Dye hystorien ende fabulen van Esopus

§ (143) Die tweede fabule vander bewarenisse | vanden ghelde |

EEn spaengiaert reysende tot egypten waert is|ghecomen²⁵⁰ in een stadt ghe | heyten mech. ende heeft hem daer bedacht midts der eenicheyt vander | [20] plaetsen daer hi doir gaen soude dat beter ware dat hij sijn ghelt gaue te bewa- | rene eenen goeden ghetrouwen man tot dat hij weder quame. dan tselue ghelt | zoe onder weghen auentueren. Ende die spaengyaert siende daer eenen ouden | man die vanden luden seere ghepresen wardt. heeft dien man ghegeuen te be- | warene .xxx. marck siluers. ende zo trac die spaengiaert voirt in egypten daer hij |

250 isghecomen lees: is ghecomen. Er staat een verticaal streepje tussen ‘is’ en ‘ghecomen’.

[fol. L5v]

volbracht heeft na sijn beste tghene dat hi daer hadde te doene. Van daer we- | der omme comende in dye voirseyde stadt eyschte hij sijn ghelt vanden ghenen | die hij dat ghegeuen hadde te bewarene. mer die vol bedrochs wesende heeft | dat ghelt myssaeckt ende ontkent segghende dat hij den man noyt ghesien en | [5] hadde. Die spaengiaert ghinck droeuich van daer soekende sijn ghesellen dye | met hem ghecomen waren ende vraeghde hem wat hij hier inne doen mochte | want die ghene dien hi sijn ghelt beuolen hadde te bewarene myssaectet Hooren | de dit sijn ghesellen ende oock die ghebueren en gheloofden niet dat die man | dat ghelt myssaect hadde vertellende zijn groote taelwaerdicheyt ende eerbaer- | [10] heyt. Aenhoorende dit die spaengiaert ghinck wederomme totten man met smee | kende woerden hopende met deser manyeren sijn ghelt te crijghene. maer dye | bedriegher myssaectet vele te meer dreyghende den spaengiaert vele droefheden | aen te doene ten waer sake dat hij afliet van eyschene. § Dit hoorende die spaen | giaert is noch droeuer van daer ghegaen. wederomme comende is hem te ghemoe | [15] te ghecomen een oudt wijfken ghecleet met religiose cleederen rustende met haren | crancken leden op een stocxken. ende siende den vremden man zeere beruert ende ghe- | turbeert wart sij beruert met ontfarmherticheden ende vraechde wat teghenheyt | dat hi hadde. ende hi heuet haer bij goeder ordinancien vertelt. doude wijfken dat aen | hoorende seyde. eest waer dat ghi mij vertelt zo sijt goets moets ick sal v helpen. | [20] Hij antwoirde. hoe sal dit moghen ghescieden. zij seyde Brengt tot mij een van n- | wen²⁵¹ lansluden daert ghi v toe betrout. dien ghebrocht sijnde doude vrouken heeft | hem beuolen dat hij soude bescicken ende ghereet maken vier corfkens ende die met leder | ouer ghetogen ende van buyten chierlijc ghescilt ende vaste ghesloten ende vullen die met | cleynen steenkijns. daer na beual sij datmen ordineren soude eenighe vremden lu- | [25] den die dese corfkens draghen souden ten huyse des voirseyden bedrieghers. elck | deen na den anderen. versyerende dat sij hem die willen gheuen te bewarene. ende | als die in huys sullen ghegaen sijn offerende die corfkens zo zult ghi volgen eys- | schende tghene dat ghi ghegeuen hebt te bewarenne ende bider hulpen gods ghi sult | ghecryghen dat ghi begheert Die spaengiaert heuet al volbracht dat hem dou- | [30] de wijfken riet. ende doen sijn gheselle inne ghinc metten ghenen die de corfkens | droeghen zo is mede ghegaen doude wijfken ende hebben gheseyt totten bedrie- | gher Heere hier sijn coopluden van spaengien brenghende met hem costelijcke | scatten van gouwe ende ghesteynten. ende willen voirt gaen in een ander stadt. ende | bidden uwe ghetroulicheyt dat ghi dese vier corfkens wilt bewaren tot harer we | [35] dercomst. want sij ontsien die roouers onder weghen ende daerom en dorsten sij die | niet met draghen Wij bidden v tsamen met hem dat ghi omme onsen wille hem gon | nen wilt tghene dat sij v bidden. ende want wij wel weten dat ghi goet ende ghe- | trouwe sijt zo hopen wij dat ghij ons dit niet en sult myssaecken. ende van deser | disposycien ende settinghe en weet nyemant te sprekene dan ghij alleene Dese | [40] aldus onderlinghe sprekende ende die corfkens ouergheuende zo is daer co- |

251 n- | wen lees: u- | wen.

[fol. L6r]

men die ghene die bedroghen was ende heeft sijn gheset ghelt geheyscht. also hem | donde²⁵² wijfken gheraden hadde. maer die bedriegher siende den ghenen diens gelt | hi myssaect hadde so vreesde hi dat die ghene die de vier costelijcke corfkens ge | bracht hadden quaet vermoeyen van hem souden hebben ende heeft terstont tot dien ghe | [5] seyt Vrient waeromme hebt ghij so langhe ghebeyt niet eyschende tghelt dat ghij | mij ghegeuen hebt te bewarene want het verdriet mij langher te houden. ende heeft | terstont beuolen datmen hem dat halen soude Want hi vreesde waert dat ghi²⁵³ tgheset gelt | messaect hadde dat die ghene die teghenwoirdich waren die seyden dat sij scatten van | gouwe ghebracht hadden te bewarene. te min hem betrouwen souden om haer iu- | [10] weelen bij hem te latene. ende doen douwe wijfken sach dat den goeden armen men | sce sijn goet weder ghegeuen was zo is sij wech ghegaen. belachende den val- | schen bedrieghere metten steenkijns ende is niet weder ghecomen om yet | te eyschenne van dat sij den armen verlost heeft vanden boosen scalcke. Aldus | was die bedriegher in scalcheyt versubtijlt. dwelc wel behoort te ghesciene. |

[15]

252 donde lees: doude.

253 ghi lees: hi.