Een nieu liedt-boeck genaemt den druyven-tros der amoureusheyt

In hem begrijpende veelderhande amoureuse liedekens, te vooren in druck noyt uytgegaen

Een ander,

Op de voorgaende wijse: op den Naem Neelken.

NAer cleen vreught,
Moet my veel leets gebeuren:
Elck verheught,
En ick moet sitten treuren:
Wie can dees droufheyt scheuren,
Dan ghy? troost lief, en weert:
Want ghy, tot allen uren,
Weet waer my t'lijden deert.

E s gestoort

V hert op my so bijtich,
Dat ghy t'woort
Tot u gesproken vlijtich,
Wilt achten hipocrytich?
Neen! maegdelick tresoor:
Met recht, waerde my spijtich,
Steld'-ick v schande voor.

K iest vry een

Ander, dat ickt aenschouwe:
Nochtans geen
Als ick, in als getrouwe:
Gelijc een man zijn vrouwe
Ick u goet herte drough,
Hoe soudy my doen rouwe
Waer ick v goet genough?

L et doch eens

Op uwen aert seer strange,
Ist yet cleens,
Dat ick (met herten bange)
V heb gedient seer lange,
Maer nu ick mercke t'slot,
Ick niet anders ontfange,
Dan voor troost, schimp, en spot.

[p. 97]

 

E ertijts wy

 

Met blijschap by een quamen,

 

Maer nu ghy

 

My slaet met scherpe bramen,

 

So coemt ons bly versamen

 

Op een drouf scheyden wt:

 

Wilt ghy my dan beschamen,

 

Verdragen is goet cruyt.

 

E erbaer zijt

 

Ghy lief, niet onversoeten,

 

Wilt altijt

 

V lief zijn lijden boeten,

 

Een knecht tot uwen voeten

 

Had' ick my gans verneert:

 

Dat wy nu scheyden moeten

 

Ghy weet aen wien t'falgeert.

 

Prince.

 

N u dan lief,

 

De cracht van al mijn leuen:

 

Desen brief

 

Tooght den adieu g[esc]hreuen,

 

Adieu segh ick met beuen,

 

T'hert is met druck vervult,

 

Dat ick v moet begeuen

 

Ghy draeght alleen de schult.

Doende leer-ick.