Dye hystorien ende fabulen van Esopus

(2013)–Gheraert Leeu– rechtenstatus



[Folio G2v]
§ (90) Die thiende fabule vertelt vanden wolf die eenen grote dreet mit sinen aers \| liet die ons leert Dattet dwaesheyt is meer te wanen of te vermeten dan men \| sal konnen volbringhen. want alle tgeent dat een dwaes denct meynt hi dattet \| alsoe comen ende gheschien sal Ghelijck alst blijct by deser fabulen \| [5] HEt was een wolf die eens smorgens zeer vroegh opstont Ende daer na als hij \| op gestaen was ende hem wt recken soude so liet hi eenen groten dreet Ende seyde \| in hem seluen. ghelooft si god Siet hier goede tydinghe. ic sal van desen dage zeer \| wel gheluckich sijn ghelijc mijn aers my ghesongen heeft Dit aldus gheseyt sijn \| de scheyde hi van sijnre woenstadt ende begonste te wanderen Ende als hi aldus wan \| [10] derende was. soe vant hi in sinen weghe eenen sack vol smeers die een vrouwe \| hadde laten vallen. den welcken hi omme keerde mitten voet ende seyde tot hem in \| deser manieren Ic en soude dy niet willen eten want ghi soudet my wee inden buyc \| doen Ende dat meer is. ic sal noch huyden eten van wonderlijcker spijsen ende die wel \| lecker wesen sal. ghelijc mijn aers my ghesonghen heeft. ende aldus segghende de \| [15] se woerden ghinck hi voert aen wanderende sinen wech Ende ter stont daer na so \| vant hi ene gesouten zyde specs. die welcke hy weynde ende om keerde Ende als hij \| se wel gheweynt ende om gekeert hadde soe begonste hi haer te segghen in deser \| manieren Ic en soude nauwe willen eten van dese spijse ouermits dat ic alte vele \| soude moeten drincken want si is vele te zeer ghesouten Ende also minen aers mi heeft \| [20] ghesonghen so sal ic noch van desen daghe eten spijse die beter ende leckerre wesen \| sal Ende mittien soe ghinck hi voert ende als hi voerder ghegaen was soe vant hij \| eenen schonen kamp lants inden welcken hij eene schone merye vant mit sinen cley \| nen vollenkijn ende seyde aldus in hem seluen Ic dancke alle die goden van alle tge- \| ne dat si mij gheseynt ende ghegheuen hebben. want ic wiste wel dat ic huyden van de \| [25] sen daghe vijnden soude eenighe spijse die lecker ende costelijcke soude sijn Ende met \| dien so ghenakede hi der meryen. ende seyde haer in deser manieren Voerwaer ge \| seyt mijn lieue suster. ic moet dijn vollekijn eten Ende die merye antwoerdede hem \| Mijn lieue broeder. doet tgheent dat dy belieuet Mer ic bidde di eer ghi mijn vol \| lekijn etet dat ghi mij doch eerst eene bede doen ende consenteren wilt Want ic heb \| [30] be horen seggen dat ghi sijt een goet meester inder cyrurgien. waer om ic v bidde \| dat ghi genesen wilt minen voet daer ic grote quetsinghe aen hebbe. want ghiste- \| ren als ic doer die wildernisse wanderende was. so ginck mij enen doern inden after \| sten voet. die welck mij zeer quetst ende wee doet. waer om ic v bidde dat ghyen mij \| wtttrecken wilt eer ghi mijn vollekijn eten sult Ende die wolf antwoerdede haer Ick \| [35] salt gheerne doen mijn lieue suster. wijst mij uwen voet Ende als die merye hem haren \| voet wijsde. soe gafse hem soe groten slach op sijn hooft dat si hem die gheheele har \| ne brack ontwee Ende aldus werdet haer vollekijn behouden Ende die arme wolf \| lach lange tijt opter aerden gestrect ende bi na doot. ende die merye mit haer ionc liepen \| haerre vaerden Ende als hi weder om wat becomen was. so begonste hi te spreken seg- \|
[Folio G3r]
ghende in deser manieren Ic en gheue noch om dese scande noch niet. want ic weet \| wel dat ic van desen daghe vol ende sat gemaect sal werden van goeder ende costelijker \| spijsen Ende dit segghende so stont hi op ende ghinc sijnre vaerden Ende als hi aldus wat \| gewandert hadde so vant hi in enen kamp lants twee scapen die welcke styeten te- \| [5] ghens malcanderen Dit siende die wolf seyde in hem seluen totten scapen comende aldus \| God si gheloeft ic sal ymmer desen middachmael wel ghespijset werden Ende sprac \| tot desen tween scapen aldus Ic moet een van v beyden eten Ende die scapen antwoer \| deden hem Seer lieue ende gheminde heerscap ghi moecht doen tgheent dat v belieuen \| sal Mer wi bidden v dat ghi ons eerst wijsen wilt dat vonnisse van een process dat \| [10] wi teghens malcanderen hangende hebben Ende die wolf antwoerdede hem dat hijt gheer \| ne doen woude Ende seyde heGa naar voetnoot211 aldus Mijn lieue heren ende goede vrienden segt mi uwe \| sake op dat ic so veel te bat van uwen gheschille oerdelen mach Ende doe sprac dat \| een vanden tween scapen totten wolf Mijn lieue heer dese kamp lants behoerde toe \| onsen vader Ende want hi sonder testament gestoruen is Soe sijn wij in eenen grooten \| [15] twyst vander deylinghe des seluen camps Waer om wi v bidden dat ghi ons veree \| nighen wilt op dat wi niet meer en kyue noch teghens malcanderen stotende en sijn \| Dit horende die wolf vraghede den scapen. hoe ende in wat manieren dat dese een- \| drachticheyt soude moghen geschien Ende dat een vanden tween scapen seyde tot hem \| Seer wel lieue heerscap ende dat ouermits eenrehande manieren ende faetsoen die ic \| [20] v segghen sal in dien ghi na mi horen wilt Wij twee scapen sullen wesen op twee hoec \| ken van dese kamp lants Ende ghi sult gaen staen int middel Ende van beyden den hoecken \| sullen wi comen lopen tot v Ende die eerste die tot v ghecomen sal sijn. die sal wesen \| heer van desen seluen kamp lants Ende dat ander scaep sal dijn wesen Ende doe seyde \| die wolf ic bins te vreden Ende het is zeer wel gheseyt Ende doe ghinghen die scapen \| [25] staen op beyde die hoecken vanden kamp Ende begonsten alle beyde te lopen totten \| wolf diese inden middel vanden kamp verwachtende was Ende gauen hem mit alle ha \| re crachten so groten stoot op sine ribben dat sijn herte by na wt sinen buyck ghespron- \| ghen was Ende mettien so viel hi beswijmt wesende ter neder opter aerden Ende die sca- \| pen liepen hare vaerden Ende als hi tot hem seluen gecomen was. so liep hi van daer mit \| [30] tgheent dat hi hadde segghende Ic en gheue noch om dese scande niet. want noch \| huden sal ic eten van goed costelijcker spijsen ghelijc mijn aers mi ghesonghen he \| uet Ende also hi voert wanderende was so en wast niet lange hi en gemoete ene \| scoone sueghe mit ses cleyne backelkijns der welcker also gheringhe als hijse \| sach sprac haer toe in deser manieren Mijn lieue suster. het is mi van node dat ic van \| [35] uwe cleyne bagghelkijns eten moet Ende die sueghe seyde tot hem Mijn lieue heer \| scap tot uwer belieften Mer eer dat ghijse etet. so bidde ic v datse ghedoopt. ende \| in schoen water ende reyn ghewasschen ende ghesuuert moghen werden Ende die wolf \| sprac totter sueghe Wijst mij dan twater op dat icse wel wasschen ende reynigen mach \| Als die sueghe dit hoorde so leyde si hem aen een lopende ryuier van eenre water \| [40] molen Ende seyde tot hem Siet hier die plecke daer ghijse doopen ende wasschen sult. \|
[Folio G3v]
Ende alsoe die wolf op die plancke vander molen staende was ende dat bagghelkijn \| grijpen wilde. soe stiet hem die sueghe mit haren muyl int water Ende ouermits \| die stiuicheyt vanden stroom des waters soe wert hy daer toe ghedruct dat hi on \| der die raden van thout vanden molen onder doer moste gaen Ende god weet oft \| [5] die raderen vander molen hem wel sloeghen Ende wel ghebayet wort Mer also gherin \| ghe als hi mochte liep hi vandaen Segghende in hem seluen aldus bliuende bi sijn \| eerste propoost Noch en gheue ic om dese aldusdanighe scaemte niet. want ic weet \| wel dat ic noch huyden van desen dage van costelijcker ende leckerre spijsen geuoedt \| ende sat ghemaect werden sal alsoe minen aers mij ghesonghen heeft Ende alsoe \| [10] hy voort was wanderde sinen wech soe vernam hi in eenen stal datter scapen wa \| ren Ende als die scapen den wolf vernamen soe bedecten si hem seluen inden stalle Ende \| als die wolf tot hem quam seyde hi hem in deser manieren God behuede v mijn lieue \| susterkijns Ic moet op dese tijt een van v allen eten. op dat ic mij mach versaden. \| ende minen hongher verliesen ende quijt werden mach Ende dat een vanden scapen ant- \| [15] woerdede hem in deser manieren Voerwaer mijn lieue heeerscapGa naar voetnoot212 ghi sijt gecomen \| wel te pas. want wij sijn ghecomen op dese tijt hier alle te samen om te houden hoochli \| ken eene groote feeste. waer om wij v bidden dat v belieuen wille die stacie daer \| af te bewaren ende stateliken te singhen Ende daer na als den dienste ghedaen wesen sal \| soe doet van een van ons tgheent dat v belieuen sal Dit horende die wolf soe ma \| [20] kede hi hem seluen oft een groot prelaet ende een groot sangher hadde gheweest \| ende begonste te huylen ende te crijten voer alle die scapen die daer vergadert waren \| Ende als die luyde vanden dorpe hoorden die stemme vanden wolf Soe liepen sie alle \| gader na hem mit honden ende mit groten stocken ende quetseden ende sloeghen hem \| soe wonderlijcke zeer dat hi anders niet en meynde hi en soude daer af ghestor \| [25] uen hebben Ende mit groter pinen quam hi van daer Niet te min alsoe hi best moch- \| te soe quam hi onder eenen boom daer een man bouen op sat ende entede dien sel \| uen boom om goede vrucht daer op te moghen wassen Ende als hi daer was soe be- \| begonste hi hem te beclaghen ende te versuchten van sijnre snoder auentueren segghen- \| de aldus Ha ouermoghende god Iupiter. wat vele snoder ende quader auentue \| [30] ren heb ic van desen daghe ghehadt. mer ic gheloue wel dattet is mijn eyghen \| schult. ende ouermits mine houeerdinghe ghedachten. want huyden morghen so vant \| ic enen sack vol smeers die ic niet opslijnden en wilde Ende daer na so vandic een ghe \| souten syde specs die ic oec ouermits mine dwase ende ydele ghedachten niet eten \| en wilde Ende daer om al ist al alsoe dattet mij qualijcken is vergaen. het is wel be \| [35] staet ende recht ende ic bins wel waerdich Item mijn vader en was gheen meester \| inder medicinen. ende ic en hebbe oec niet ghestudeert Ende daer om al is mij qualijc \| ken gheschiet doen ic den doren wt meryen voet halen wilde. ic bins wel waer \| dich Item mijn vader en heeft oec noch legist noch iurist noch rechter gheweest \| ende ic hebbe mi des willen onderwijnden ende en hebbe daer selue niet inne gestudeert \| [40] Ende daer om al is mij quaet daer af gheschiet doen ic my onderwant die sentencie \|
[Folio G4r]
te gheuen vanden twee scapen die mij ribben in stucken stieten het is wel bestaet \| ende bins wel waerdich Item oec mede so en heeft mijn vader nye van sinen leuen \| gheweest noch patriarck noch bisscop noch cardinael noch clerck inder scriften \| gheleert Ende ic hebbe mij haerre sacrificien ende dinghen willen onderwijnden mij \| [5] seluen vermetelijck een prelaet makende Ende daer om al bin ic daer om wel ghe- \| corrigeert ende gheslaghen gheweest het is wel bestaet ende ic bin wel waerdich O iu- \| piter lieue god Ic bin wel waerdich van groter punicie ende penitencie. aenghe- \| sien dat ic dy in menigherhande manieren vertorent hebbe ende misdaen Wilt mij \| seynden wt dinen hoghen troon eene glauye die my te deghen ende te rechte pyni- \| [10] ghe corrigere ende sla ouermits beteringhe ende penitencie want ic bins waerdich te \| ontfanghen eene grote discipline Ende die goede man die bouen opten boom was \| ende sijn eynten gheentet hadde hoorende alle dese manieren vanden wolf ende hoe dat \| hi aldus ghesucht ghescreyt ende sijn auentuere beclaghet hadde. nam sijn byle daer \| hi die telgheren vanden boom mede af ghehouden hadde ende werpse opten wolf \| [15] Ende rakede hem daer mede op sinen hals. alsoe dat hi sinen buyck opwaert. ende \| die voeten om hooch keeren most Ende als die wolf tot hem seluen wat gecomen was \| soe richtede hi hem seluen op Ende sach opwaerts naden hemel ende begonste te crijten \| segghende aldus Ha iupiter ouermoghende god. ic sie nv dat ghi mijn ghebet \| verhoort hebt. ende als hi sach den man sittende opten boom meynde hy dattet \| [20] Iupiter gheweest hadde Ende liep ter stont weder om int Bosch also gewont als \| hij was. leuende aldaer in veel grooter oetmoedicheyt. dan hij te voren in ho- \| uaerdyen gheweest ende gheleuet hadde Ende by deser fabulen mach een yege \| lijck mercken dat alle dinghen soe niet en gheschien als een verwaent dwaes \| ouerpeynsende is Oeck mede soe bewijst si ons datmen tgoet in dancke nemen \| [25] sal alsment ghecrijghen mach. wantment bywijlen niet en heeft alsment gheer \| ne hebben ende besitten soude Ende oec mede soe leert si ons dat nyemant hem \| vermeten en sal van dinghen die hij niet doen en can. mer een yeghelijck sal hem \| hebben ende regeren na sijnre consten. ende na dat hem sinen staet can ghedraghen \| ende anders niet. \|	voetnoot211 he lees: hem. voetnoot212 heeerscap lees: heerscap.

Vorige Volgende