Kronijk uit het klooster Maria-Wijngaard te Weert, 1442-1587. Eene bijdrage tot de voorgaande kronijk, op het jaar 1566. Een vijftal stukken betrekkelijk de Hervorming te Weert 1583-1584

N^o 2.

De koninklijke commissarissen Lindanus en Duboys melden den prins van Parma, dat de scholtis en de nieuwe magistraat van Weert den eed hebben afgelegd, en dat zulks ook zal plaats hebben te Nederweert en te Wessem.

- 15 Febr. 1584 -

Monseigneur⁽¹⁾.

La résolution de Vostre Altèze du X^ime du mois por..... sur les difficultez par le magistrat du dict Weert remonstrez avons receu

(1) Apostille: Sera respondu que l'on trouve bon leur besongné, etc.

[p. 242]

le 30^ime jour ensuivant et n'avons failly selon la teneur d'icelle mander incontinent auprès de nous l'eschoutet Franchoys Ketelaer, et iceluy bien particulièrement de la part de Vostre Altèze admonesté de faire d'ores en avant mieux son debvoir, tant à l'endroict du maintinement de la religion catholique et exstirpation des héresiez, qu'autrement; ce que nous a promis de vouloir faire et soy reigler comme il convient au ung loyal officier de Sa Majesté. Sur quoy avons prins de luy le serment au nom de Sa Majesté, et quant ès ses mains déliveré la rolle des nouveaux bourgemaistres et eschevins et aultres officiers par nous constituez, pour prendre d'eux semblablement le serment au nom de Sadicte Majesté, ce qu'il at effectué, aussi fidèliment.

Et avons desjà ordonné que à Nederweerdt et Wessem soit fait le semblable, et ce non obstant les difficultés par ceux de Wessem (au cause du danger et périlz esmenz).

Des bourgois et inhabitans de ceste ville et jurisdiction n'avons receu aucun serment, pour n'avoir eu telle charge⁽¹⁾.

Le placart de Sa Majesté touchant ceux qui sont au service de Truxes et le comte de Nieuwenaer portans armes contre Sa Majesté avons faict icy publier, et ferons procéder à l'annotation de leur biens en conformité dudict placat et les lettres de Vostre Altèze à nous envoyez.

Et summes présentement fort empeschez pour mectre ordre tant au faict de la religion que de police.

Finablement, monseigneur, comme en cest affaire avons estez empeschez depuis le premier jour de décembre jusques ores, et qu'à grand peine finerons les affaires dedans quinze jours, ce que feront 95 jours, prions très-humblement qu'il plaisse à Vostre [Altèze] de nous faire dépescher en une voye assignations de tant des jours sur le recepveur de ceste ville et pays de Weert, George Uitwyck, laissans la taxation d'icelles à la discrétion de

(1) Apostille: fera bien de prendre le serment de fidélité de ceste ville entièrement tout de tous les bourgeois et inhabitans, affin qu'ilz sçachent qu'ilz sont au Roy. Et Du Bois le prendera.

[p. 243]

Vostre Altèze. Qui sera le fin⁽¹⁾. Prions le Créateur, Monseigneur; de donner à Vostre Altèze, en santé longue et heureuse vie.

De Weerdt le XV^e jour de februir, l'an 1584.

De Votre Altèze, Les très-humbles et très-obéissans serviteurs,

Wilhelm Lindanus.

J.B. Du Boys.

A. Adama.

Suscription: A Son Altèze.

Archives du royaume de Belgique, Papiers d'Etat de l'Audience, Liasse 232.

(1) Apostille: Sera envoyé taxe pour ces journéez à l'évesque à l'advenant de six livres pour jour, et au conseilier de LX patars.