Dye hystorien ende fabulen van Esopus

[20] § (164) Die veerthienste fabule vanden vosse ende hane |

[fol. M8r]

Tbedroch²⁶⁶ te beghecken ende te bespotten met bedroge is wel gheoirloeft daer af | hoort dese fabule Een vos hongherende is ghegaen om te bedrieghen seker | hynnen die metten hane gheclommen waren op eenen hogen boom ende heeft den hane sme | kelijcken toe ghesproken ende gegruet vragende wat doet ghi daer so hoge. En hebt | [5] ghi niet ghehoert die nyeumaren die ons so salich ende profitelic sijn. die haen antwoir- | de. neen ic. doen seyde die vos Ic ben hier ghecomen als een voirbode om met v | te communiceerne²⁶⁷ ende te spreken van alle vrolicheyt die nv hebben alle ghedierten. want | men heeft ghehouden eenen raet inden welcken besloten es ende besticht eenen eewigen | vrede tusschen alle ghedierte als dat alle vreese afghetogen nyemant en sal den ande | [10] ren moghen leggen eenighe lagen oft onghelijc aendoen maer sullen ghebruyken eenen e | wigen vrede dat een yeghelijc sal mogen gaen vredelic ende cloeclic daer hi wilt. daer | om comt af ende laet ons die feeste blidelic begaen die hane verstaende die cloecheyt | des vos seyde Ghi brengt een goede boetscap ende seer bequaem. ende met dien rechte | hi sijnen hals wt ende verhief hem hoghe op sijn voete als oft hi verre sien woude. doen | [15] vraechde die vos Waer na siet ghi. die hane antwoirde Ic sie twee honden die co- | men zeer ghelopen met openden monden die welcke als ic meyne comen bootscapen | den paeys die ghi mi ghekundicht hebt Doen wart die vos zeer beuende ende seide | Adyeu tis tijt dat ic loope eer die comen ende begonste wech te gane. Doen seyde | die hane. En gaat niet wech wat vreest ghi. es den paeys ghesloten soe en dorst | [20] ghi niet vreesen Die vos seyde. Mij twiuelt ende ic ducht oft dese honden tstatuyt van | den paeyse noch niet ghehoort en hebben Daerom en darre icse niet verbeyden ende hij | is gaen loopen sonder adyeu. Aldus ist bedroch vanden vosse begect met ten bedro- | ghe vanden hane |

266 initiaal, met zichtbare representant.

267 communiceerne lees: communiceren