Soema no tranga moes koni. Wie niet sterk is, moet slim zijn
(1990)–Hertoch Linger–
Auteursrechtelijk beschermd
[pagina 1]
| |
Todoaant.Soleki fa oen sabi, Todo nanga Sneki no e koti. Den na fejanti foe densrefi. Wan dei Todo ben koiri ini boesi. Todo ben go na onti. A ben go soekoe sani foe njan. Ma Todo na wan meti di no man nanga faja son. Dat'ede di a son kon faja, a go kibri ini wan olo. Todo go ini a olo foe go rostoe, foe go baka na onti te a son ben sa saka.  | |
[pagina 2]
| |
Sneki ooktoe ben go na onti foe go soekoe wan sani foe njan. Sneki ben lostoe todometi. Sneki ben e kroipi foe en ini a boesi. Ma noiti Sneki feni wan papitodo srefi. A so Sneki ben e kroipi go baka na en olo. A olo pe Todo ben go ben de a olo foe Sneki. Sneki ben firi sari, bika na omeni dei kba di a no feni wan todo foe njan. Dan di Sneki go ini en olo, a si wan todo ini en olo. No wan sma ben sa breiti moro Sneki. A taki: ‘Ai, joe kan si dati Gado jere mi begi. Todo, san mi e soekoe omeni dei langa, tide Gado seni wan langa langa kon ini mi olo.’ Ma Todo broeja. A prakseri taki: ‘Now mi dede. San mi kon soekoe ini Sneki en olo?’ Sneki loekoe Todo, a taki: ‘Todo, mi e go njan joe. Mi e gi joe wan minuut foe joe begi wan laste begi.’ Todo bigin beifi. A prakseri: ‘Ai, mi Gado. Fa mi o bigin? Mi moes soekoe wan fasi foe lowe. Mi no abi langa foe libi moro.’ Todo e broko en ede foe soekoe wan fasi foe lowe. Dan Todo taigi Sneki taki: ‘Sneki, arki. Joe sabi taki wan sma san o dede kan doe wan kriboi winsi. En no wan sma moes tapoe a sma foe doe, noso kisi san a winsi.’ Sneki taki: ‘Ija, na so a de. San na joe winsi?’ | |
[pagina 3]
| |
 Todo prakseri taki: ‘Now mi kisi en.’ A taki: ‘Mi winsi de foe go taki mi frow nanga pikin odi.’ Sneki taki: ‘Ai. Joe kan go taki joe frow nanga pikin odi. Ma joe no moes tan langa.’ Todo taki: ‘No. Mi no o tan langa.’ Todo breiti, a lafoe. Noiti moro Todo go foe Sneki njan en. Dat'ede te Sneki si wan todo, ai njan en wantron |
|