Dye hystorien ende fabulen van Esopus

[15] § (96) Die sestiende fabule die welcke is vanden man vanden leeuwe ende vanden ion- | ghen leeuwe sijn soen die ons beduyt Dat die ghene die niet en wil horen die stem | me van sinen vader. al coemt hem quaet het is recht algader Ghelijc alst blijckt by de | ser nauolghender fabule |

HEt was een bouman die in tyden voerleden woenende in eenre woestinen | [20] aldaer sijn lant bouwede Het ghebuerde dat inder seluer woestinen was een | leeuwe die alle dat landt verdarf Ende sonderlinghe dat zaet dat dese bouman da | gelijcx zayende was Diesghelijcx dede hi oec mede die boomen ende die planten di-²¹⁷ |

217 di- lees: die. Homberch 1498: ‘die’.

[fol. H3r]

daer gheplant ende ghesettet waren Ende want hi desen bouman dede soe grote scade | so makede hi eene hegghe daer hi den leeuwe inne ghecrighen mochte Ende set- | tede stricken ende netten om hem te vanghen Ende alsoe die leeuwe op eene tijt quam om | te eten dat koern so stack hi hem seluen in eenen stricke Ende die goede man dit ghe- | [5] waer werdende quam tot hem ende begonste hem soe wonderlijcke zeer te slaen als dat hi | nauwelijcken wech ghecomen conde Ende want die leeuwe ouer merckende dat hi die | subtijlheyt vanden mensche niet ontgaen noch ontcomen en mochte soe nam hi sijn | cleyn leeukijn sijn soen na hem Ende ghinc in een ander conincrijck woenen Ende een wey | nich tijts daer na als dat cleyne leeukijn sijn soen groot ende sterc gheworden was | [10] soe vraghede hi sinen vader tot hem sprekende aldus Mijn lieue vader Sijn wij van | desen lande ofte coninckrijcke Neen wi sprac die vader. want wi hebben tanderen ty- | den wt onsen eyghen lande moeten vlyen Die²¹⁸ horende dat leeukijn die soen. vra- | ghede die sake waer om Ende die vader antwoerdede hem Ouermits die subtijlheyt van | den mensche Ende dat cleyne leeukijn vraghede hem Wie is dese mensche Ende die | [15] vader seyde tot hem Hi en is niet soe starck noch so groot als wij sijn Mer hi is veel | cloecker ende subtijlre van sinnen dan wij sijn Ende die soen seyde Ic wil mij gaen wreec | ken ouer hem Ende die groote leeuwe sprack tot hem En gaet daer niet. want ist sake | dat ghij daer gaet soe suldi doen als die dwase ende het mocht dy wel berouwen. | Ende die soen antwoerdede hem. hay biden lancken ende biden darmen Ic wil daer gaen | [20] ende sal besien wat hi doen kan Ende also hi vast wanderende was om den mensch te | vijnden. soe ghemoetede hi in een velt eenen osse ende een paert die op haren rugge | alte samen gheschilt waren. die welcke hy gruetede tot hem segghende aldus Mijn | heeren ende lieue vrienden. wie is die ghene die v hier ghebracht ende aldus zeer ge | quetst heeft Ende si antwoerdeden hem Het is die mensche Ende hij seyde weder om | [25] tot hem Voerwaer gheseyt Siet hier een wonderlick dinck Ic bidde v vriendelijcken | dat icken sien mach Ende si wesen hem den bouman die sine aerde ende lant bouwende | was Ende die leeuwe dit horende sonder yet meer te spreken quam totten man ende | seyde tot hem Ha du man du hebste my minen vader ende onse beesten vele quaets ge | daen. waer om dat ic segghe dat ghi mij recht doen sult Ende die man seyde tot | [30] hem Ic beloue dy. ist sake dat ghi mi genaket Ic sal dy mit deser kuysen doot slaen | Ende mit desen messe sal ick dy villen Ende die leeuwe seyde tot hem Comt dan voer | minen vader Ende want hi een coninck is soe sal hi ons recht doen ende iusticie Ende | die man antwoerdede hem Ic bins te vreden Indien ghi mi sweeren wilt dat ghij | mi niet aen tasten noch raken en sult. ter tijt toe ende ter wijlen dat ic in die teghen- | [35] woerdicheyt van uwen vader ghecomen sal sijn Ende diesghelijcx sal ic v weder om | sweeren ende ghelouen dat ic mit v tot in die teghenwoerdicheyt van uwen vader | gaen ende comen sal Ende aldus swoeren si malcanderen Ende ghinghen totten leeuwe | Ende als si aldus gaende waren. soe begonste die man te gaen doer die plecken daer | hi sijn stricken sijn netten ende sijn laghen hadde gheleyt Ende also si vaste ghinghen | [40] so quam die leeuwe mit twee sine afterste voeten in eene strick Ende want hi niet voer- |

218 Die lees: Dit.

[fol. H3v]

der gaen en mochte soe seyde hy totten man aldus Ha lieue man ick bidde dy | dattu mij helpen wiltste. want ic niet voerder gaen en mach Ende die man seyde | tot hem Ic hebbe dy ghesworen ende eenen eedt ghedaen dat ic dy niet aen tasten en | sal ter tijt toe ende ter wijlen dat wij voer uwen vader ghecomen sullen sijn Ende als | [5] die leeuwe hem seluen meynde mit crachte te ontbijnden ende alsoe wech te comen. | soe quam hy noch in een ander laghe of stricke Ende die leeuwe begonste te crijten na | den man tot hem aldus segghende O goede man Ic bidde dy dattu mij ontbijn | den wilste Ende mettien so begonste hem die man op sijn hooft te smijten Ende als | die leeuwe sach dat hij gheuanghen was ende niet ontcomen en mochte soe seyde | [10] hij totten man Ic bidde dy dattu mij niet meer op mijn hooft slaen en wiltste | mer op mijn oren. om dat ic den raedt van minen vader niet en hebbe willen hooren | Ende mettien soe stack hem die man int hert ende sloech hem doot Twelck den menighen | onghehoersamen kijnderen oec ghebuert. die ghehanghen ende gheworcht werden | ouermits dat si den goeden raedt van haren ouderen niet doen noch volghen en willen |