Dye hystorien ende fabulen van Esopus
(2013)–Gheraert Leeu–
Auteursrechtelijk beschermd§ (40) Die twintichste fabule is vanden os ende vanden vorssche die leert Dat die | arme mensche en sal hem seluen niet ghelijcken den ghenen die rijck ende mach- | tich is Waer af dat Ezopus vertelt eene aldusdanighe fabule | HEt was een vorsch in eene scone weyde al daer si vernam enen os wyen | [10] de ende sijn aes soeckende Ende want si ouermits groote houerdye haer sel- | nenGa naar voetnoot180alsoe groot maken wilde als was die os Soe begonste si haer grof te ma- | ken ende te zwellen teghens den os Ende vraghede haer kinderen segghende | aldus Segt my ben ic niet alsoe groot als is die os Ende die kinderen antwoerden | Neen ghij moeder. want by die grootheyt vanden os soe en sijt ghy niet. Dit | [15] horende die vorsch begonste noch haer seluen meer op te blasen ende te zwellen | Ende als die os haer houerdye aldus sach so trat hijse metten voet dat si barstede | ende starf Ende daer om en eest niet goet dat hem die arm mensche den machtighen | ende rijcken ghelijcken wil. Want men ghemeenliken seyt En blase dy niet te | zeere op. op dattu niet en splijtste | |
|