HEt was een leeu die sach een paert int velt of in een weyde etende Ende om te | vinden subtijlheyt hoe ende in wat manieren hijt hadde moghen eten So gena | kede hi hem totten paerde ende seyde aldus Mijn lieve broeder god huede v ic ben inder | medicijnen een goet meester Ende want ic sie dat ghi quaet aenden voet hebt. soe co | [5] me ic tot dy om v te ghenesen Mer dat paert wel kennende sine boosheyt seyde | tot hem Mijn lieue broeder ic dancke dy zeer ende willecome moet ghi sijn Ic bidde | di dattu mi ghesont maken wilste Ende die leeu sprack totten paerde. wijset mi dinen | voet Ende dat paert hief sinen voet opwaert Ende als die leeu den voet besach So | sloech hem dat paert voer sijn voerhooft in sulcker maten dat hi hem die gheheele | [10] hersenbecken brack Ende die leeuwe viel neder zeer bitterlijcken in die aerde dat | hi met grooter pijnen hem nauwelijcken op heffen en mocht Ende die leeu seyde in | hem seluen. ic ben wel weerdich dat ic dit hebbe Want die quaet soect. quaet hem comt | Ende want ic my seluen beueynselijck voer eenen meester inder medicijen wt ghege | uen hebbe daer ic mij rechte als een viant te wesen ghekondicht soude hebben | [15] Soe eest dat ic minen rechten Sallarijs ende loon daer af ontfanghen hebbe Ende | daer om soe sal hem een yeghelijck van buten bewijsen ghelijck hij is |
Auteursrechtelijk beschermd