Van de Schelde tot de Weichsel. Deel 1: Frankrijk - Zuid-Nederland - Noord-Nederland

't Siepen en 't saepen. (Hazebrouck.)

't Siepen en 't Saepen goun'hen te goare om hout te raepen. 't Saepen en wilde geen raepen, en 't Siepen en vounk geen. Ze kwaemen ennen stok teegen. - Stok, stok, sloat 't Siepen; 't Siepen en wul geen hout raepen en wul nie noar huys goan zon'her èdreegen te zyn. - Woarom zounke 't Siepen sloan, 't Siepen en hè me nie misdoan. - Ze kwaemen an happe⁽⁴⁾ teegen. Happe, happe, splyt den stok, hen wul 't Siepen nie sloan. - Woarom zounke dien stok splytten, dien stok en hè me nie misdoan. - Ze kwaemen a vier teegen. - Vier, vier, brant die happe, z'en wult den stok nie splytten. - Woarom zounke die happe goan brannen, d'happe en hè me nie misdoan. - Ze kwaemen a woater teegen. - Woater, woater, bluscht dat vier, 't en wul d'happe nie brannen. - Woarom zounke dat vier blusschen, 't vier en hè me nie misdoan. - Ze kwaemen an koe teegen. - Koe, koe, drinkt dat woater, 't en wul 't vier nie blusschen. - Woarom zounke dat woater goan drinken, 't woater en hè me ni misdoan. - Ze kwaemen a reep⁽⁵⁾ teegen. - Reep, reep, bynkt die koe, z'en wul 't woater nie drinken. - Woarom zounke die koe bin'hen, de koe en hè me nie misdoan. - Ze kwaemen a rat teegen. - Rat, rat, knaegt dien reep, h'en wult de koe nie bin'hen. - Woarom zounke dien

(4) Happe, bijl.

(5) Reep, touw.

[p. 5]

reep knaegen; den reep en hè me nie misdoan. - Ze kwaemen an katte teegen. - Katte, katte, vankt dien rat, h'en wul den reep nie knagen. - De katte steldet op a loopen agter den rat; den rat achter den reep; den reep agter de koe; de koe agter 't woater; 't woater agter 't vier; 't vier agter d'appe; d'appe agter den stok; den stok agter 't Siepen; en 't Siepen steldet zo doanig op a loopen datten nog loopt.