Dye hystorien ende fabulen van Esopus

§ (110) Die derthiende fabule vertelt van eenen tymmerman die ons bewijst Dat in al | soe vele als god bermhertich ende goedertieren is den goeden. in alsoe vele pynicht | [10] hi. ende werdt ghestoert op die quaden Ghelijc als wij sien moghen bi deser fabule |

HEt was een tymmerman die hout af houwende was op eene ryuiere om die go | den eenen tempel daer af te maken Ende also hij thout houwende. so viel sijn | byle int water Ende als sijn byle int water geuallen was so begonste hi zeer te screyen | ende den hulp der goden aen te roepen Ende mercurius die afgod openbaerde hem. hem vra | [15] gende waer om dat hi screyde Ende hi toonde hem eene gouden byle ende vraghede hem of | dat die byle was die hi verloren hadde Ende hi seyde Neen Ende daer na soe toonde | hi hem eenen van silueren Ende hi seyde diesghelijcx Neen Ende want die afgod marcu- | rius sach dat hij goet ende recht op was. soe tooch hi hem sijn byle weder omme wt | der ryuiere Ende gafse hem weder mit meer andere goeden die hij hem daer | 20] toe gheuende was. Dit aldus ghedaen sijnde. soe vertelde dese tymmerman | dat gheent datter gheschiet was sine medeghesellen Vanden welcken een van hem | allen ghinc op die selue stede om hout af te houwen Ende liet diesghelijcx sijn |

[fol. I4v]

byle vallen in die ryuiere Ende begonste te screyen ende aen te roepen die hulpe der go | den Ende die afgod marcurius openbaerde hem den seluen Ende toende hem eene byle | van goude hem vraghende Is dit die ghene die ghi verloren hebt Ende hi antwoerdede | hem Iaet schoen heere. het is die selue Ende mercurius aensiende die valscheyt ende | [5] onrechtuaerdicheyt van desen villain ende tymmerman Soe en gaf hij hem noch deen | noch dander ende liet hem legghen screyen Want god die welck goet ende rechtuaer | dich is. die loont die goede ende die rechtuaerdighe in deser werelt of in dander | Ende pinicht die quaden |