Kribbelkes. Gediechskes in 't Mastreechs

[p. 74]

Simeon's zaank.

Laot noe, ao Hier, eure knech mer goon,
laot noe zien oor vaan sterve sloon,
want noe heet heer 't gelök gezeen
boeveur de wereldnach verdween.

Al lang, ao Hier, waor heer gereid,
meh noe zien ziel de zaoligheid
gepreuf heet vaan wat Geer heij brach,
noe heet heer lang genôg gewach.

E leech goong op, wat sjijne deit
zien kläörte nao de iewigheid.
Wel zal 't väöl lui tegestoon,
meh Hier, laot eure knech noe goon.