Dye hystorien ende fabulen van Esopus

§ (89) Die neghende fabule vertelt vanden wolf die een visscher gheworden was | [10] ende vanden vos Al ist by alsoe dat yemant van eenighen bezwaert is gheweest hy | en sal daer om gheen wrake daer af begheren te doen ouermits sijne tonghe lo | ghentalen ende anderen achterclappen te spreken Die sake daer af is dese. want | wrake te doen mids tonghen confuyselijcken is Ghelijc als ons vertelt dese fabule. |

HEt was een vos die in tyden voerleden visch wt eenre ryuiren etende was | [15] Het gebuerde dat die wolf daer voer by leet Ende als hy sach dat die vos rey | naerdt met soe grooten appetijt etende was soe begonste hy hem te segghen in | deser manyeren Mijn lieue broeder wilt my van uwen visch wat gheuen Ende die | vos reynaerdt antwoerdede hem Ha mijn lieue ende by sonder gheminde heer ten | is niet behoorlijck dat ghij ouerblijf van mijnre tafelen eten soudet. Mer | [20] om die groote edelheyt wille van uwen persone so sal ic v wel raden. in dien ghy | my ghelouen wilt Doet alleen soe veel dat ghi eenen korf oft eenen peender | oft net ghecrijcht Ende ic sal dij wijsen hoe datmen die visschen vanghen sal Op dat |

[fol. G1r]

ghijse moecht vanghen tot allen tijden als ghij hongher hebt Dit hoorende die | wolf ghinck ter straten waert aen ende roofde aldaer eenen korf den welcken hij | brachte Ende die vos nam desen korf Ende bant hem met eenre stercker koorde aen | den stert vanden wolf Ende als hi wel ende sterckelijcken ghebonden was soe sprac | [5] die vos totten wolf aldus Wandert ende waeyet doer die ryuiere ende ic sal den korf | van achter styeren ende den visch wt polsen Ende die wolf dede alsoe Ende met dien | dat die wolf aldus gaende was so vollede die vos ouermits sine grote valsch | heyt die in hem was den voerghenoemden korf vol van grooten steenen Ende als | die korf daer af zeer vol was Soe seyde die vos totten wolf Voerwaer gheseyt | [10] mijn lieue heerscap Ic en mach den korf niet langher houden noch styeren ouer | mits dat hi soe vol van vissche is Ende die wolf meynende dat die vos waer ghe | seyt hadde bracht voort aldusdanighe woerden segghende aldus Ick dancke | god daer af te mael seer dat ic dy eens sie bewijsen dijne hoghe ende ouermoghen- | de conste int werck vander visscherien Ende ter stont sprack hem reynaerdt toe in de | [15] ser manyeren Mijn lieue heerscap ontbeydet my hier Ende ic sal hulpe gaen halen | om den visch wt den korf te ghecrijghen Ende als hi dit aldus seyde soe quam hi | aen der straten daer hi vant menichte van volck den welcken hy seyde Mijn lie | ue heeren ende goede vrienden wat doet ghi hier. waerom staet ghij ledich Siet | ghinder den wolf die uwe scapen etet uwe lammeren ende alle uwe beesten verslijn- | [20] det ende verderft Ende noch daer toe nv op dese tijt hij uwe visschen wt der ryeuieren | trecket ende eetse Tvolc dit hoorende liepen alle te samen wt na den wolf. die een | met eenen rieck. die ander met eenen stock. die derde met eenre bijlen. die vier- | de met honden Ende sloeghen allegader den wolf so zeer dattet wonder was Ende | als dese arme wolf gheuoelde dat hi ouermits dese groote slaghen aldus zeer | [25] verdrucket was Soe begonste hij met alle zijnre machten ende crachten te trecken | meynende dat hij den visch alsoe na hem slepen soude Mer hij tooch soe stijf ende | soe hert dat hi hem seluen den stert wt tooch vanden aers Ende ontquam alsoe wech | ouermits dat hij snellijcken wel loopen konde Daer na soe ghebeurdet op dese | selue tijt dat die leeuwe die een Coninc is van allen beesten viel in eenre groter | [30] ziecten ouermits die welcke sake een yeghelijcke beeste tot hem quam om te van- | den. te vertroosten als haren coninck ende opperste te visiteren Ende als die wolf oec | quam soe gruetede hi sinen heer hem segghende in deser manyeren Mijn lieue heer | coninck Ic groete dy zeer Ende v belieue te weten dat ic alle die conincrijcken ende | prouincyen doer ghewandert ende doer ghelopen hebbe om te vijnden ende te ge | [35] crijghen eenigherhande goede medicijne die v nut mochten wesen ende profijte- | lijcken om uwe ghesontheyt weder om te verweruen Mer ic en hebbe onder alle | andere dinghen voer v ende voer uwe ghesontheyt niet beters vernomen dan al- | leen van eenen vos reynaerdt die houeerdich boos ende vol valscheyden is die welc | ke die beste medicijne is voer v ouermits die groote medicijnen die in sinen licha | [40] me is Ende in dien hem beliefde te comen tot v dat ghi hem tot dinen rade naemt Ende |

[fol. G1v]

als ghi hem dan vast haddet dat ghi hem dan zijn vel van sinen lyue stroeptede ende quijt | maeckede ende liet hem soe naect lopen Ende dit schone vel dat vtermaten zeer gesont | is dat suldy laten bijnden op uwen buyck Ende ghi sult ter stont genesen sijn Ende als | hi aldus dese woerden gesproken hadde so nam hi oerlof vanden leeuwe ende ghinc zijn | [5] re vaerden Mer hi en meynde niet dat alle dese woerden vos reynaerdt gehoort | hadde also hi dede. want hi was in sijn hollekijn bi tlogijs vanden leeuwe daer hi | hoorde alte samen dit opset dat die wolf op geset ende gesproken hadde Mer hi dede | daer inne grote voersichticheyt. want ter stont als die wolf vanden leeuwe geschey | den was Soe ghinck die vos int velt Ende in enen groten wech aldaer so vant hi lig | [10] ghende enen groten hoop slijcx daer hi hem seluen met rugghe met buycke ende metten | hoofde alte samen inne weyntelde Ende als hem dachte dat hi na sinen goetduncken | genoech beslijct was soe quam hi in aldusdanigen schijn int logijs daer die leeuwe | woenachtich was. den welcken hi gruetede oetmoedelijcken als hi sinen coninck ende | heer sculdich was van doene segghende tot hem in deser manyeren Mijn lieue heer | [15] coninck god verleen v gesontheyt Ende die leeu antwoerdede hem. God gruet v | mijn lieue vrient Com hier tot my op dat ic dy kussen mach Ende dan sal ic v seg- | ghen sommighe heymelijcke saken die ic eenen yeghelijcken niet openbaren en wil. | Ende die vos dit horende. antwoerdede den leeuw aldus Ha ouermoghende ende by | sonder gheminde heer en belghet v niet. want ic ben vuyl ende alte zeer beslijct Tot v | [20] op dit pas te comen ouermits dat ic so menighen wech ghewandert hebbe om te soec | ken medicijne voer v. waer om geminde heer het niet behoerlijcken en is dat ic dy | genaken soude. want ic stijncke geheelijcken Ende die stanck van mij mocht uwen edelen | persoon quaet doen ouermits die grote crancheyt die ghi hebt Mer mijn lieue he | re in dient v belieft Eer ic tot dijnre hogher coninclijcker maiesteyt ghenake so | [25] wil ic mijn gaen baden ende reynighen Ende dan soe sal ic comen my seluen presenterende | voer v Mer mijn lieue heer coninc niet tegenstaende dit Eer ic van v oerlof neme | ende wech ga So belieue v te weten dat ic come wt allen landen ende conincrijcken hier | omtrent geleghen sijnde om te vijnden enigherhande goede medicijne voer uwe | ziecte goet ende profijtelijck wesende Mer voerwaer geseyt So en hebbe ic ghee |[30] nen beteren raedt gheuonden dan den raedt van eenen ouden gryeck met eenen groten | langhen baerde wesende een man van groter wijsheyt van groten loue ende van groter | consten Die welck my heeft geseyt dat in deser prouincyen eenen cortstaertten wolf | is die sinen stert ouermits die ouer grote medicijnen die in hem is verloren heeft. waer | om het wel van groten node is dat ghi desen wolf om te ghecrijghen uwe gesontheyt | [35] voer v comen doet Ende als hi voer v ghecomen wesen sal dat ghi hem dan roepen wilt | te rade v beueynsende dattet om sijn weluaren is Ende als hi by v ghecomen wesen | sal Soe legt op hem dijne poeten die soe suet ende soe ouerschoen sijn Ende soe suete | lijcken als ghi moecht soe trect hem tvel geheel van sinen lyue dat hi niet anders dan | tcaproen vanden hoofde ende vanden voeten en behoude Ende dan laet hem doen sijn | [40] beste ende lopen daert hem belieuen sal Ende ter stont als ghi dit vel hebt so bewijnt uwen |

[fol. G2r]

buyc daer inne Ende eer dattet enich tijt daer geleghen heeft so sult ghi seluen vin | den in meerre gesontheyt van lichaem dan ghi ye ghweest hebt Ende hier na van ston | den aen so nam die vos reynaerdt oerlof aen den leeuwe weder om keerende in sijn | logijs daer hi woenachtig was Ende ter stont daer na so quam die wolf totten leeuwe | [5] Ende als hi gecomen was so riep hem die leeuwe ter stont tot sinen rade Ende wtreyc- | kende sine pooten makede hem van sinen vel al heel bloot. wtgenomen dat hooft ende | die voeten Dit gedaen wesende nam die leeuwe dat vel ende wandt sinen buyck daer in | seer warm wesende Ende alsoe liep die wolf sonder vel wech Ende die wolf wech loo | pende hadde genoech te doene om hem seluen te bescutten vanden muggen die hem bij- | [10] tende ende alle sijn vleysch etende waren Ende wantse hem aldus zeer quelleden so liep | hi onder eenen haghedoorn onder welcken die vos reynaerdt scuylende was Ende | als die vos den wolf sach so begonste hi na hem te roepen ende te crijten lachende ende ghec | kende mit hem Ende tot hem sprekende in deser manieren. Wye bistu die hier voer bij | lijdet mit alsoe suuerlijcken caproen die op dijn hooft is Ende mit soe ouerschoone | [15] wantten an dinen handen Hoert harwart wat ic dy nv segghen sal In tyden als ghij | ghinc ende quaemt doer den huyse soe waert ghi gheluckich ende vanden heer ghebe | nedijt Ende als ghi quaemt totten houe vanden Coninck ontfincstu veel goeder mor | seelen ende oec mede van alle der werelt vriendelijcke ende scone woerden Ende daerom | mijn goede gheuader mijn goede vrient Ist goet ist quaet latet al ouer gaen Ende | [20] hebt goede paciency in alle dine wederstoet Ende van alle dese woerden most die wolf | paciency hebben Ende hier om bewijst ons dese fabule. dat al ist dat sake dat yemant | van eenighen persoen gequetst oft bescadicht is gheweest hi en sal nochtans hem | niet wreken segghende mit sijnre tonghen enighe verradenisse ofte blasfemie hey- | melijcken oft openbaer. maer hi sal ouerlegghen dat die ghene die sinen medebroe | [25] der bereyt een graft om hem daer in te doen vallen. dicwijl ghebuertet dat hij seluer | daer eerst in comet of vallet eer hi dat weet. |