Kribbelkes. Gediechskes in 't Mastreechs

[p. 76]

D'n daag vaan groet gelök veur Slevruike (25 Miert).

'nen Ingel heet 't häör aongezach
En zoe 't gelök aon de wereld gebrach.

‘Iech bin de maog vaan Slivvenhier,
‘Boeveur, boeveur aon miech die ier?

‘Meh 't gebäöre nao Zie woord,’
Zag zie en God allein 't hoort.

En 't Woord dat kaom en woort toen vleis
En zie oontfoong vaan d'n Hèlligen Geis.

En 't Woord dat woende bij de lui
En 't waor zoe aaid, en 't waor wie nui.

Zie droog 't stèl gelökkig mèt
En brach vervölling vaan de wèt.

Slevrouw, geer had 't Woord zoe leef
Höb us dat ouch get ezzebleef,

En beijt veur us bij 't God'lik Woord
Dao's niemand dee 't liever hoort.

Daan blijf eweg vaan vis de straof,
Veer kriege wat Heer heet belaof.

Slevruikeleef, ao, dink aon us,
Slevruike beijt toch, beijt veur us.