Dye hystorien ende fabulen van Esopus

[fol. E2r]

§ (69) Die neghende fabule is vanden paerde vanden iagher ende van dat hert. | die ons leert. Dat nyemant hem seluen en sal setten onder bedwanck te willen | sijn oft eyghen te wesen ouermits dat hij wrake van eenen anderen hebben ende | vercrijghen mach. want het is veel beter dat hem een mensche niet eyghen en | [5] maect dan dat als hij hem seluen yemande eyghen heeft ghemaect namaels | berou daer af heeft alst te late is Ghelijck als dese navolghende fabule ons ver | telt ende bewijst. |

HEt was een paert dat op een hert zeer nydich was om dattet selue hert | veel scoenre was dan hi Ende dit voerghenoemde paert ouermits groote | [10] nydicheyt ghinck tot enen iagher sprekende hem toe in deser manyeren Ist sa | ke dat ghi my wilt ghelouen wij willen huyden op desen daghe eenen goeden | roof ghecrijghen Clymmet op mij ende nemet dijn sweert ende wij selen nae | dat hert loopen Ende met dijnen zweerde salstuytslaen²⁰⁵ ende dooden Ende alsoe | soe salstuyt moghen vanghen ende tvel vercoopen met die ryemen diemen daer | [15] af snyden sal Ende tvleysch daer af eten Dit horende die iagher beruert wesen | de metter ghiericheyt vraghede den paerde aldus Duncket di oeck by goeder | trouwen dat wij dat hert daer ghi my af ghesproken hebt vanghen sullen mo- | ghen Ende dat paert antwoerdede hem laet dy ghenoeghen ick sal alle mijn | naersticheyt ende diligencie daer toe doen Ende oeck mede alle mijn starcheyt | [20] ende crachte Clymmet op mij ende doet minen raedt Dit hoorende die iagher | clam bouen op zijnen rugghe Ende dat paert begonste te loopen na den herte | Ende als dat hert vernam dattet paert na hem liep so begonstet te vlyen ende voer | te loopen Ende want dat hert bat ende snelre liep dan dat paert soe ontliept hem | ende ontquam Ende als dat paert sach dattet moede was ende niet meer loopen | [25] en mochte Soe seydet ter stont totten iagher aldus Clymme af ende gaet te voe | te want ick dy niet meer draghen en mach Ende hebbe ghemyst mijnen roof te van | ghen Ende die iagher seyde tot hem. Na dien dat ghij onder mijnen handen sijt | soe en selt ghy mij noch alsoe niet moghen ontgaen Du hebste den thoom oft | breydel inden mont om dy daer mede op te houden. in dien ghij springhen wilt | [30] Die sadel sal my bewaren. in dien ghi after wt slaen wilt Ende da er toe soe hebbe | ick aen myne voeten goede sporen die zeer sterck ende scarp sijn om dy daer me | de te bedwinghen ende te doen springhen daer my des belieuen sal Ende daer | om soe wachte dy wel dat ghij teghens my niet rebel en sijt Hier om en eest niet | goet dat hem yemant onder enen anderen in eyghenscap stelt om hem alsoe te [35] wreeken ouer den ghenen daer hy haet ende nijt teghens heeft. want wie hem | seluen onder die heerscappe van eenen anderen settet die verbint hem seluen onder | des ghenen ghebots. daer hi hem onder gheset ende ghestellet heeft |

205 salstuytslaen lees: salstuyt slaen.