès ville et quartier de Weert, il plaira à Vostre Altèze sçavoir que en premier lieu avons convoqué le magistrat de ladiete ville et icelluy fait ostension et lecture de nostre commission, demandans audict magistrat s'il vouldroit acquiescer ou s'opposer icelle, usans en cest endroict tous moyens de persuasions et inductions. Sur laquelle proposition (après avoir eu quelque terme pour délibérer) ledict magistrat nous fist response qu'il ne vouloit ny prétendoit en aulcunne manière contrarier au bon plaisir de Vostre Altèze, combien qu'il estoit à craindre que par le changement du magistrat de ladicte ville, la pouvre commune d'icelle deviendroit à l'extrême misère. Quoy non obstant (après diligente information)

[p. 244]

avons choisy (pour establier ung nouveau magistrat) les plus catholiques et adonnez au service de Sa Majesté qu'avons peu trouver, lesquelz estans par nous convoquez pour faire le serment à Sadicte Majesté, l'ont différé pour plusieurs raisons, qu'ilz nous remonstroint, tant de bouche que par requeste, tendantes à fin que ledict changement seroit encoires tenu en suspension pour quelques mois, et jusques à ce que les afaires de Sa Majesté seroint ung peu plus advanchez en ce quartier. Laquelle requeste ayantz visité, avons trouvé les raisons comprinses en iselle si urgentes, que par gens exprès l'avons envoyé à Vostre Altèze, pour y estre ordonné comme scelle trouveroit plus convenir, tenans cependant en suspension le susdict changement.

Et après avoir supersédé de l'exécution de notre dicte charge (comme dict est) environ l'espace de six sepmaines, avons receu la résolution de Vostre Altèze, par laquelle ledict changement fust modéré avecq la continuation de Franchoys Ketelers, vieu escoutette (auquel avons prins de la part de Sa Majesté le serment de bien et loyalement au nom d'icelle déservir ledict estat), mais que le changement à l'endroict des aultres du magistrat seroit de la part de Sadicte Majesté paraschevé, ce qu'at esté par nous effectué, suyvant le commandement de Vostre dicte Altèze.

Nous avons aussy, pour satisfaire à nostre dicte charge, (après avoir exécuté ce que dessus) constitué et renouvellé toutes les bonnes ordonnances, tant au fait de la religion que police respectivement.

Pareillement avons aussy renouvellé le magistrat et bonnes constitutions des polices au villaige de Nederweert, avecq grand contentement des inhabitans.

Mais comme Vostre Altèze nous commande de faire le semblable à Wissem, les inhabitans dudict lieu nous proposent plusieurs difficultez, allégans que en cas que nous mections à exécution la charge qu'il at pleu à Vostre Altèze nous donner, que indubitablement par les oppressions et violences de l'ennemy (pour résister auquel ilz ne sont auleunnement souffissantz, veu que présentement se trennent que seize ou dix sept ménaiges audict lieu) ilz seront

[p. 245]

trestost constrainctz d'abandonner ledict villaige, comme les aultres inhabitans d'icelluy ont desjà fait, qui se sont retirez à Maseyck et lieulx du pays de Juliers, par où aussy la contribution dudict villaige viendroit entièrement à cesser. Ce néantmoings, avons procédé à la dénomination de la nouvelle loy, et l'ordonnance est laissée entre les mains de moy Mons. Dubois pour icelle faire publier et sermenter, quand le temps sera ung peu plus propis ouqu'il plaira à Vostre Altèze aultrement ordonner.

En oultre avons prins aussy information (suyvant le commandement de Vostre Altèze) pour sçavoir ceulx qui sont de ceste jurisdiction au service de Truxis et du comte de Nieunart, et trouvons estre audicte service six personnes; les ungs, jousnes hommes qui sans le consentement de leurs parens sont enfuiz d'icy, et les aultres sont esté constrainctz de se retirer colle part à cause des grandes debtes, de sorte que nous n'avons trouvé aulcun bien à annoter, pour la raison susdicte.

Nous n'avons volu faillir d'advertir à Vostre Altèze que aulcuns de ceste jurisdiction se sont passé quelques années, transportez avocq leurs domiciles en Hollande et aultres lieulx de l'obéyssance de l'ennemy, ayantz icy laissé des biens, lesquels n'avons annoté pour n'avoir tel ordre.

Finalement il plaira à Vostre Altèze sçavoir le grand désordre estant par tout ce quartier au fait de la monoie, et que ung chascun rehaulche journèlement la valour d'icelle contre les placcartz de Sa Majesté au grand préjudice d'icelle et de ses subjectz, afin que Vostre Altèze soye servie y pourveoir, comme icelle trouvera plus convenir.

A la reste comme allans, besoignans et attendans la résolution de Vostre Altèze, ensemble retournans, noz vacations montent, depuis le premier jour de décembre dernier jusques et comprins le 9^e de ce présent mois de mars, qui sont cent jours, nous supplions très-humblement que Vostre Altèze soye servie de faire taxer nosdictes vacations et despens, ensemble les assigner sur le recepveur de ceste jurisdiction George van Autwyek. Qui sera la

[p. 246]

fin. Pryant au Créateur, Monseigneur, donner à Vostre Altèze en santé longue et heureuse vie. De Weert, ce 8^e de mars 1584.

De Vostre Altèze, Très-humbles et très-obéyssantz serviteurs,

Wilhelm Lindanus.

A. Adama.

J.B. Duboys.

Suscription: A Son Altèze.

Archives du royaume de Belgique, Papiers d'Etat et de l'Audience, Liasse 232.