§ (55) Die vijfthiende fabule is vanden wolue ende vanden hont die ons leeren | Dat vry te wesen ende niet eyghen te sijn is een dat alre suetste dinck datmen vin | den mach. want het gaet te bouen alle der werelts scat Waer af dat Ezopus ver | telt eene aldusdanighe fabule |
[5] HEt was een wolf ende een hont die malcanderen by auentueren eens vonden | waer af dat die wolf den hont vraghede. waer om ist dat ghi aldus vet ghe | noechlijck weluaerende ende weeldich sijt Ende die hont antwoerdede hem Om dat ic | dat huys van minen heer ende meester wel beware ende om dat ic basse teghens die | dyeuen die in mijns meesters huyse willen comen. maer om dat mijn meester ende | [10] alle thuysghesin my allegader gheuen teten Ende hier om ist dat ic aldus vet ben | ende wel te pas Ende die wolf seyde hem Het is wel gheseyt mijn lieue broeder Mer | aenghesien mijn lieue broeder dat ghij aldusdanighe goede daghen hebt ende | aldus wel te pas ende vet sijt soe hebbe ic groote begheerte om te woenen met v | Op dat ghi ende ic niet dan eenen kost ende tafel en duruen houden twelc den hont | [15] wel gheliefde ende seyde Coemt aen met my ghi sultet soe goet hebben als ic Ende | en wilt gheen anxte noch vreese hebben Dit hoorende die wolf ghinck metten | hont Ende also si gaende ende onder weghe waren so waest dat die wolf des honts | hals aenmerckende ende siende wert dwelc bloot was ende kael hem vraghende aldus | Mijn lieue broeder waer om ist dat ghi den hals soe kael ghescoren hebt Ende | [20] die hont antwoerdede hem Dats daer om. want ic des daechs eenen yseren hals- | bant om minnen hals draghende ben daer ic aenghebonden ben Ende des snach | tes soe ontbintmen my om dat ic dat huys bewaren soude Ende die wolf seyde hem | Trouwen dit en is mi van gheenen node want ic die in mijn vryheyt ende nyemants | eyghen en ben en wille niet ghebonden werden. want ic mach gaen ende staen daer |
Auteursrechtelijk beschermd