Kribbelkes. Gediechskes in 't Mastreechs

[p. 75]

Assekruiskë.

Assekruiske, zwart en zwoer
Woorste veur de kop gesjreve.
‘Mins, wat weurste op d'n doer
‘Este weggeis oet dit leve?’

Assekruiske, zwoer en zwart
Steiste veur de kop geteikend.
‘Mins, wie is 't in dien hart,
‘Wètste good wat 't beteikent?’

Assekruiske, zwart en zwoer
Woorste veur de kop gesjreve.
‘Mins, weur wakker noe en loer
‘Wat heij binne is gebleve!’

Assekruiske, zwoer en zwart
Steiste veur de kop geteikend.
‘Mins, wat is 't? Vräög of smart?
‘Is 't kruiske wel touwreikend?

‘Of is nog dee groete moer
‘Um dien hart euv'rind gebleve?’
- - - - - - - - -
Assekruiske, zwart en zwoer,
Weurste neet veur niks gesjreve!