Kribbelkes. Gediechskes in 't Mastreechs

[p. 89]

Sint Fransiskus.

Veur de Broun Paoters bij hun zjubelij in 1936.

Sint Fransiskus,

blije bringer vaan väöl goods,

dee de riekdom goonk versmieje

en vrundsjap sloot mèt Slivvenhier

in e verboond dat veur uuch twieje

euverleep vaan innigheid;

stiechter vaan 'n wereldorde,

dee d'n ermooi blij umermde

en es vajer vaan d'n erme

ziech euver klein en groet oontfermde

veer hawwe vaan uuch,

veer bewoondere uuch,

veer daanke uuch,

en beije tot uuch.

Sint Fransiskus,

blije bringer vaan 't gelök

dat in 's minsen hart kaan leve,

wat geer zaog, dat kôs aon uuch

vräög en blijdsjap, leefde geve,

en dat zoonk geer daankbaar oet;

dee in bos en heij en velder

veugel, buim en blömkes neumde

breurkes, zusterkes vaan uuch;

ziech op aofkoms noets bereumde;

d'n ermooi naom veur ziech es broed,

veer hawwe vaan uuch,

veer bewoondere uuch,

veer daanke uuch,

en beije tot uuch.

[p. 90]

 

Sint Fransiskus,

 

blije bouwer aon 't werrek

 

vaan de kèrrek op de eerde,

 

geer zaog in't kleinste altied nog

 

't groete vaan Gods eige weerde

 

en alles maakde uuch zoe blij;

 

geer oontfoonk de hèllige teikes

 

es leefde en daank vaan Gods gena,

 

marteleer vaan de begeerte;

 

bewaorder vaan Persjoonkela;

 

kamper veur Gods hèllige vreij,

 

veer hawwe vaan uuch,

 

veer bewoondere uuch,

 

veer daanke uuch,

 

en beije tot uuch.

 

 

 

Sint Fransiskus,

 

blij en trèkker door de len

 

boet geer broch weer vräög en leefde

 

es de Serafijnse vajer,

 

dee zien kinder blij gereefde

 

vaan Gods straolend leefdeleech.

 

Ouch veer kraoge heij e stökske;

 

en noe eur Paoters zjubileere,

 

noe zinge veer e zonneleed

 

wiet geer 't zoonk en huurt nog geere,

 

oet naom vaan 't aaid en nui Mastreech

 

veer hawwe vaan uuch,

 

veer bewoondere uuch,

 

veer daanke uuch,

 

en beije tot uuch.