[10] § (54) Die vierthiende fabule is vanden man ende vanden houte die ons bewijst Dat | die ghene die sinen viant gheeft hulpe ende bystandicheyt die is die sake van sijnre | eyghenre doot. ghelijck als dese navolghende fabule vertelt |
HEt was een man die een houmess ofte een byle makede Ende daer na als hij | se ghemaect hadde so begheerde hi ende sprack totten bomen aldus Gheuet | [15] mi doch tot mijnre bylen een stele Ende die bomen gauense hem ende warens te vreden | Ende als die man den steel in zijnre bylen ghemaect ende ghesteken hadde so begonste | hi alle die bomen metter bylen neder ter eerden te houwen. waer om dat die Eyken ende | Esschen bomen seyden aldus Al ist dat wi af ghehouden werden het is wel reden. want | wijt ons seluen hebben gedaen Ende van tonse eyghen wij selue af ghehouden werden | [20] Ende daer om en ist niet goet hem seluen onder die eyghenscap van sinen viant te setten | noch oeck hulpe ende bystandicheyt te doen om hem seluen daer mede te krencken | ghelijck alsmen ouermits dese fabule mercken mach. want men niet en sal ghe- | uen noch langhen den stock of instrument daermen mede ghequetst mach werden. |
Auteursrechtelijk beschermd