Soema no tranga moes koni. Wie niet sterk is, moet slim zijn
(1990)–Hertoch Linger–
Auteursrechtelijk beschermd
[pagina 4]
| |
Konikoniaant.Konikoni na wan foe den pikin meti foe a boesi. A no de wan tranga meti, ma a koni. Konikoni taki: ‘Soema no tranga moes koni.’ A de so dati Tigri na kownoe foe den meti foe a boesi. Tigri na wan tranga meti. Tigri ben njan den meti foe a boesi leki waran boroe. Ala dei baka Tigri e njan wan tra meti. Den meti loekoe a sani go den loekoe a sani kon. Den taki: ‘A sani disi no kan go so doro. Oen moes doe wan sani.’ A tamara foe en Dia ben moes go meki kownoe njan en. Oen sabi taki Dia na wan meti san e lon grontapoe. Ma Dia e frede foe dede. Dat'ede a taki dat a no o go meki kownoe njan en. Konikoni taki: ‘Joe no abi foe frede. Mi sa go a tapoe joe presi.’ Den tra meti loekoe Konikoni, den taki: ‘Boi Konikoni, joe law na joe ede? Joe no abi no wan krakti. Libi foe dati, na tra moen fosi joe moes go.’ Konikoni loekoe den trawan, a seki en ede. A taki: ‘Leki fa oen taki, mi no abi no wan krakti. Ma mi koni. A no foe soso mi nen “Konikoni”. Oen teki oen ai loekoe san mi o doe.’ | |
[pagina 5]
| |
Dan a taki go moro fara: ‘Ba Dia, na joe joeroe kisi. So joe moes jepi mi. Tigri no sa njan oenoe noiti moro.’ Dan a ferteri den trawan san a ben poti na en ede foe doe. A bigi dei doro. Konikoni go na Ba Tigri. Tigri loekoe Konikoni, a taki: ‘Pe Dia de? A no joe moes kon tide!’  | |
[pagina 6]
| |
Konikoni piki taki: ‘Mi sabi, mi kownoe. Ma Dia no wani kon. So a seni mi foe mi kon taigi kownoe dat efoe kownoe wani njan diameti, dan kownoe moes soekoe diameti.’ A pisten di Tigri jere san Konikoni taki en ati bron. A taki nanga krasi sten taki: ‘Pe Dia de?’ Konikoni piki taki: ‘Ai sidon ondro a kankantri bon, a wan di de na a boesipasi.’ Tigri piki taki: ‘Mi sa go njan en te drape!’ Tigri teki pasi go na a boesipasi. Ma a pisten dati, den trawan seti wan val gi Tigri. Te Dia si Tigri e kon a moe lon. Dan Tigri o lon na en baka. Te Dia doro a val, a moe djompo abra en. Dan so Tigri foetoe o psa go ini a val. Soleki fa den meti ben meki mofo na so a psa toe. Di den kisi Tigri, den meki spotoe nanga en. Den libi en drape te a dede. | |
[pagina 7]
| |
 |
|