Kribbelkes. Gediechskes in 't Mastreechs

[p. 91]

Allerziele.

Allerziele!
Laot us kniele,
Dinke aon familie, vrun,
Die nog leije
Veur 't veurbeije
Nog mesjiens veur vreuger zun.

Allerziele!
Neet goon kniele
Umtot alle lui dat doen,
En neet komme
Mèt get blomme
Veur 't alledaogs fatsoen.

Allerziele!
Neet goon kniele
Bij e graaf mèt sjoene stein
En us sjaome
Veur de naome
Op 'n houte kruus! Ao nein!

Allerziele!
Laot us kniele,
Dinke aon wee door d'n doed
Is gehaold al
En bepaold al
Väöl heet aon ei Weesgegroet.

Allerziele!
Laot us kniele
Beije, beije elke kier:
Tot de ziele
Kinne kniele
Veur d'n troen vaan Slivvenhier