Een nieu liedt-boeck genaemt den druyven-tros der amoureusheyt

In hem begrijpende veelderhande amoureuse liedekens, te vooren in druck noyt uytgegaen

Een ander, Op den naem Petrvs,

Op de wijse, Hout al aen, ick sal ons singen vooren.

SIjt al verblijt //
My my, die nu vreugts vinder // ben:
In desen tijt //
Helpt alle druck verminder // en:
Al die ons joncheyt hinde-

[p. 95]

 

 

ren //

 

Vluchten seer rigoreus //

 

Aensiet ghy Venus kinderen //

 

Ons jonckheyt coragieus.

 

 

 

V uyt soete luchten

 

Is ons jonkheyt spruytende:

 

Die ons doen suchten

 

Sijn haer seluen snuytende:

 

Al zijn wy t'samen muytende,

 

Deur s'winters wreetheyt preus,

 

Nochtans is vreught ontsluytende

 

Ons jonckheyt coragieus.

 

R ayende ooghskens,

 

Blinckende robijnich,

 

Schietende booghskens

 

In liefs herte pijnich,

 

Deur t'omhelsen claerschijnich

 

Van aermkens glorieus

 

Vaert wech die zijt ruinich

 

Ons jonckheyt coragieus

 

T ooght (met jolijte)

 

Conste Rethorijckelick:

 

Al zijn wy quijte

 

Den Mey autentijckelick:

 

Ten schaet ons niet, t'is blijckelick,

 

Wy blijven favoreus:

 

Versterct nu al gelijckelick

 

Ons jonckheyt coragieus.

 

E del gemoede

 

Maeghden bloemkens geurich,

 

Slaeft als de vroede

 

In Venus werck natuerich,

 

Vint ghy u liefken truerich,

 

Troost hem, enter vous deus:

 

Soo blijft altijt geduerich

 

Ons jonckheyt coragieus.

 

Prince.

 

P rincessen bly

 

Deur wien ick dit voleeste,

 

Wy dancken dy,

[p. 96]

 

Dat ghy tot deser feeste

 

Zijt comen minst, en meeste

 

Als rancxkens amoureus,

 

Dit schinct u bly van geeste

 

Ons ionckheyt coragieus.

Doende leer-ick.