Theatrum amoris divini et humani

[p. 100]

Vinculum Amoris.
VII.

⁺VIs vt seruiat caro animae tuae: Deo seruiat anima tua; affectus inordinatos oportet cohibere ⁺ & quasi in vinculis alligatos detinere, ne liberè per illicita vagentur aut aberrent.

⁺

Qui studet optatam cursu contingere metam,
Multa tulit fecitque puer, sudauit & alsit,
Abstinuit Venere & Baccho.

⁺O quam compositum reddit omnem corporis statum, necnon & mentis habitum, disciplina! ceruicem submittit, ponit supercilia, componit vultum, mortificat oculos, ligat pedes, id est affectiones, cachinnos cohibet, moderatur linguam, fraenat gulam, sedat iram, format incessum. nullus equus rectè sessori paret, nisi arte domitus; nullum Ingenium non ferox, nisi probâ educatione & praeceptis cicuretur. qui assiduè in rebus prosperis ac laetis versati sunt, eos vix sapere, prudentiores censent; quos verè sors aduersa aliquoties exercuit, magis ad prudentiam ac cautionem compositi putantur. ad omnia necessitas naturam instruit, illa simias decorè saltare, Elephantes doctè digladiari, picas ac psittacos distincte loqui docet. quid multa? res dura bestias ad actiones humanas, homines ad diuinas erigit.

+ August.

+ Pineda.

+ Horatius.

+ Bernard.

[p. 101]

Lien de l'Amour.
VII.

Deuinéz moy, ce que ie vous vay dire,

Ceux que l'amour reduit soubs son Empire,
Sont ils captifs, ou bien en liberté?
Ie vous respons que les prisons d'amour,
Ses fers, ses ceps, ses liens, son sejour,
Sont les seaux de son authorité.

No se iran los prisoneros
Aunque se suelten los hierros.

Seght liefde, waer toe dese wet?
Ke, laet my doen, 'k weet wat u let?