Dye hystorien ende fabulen van Esopus
(2013)–Gheraert Leeu–
Auteursrechtelijk beschermd§ (16) Die sestyende fabule is vanden leeu. vanden wilden zwijn. vanden stier | ende vanden ezel. die ons leert Als eenich mensch sijn macht eerweer | dicheyt ende autoriteyt verloren heeft soe moet hij dan sijne eerste coen- | heyt laten varen ende doen sincken op dat hij van eenen yeghelycken | [20] niet verstooten en werde Waer af dat esopus vertelt eene aldusdane- | ghe fabule. | | |
[Folio f3v]
| |
 HEt was een leeu die in sijnder iongher iuecht zeer fyer ende ouerdadich was. ende | doe hij was out ende in verdriet ende banghicheyt sijns doots Soe quam tot | hem dat wilde zwijn ende verschoerde hem met sijnen tanden wraeck doende. van tonrecht | ende mysdaden die die leeu tanderen tijden hem ghedaen hadde Dit aldus ghesciet | [5] wesende quam terstont daer nae die styer die hem stack met sijnen scarpen hoornen. | Ende een ezel daer nae met sijnen achtersten clauwen oft voeten smeet hem voir sijn | voirhoeft hem seluen wrekende ouer hemDitGa naar voetnoot172 siende die arme leeu begonste te ver- | suchten ende te screyen sprekende in hem selven In tijden als ick was ionc stout ende | bout een yeghelijck mij doen eerende ende ontsiende was. Maer nv als ick ben | [10] gheworden out ende cout zoe en ysser nyemant die mij ontsiet Ende want ick ver- | loren hebbe starcheyt macht ende cracht. soe ben ick quijt eere ende weluaren en- | de nyemant en ysser die op mij acht. Ende hieromme soe leert ons ende bewijst | ons dese fabule ende sonderlinghe den ghenen die eenighe macht oft heerscap | pye hebbende sijn hemluyden bewijsende dat sij selen sijn soet ende goedertieren | [15] Want die ghene die gheen vrienden en verwerft die wijl dat hij macht heeft sal | altoos verduchtende wesen te vallen in aldusdaneghe saken ende in ongheual | licheyt ende oick in swaren verdriete | |
|