Kronijk uit het klooster Maria-Wijngaard te Weert, 1442-1587. Eene bijdrage tot de voorgaande kronijk, op het jaar 1566. Een vijftal stukken betrekkelijk de Hervorming te Weert 1583-1584

N^o 5.

Mémoire des dépesches à faire pour l'effect de la résolution de Son Altèze sur les lettres tant communes que particulières de l'évesque de Rurmonde, le conseillier de Guelders Adama et le S^r Du Bois, gouverneur de Weerdt, prinse au conseil d'Estat le III^e d'aparil XV^e IIII XX IIII.

- 4 April 1584 -

Sera escript ausdicts évesque et Adama que Son Altèze a pour aggréables les bons offices que, tant par leur rapport commun que le recoeul particulier sur le faict de la réformation en la religion et discipline ecclésiasticque, et que Son Altèze avoit donné ordre piéchà sur l'assignation et payement de leur salaires et vacations, ayant Son Altèze trouvé bien advisé de surccoir encoires la publication et serment du nouveau magistrat de Wissem, jusques à ce qu'il entendra dudict gouverneur que la matière y sera mieulx disposée, auquel aussi sera respondu ce que sert de responce sur les poinctz des annotations et monnoyes touchez par la mesme

[p. 248]

lettre; comme aussi sera escript à ceulx du conseil de Gueldres, affin de faire le chastoy de ce calviniste du villaige de Meyl, qui ledict évesque escript avoir empesché à son enfant le baptesme et aultres qui feroient telz scandalz, ayant Son Altèze esté esmerveillé que desjà le devoir n'y estoit faict.

Item, sera escript audict gouverneur de Weert semblablement que Son Altèze se trouvait satisfaict de leur besoigné, mesmes aussi de ce que la publication et serment de la nouvelle loy de Wissem seroient encoires dilaicz jusques à ce qu'il trouveroit la matière à ce mieulx disposée et de meilleur effect. Ayant aussi Son Altèze trouvé bien considérable, ce qu'il escript par ses lettres particulières, que, veu qu'il n'y a seur accès audict Wissem et que le magistrat n'a faict serment à Sa Majesté, les causes d'appel de Weert et de Nederweert, qui soloient resortir audict Wissem, soient renvoyées au conseil de Sa Majesté en Gueldres, et qu'il en consultera lesdicts du conseil pour en avoir leur advis. Et quant au surhaulcement des monnoyes, sera respondu qu'il s'ayde contre icelluy des placcartz et ordonnances de Sa Majesté.

Quant aux deux poinctz concornantz les annotations, sera requis Mons^r d'Assonleville de la responce qu'il conviendra donner par la mesme lettre.

III^o sera escript à ceulx du conseil de Sa Majesté en Gueldres, affin qu'ilz ayent au plustôt advertir Son Altèze de leur advis sur ce qu'il escript par ses lettres au président Pamele du renvoy ou translation des causes d'appel qui de Weert et Nederweert soulirent ressortir par-devant le magistrat de Wissem, y adjonctant copie de la ladicte lettre. Et d'ung chemin seront advertiz de ce que ledict évesque de Rurmonde a donné à cognoistre dudict calviniste de Meyl, affin qu'ilz procèdent contre luy par chastoy exemplaire, sans dissimuler à telz scandales, donnant aussi ordre contre la connivence trop licencieuse.

Archives du royaume de Belgique, Papiers d'Etat et de l'Audience, Liasse 232.