Dye hystorien ende fabulen van Esopus

§ (116) Die anderde fabule is vander schiltpadde ende van anderen voghelen die leert | Die hoogher clymt dan hem betaemt. die werdt vernedert hoe datmen raemt | Ghelijck alst blijckt by deser nauolghende fabulen. |

[fol. K1r]

HEt was een Sciltpadde die tot anderen voghelen sprac aldus. Ist sake dat | ghi mij verheft vander aerden zeere hooghe inder locht. zo sal ick v eene groo | te menichte van costelijcken ghesteynten wijsen. Ende die aern dit hoorende nam- | se ende voerdese so hooghe inder lucht dat sij in die aerde niet sien en mochte. ende | [5] dit aldus ghedaen sijnde sprac die aern tot haer Wijset mij nv die costelijcke ge | steynten die ghi mij belouet hebt dat ghij mij wisen soudet. Ende want die sciltpad | de inder lucht wesende niet ghesien en mochte Ende die aern sach dat hi bedroghen | was. zo dructe hij die scilt padde met sijnen clauwen also dat sijer omme steruen | moeste Want die ghene die hebben wilt eere ende waerdicheyt. die en kanse niet ge | crijghen sonder arbeyt Ende daeromme zo ist vele zekerre²³¹ te leuen leghe in cleynen | redelijcken state. dan hoghe te clymmen ende daer na te steruen scandelijcken sonder | bate Want men seyt ghemeynlijcken Wye hoogher clymt dan hij is weert. die | valt van vele hoogher dan hi begeert |

231 zekerre lees: zekere.