§ (146) Die vijfste bewijsinghe vanden drye ghesellen ende vanden bedroghe des broots | die ons betonet Dat dicwijle valt die mensche inden put die hy ander luyden be | reyt heeft ghelijck dese bewijsinghe wel verclaert |
HEt waren drye ghesellen. te weten twee poorters en een dorpman gaende pel | [5] grimage hebben ghebreck gehadt van spijsen inden weghe. want si en hadden niet | meer meels dan om een broot mede te maken. die bedrieghelike poorters dat sien | de hebben tot malcanderen gheseyt. wij en hebben maer een cleyn broot ende ons ge | selle es zeere verslijndende ende vratich. daer om eest van node dat wij vinden maniere | dat wij twee alleene dit broot moghen eten Dit broot ghedeesemt ende ghemaect | [10] sijnde ende alsmen dat gheset heeft inden houen. soe hebben dese twee poerters soec | kende maniere om den dorpman te bedrieghen tot malcanderen gheseyt Laet ons | alle slapen ende die den wonderlixten droom sien sal die sal dit broot alleene hebben | Dese voerwaerde aldus ghesloten sijnde. laghen si alle oft si sliepen. maer die dorp | man verstaende tbedroch van sinen ghesellen. heuet tbroot half ghebacken wten ho | [15] uen ghetrocken ende heuet alleene altemale ghegeten ende is weder om gheleghen oft hi | sliepe Ter stont daer na es een vanden poorters snellic opghestaen als oft hij ver- | uaert ware van eenen wonderlijcken droom Doen vraghede sijn gheselle waer om | sijt ghi verscrict Hi antwoerdede om dat ic eenen wonderlijcken droom gesien hebbe. | want mi dochte dat mi twee enghelen open sijnde die poorten des hemels brochten | [20] met groter blijsscap voer den throon goods Dandere sijn gheselle seyde tes enen | wonderlijcken droom die ghi ghesien hebt. maer hoort of den minen wonderlijcken es | want mi dochte dat mi twe enghelen leyden doer die geclouen aerde totter hellen Die | dorpman veynsende hem te slapen heeft dit altemale ghehoort. sijn ghesellen meynen | de hem te bedriegen hebben hem gheroepen om te ontwecken. die dorpman heeft hem loes- | [25] lic als verueert sijnde geantwoert Wie sijn die gene die mi roepen si seyden wi sijn uwe |
Auteursrechtelijk beschermd