Hierusalem Amoris.
IV.
Ga naar margenoot+DVas ciuitates, duo faciunt Amores; Hierusalem facit Amor Dei, Babylonem facit Amor saeculi. Interroget igitur se vnusquisque quid amet & inueniet vbi sit ciuis. O Anima quae amare desideras, in Amoris biuio constituta, attende bene quam viam velis ingredi; exitum vtriusque perpende, non initium. ne te angusta porta, laboriosum iter, spinosi gradus deterreant; hâc itur ad Hierusalem, ad aeternum gaudium, ad sempiternas delicias: ne te inuitet blanda Venus, hilaris Bacchus, spatiosus introitus, florida via, illâc itur ad Babylonem, ad supplicium aeternum, ad aerumnas Ga naar margenoot+ perpetuas. Contende igitur intrare per angustam portam, sectare charitatem, aemulare spiritualia, dic cum Dauide, Aperite mihi portas iustitiae, ingressus in eas confitebor Domino, haec porta Domini, iusti intrabunt in eam.