Dye hystorien ende fabulen van Esopus

§ (67) Die seuende fabule is vanden valkenaer ende van anderen voghelen die ons | leert Dat die wijse ende die vroeden sellen altijt onthouden ende bewaren den raedt | ende leeringhe die goet ende profijtelijcken is Ende selen daer af niet doen ter con- | [15] trarye Waer af dat Ezopus vertelt eene aldusdanighe fabule |

IN tyden voerleden begonsten hem die voghelen te vervroechden teghens | die nyeuwe tijt des somers van dat haer nestkens met loeuerkens ende blader | kens bedecket waren Ende ter stont soe saghen si ende vernamen dat die valkenaer | settede sijn stricken in haren nesten om dat hijse vanghen mochte Ende doe seyden | [20] si te gader Dese goede man heeft goede iammerherticheyt met ons want als | ons aensiet so screyt hij Dit hoorende dat patrijsken dwelc dat bedroch ende scalc | heyt vanden valckenaer tanderen tijden wel besocht hadde seyde totten anderen |

[fol. E1r]

voghelen aldus Wachte dy wel van desen alsulcken man ende vlieghet op in die | luchte. want hi anders niet en soect dan eenigherhande manyere hoe hy v van | ghen mochte Ende in dien hi v vanghen can soe sal hi v eten oft hij sal v brenghen | op die merct om te vercopen Ende die voghelen die desen goeden raedt gheloue- | [5] den ende deden daer na waren behouden Mer die ghene dies niet en gheloueden | die waren verloren ende gheuanghen Ende daer om die goeden raedt ghelouen ende | daer na doen. werden dicwijlen verlost van haren zeer Ende diese niet en gelouen | sijn altijt in sorghen meer ende meer. |