Dye hystorien ende fabulen van Esopus

[10] § (12) Die twalefste fabule is van tween ratten. § Het is vele | beter ende ghenoechlijcker scamelijcken te leuen. ende te | wesen vrij. dan rijckelijcken ende te hebben sorghe daer bi. | Waer af dat Esopus vertelt eene aldusdaneghe fabule. | van tween ratten. |

[fol. f1v]

HEt waren .ij. ratten Daer die eene af was vet ende grof ende hielt haer in eenen | kelder van eenen rijcken man Ende dander was zeer arm ende magher Het ghe | buerde dat op eenre tijt die groue ende vette rat haer ghinc vermaken ende spelen int velt | Ende aldaer wesende ghemoettede sij in haren weghe een ander rat wesende magher | [5] ende ongeuallich Die welcke ontfinc die ander rat die vet was ende wel gheuoedt in | haer hollekijn opt beste dat sij vermochte ende gaf haer teten van vruchten ende coren ende wa | terkijn te drincken. ende als sij aldus ghegheten ende ghedroncken hadde. sprac die vette rat | totter magher aldus Comt aen met mij ende ic sal v wel gheuen ander spise. ende leyt dese | in die stede in eenen kelder van eenen rijcken man De welcke vol was ende veruult van | [10] alle datmen dincken mocht Ende als sij aldus inden kelder waren. die groue rat presen- | teerde haer van costelijcker spijsen. segghende in deser manieren Maect v vrolijc- | ken ende etet ende drincket met ghenoechten Ende als sij etende waren so quam die kel- | derwaerder inden kelder ende met dien so liep die vette ratte in haer holleken daer | sij inne te lopen ghewoenlijcken was Ende die ander scamel rat en wist niet werwaert | [15] sij gaen oft vlien soude. mer ghinc scuylen achter die poorte in groter sorgen anxt ende | vreese Ende die kelderwaerder ghinc sijnre vaerden Ende als hij sijnder vaerden wech ge- | gaen was so riep die groue rat die magher rat tot haer die daer beuende was van | anxt Ende seyde haer Comt herwaert. Hebt gheen sorge ende etet na dijnre belieften | Ende die arm rat sprac tot haer Om gods wille wilt mij helpen dat ic come van hier. | [20] want ic hebbe vele lieuer te eten gras ende coren inden velde ende leuen vrij. dan te we | sen altijt in desen anxte ende lijden verdriet daer bij. Want du biste hier in grooter | vreesen ende en leeft niet in sekerheiden Ende daerom so eest een vrolick dinc te leuene | scamelijcken ende vrij te wesene. want die arm mensche sekerlijken ende in meer | der vrijheyt leuet dan die rijcke |