Dye hystorien ende fabulen van Esopus

§ (9) Die neghende fabule is van tween honden die welck | ons leert dattet niet goet en is datmen die flatteryen | van quaden menschen ghelouen sal want ouermidts | [15] haer scoone woirden so eest dat sij die goede menschen | bedrieghen. waer af dat esopus vertelt eene aldusda | neghe fabule |

[fol. e6r]

HEt was in tijden voirleden een teue die haer cleyne ionghe honden werpen | wilde Die welcke als haer tijt aenstaende was quam ten huyse van een an- | der teue haer vriendelijcken biddende ouermits scoone ende soete woirden dat sij haer | leenen wilde in haren huyse een plaetse daer sij haer ionghe cleyne hondekijns [5] werpen mochte Ende dander leende haer goedertyerlijcken haer bedde ende haer huys | meynende daer aen te doen wel. Daer nae als die teue haer cleyne honden ghe- | worpen hadde. ende sij wel gheuoedt waren Dat ander goede teefkijn seyde tot die | moeder vanden ionghen datse wt haren huyse gaen ende ruymen soude Dit hoorende | die moeder ende die ionghen liepen terstont met grooter toornicheyt teghens | [10] haer ende worpense ende sloeghense wt den huyse dat haer eyghen was. Ende aldus | eest datmen ouermits weldoen dicwijlen scade lydende is Ende menichwerf eest | oick dat die goede menschen verliesen haer goet ouermits tbedroch ende valscheyt | der booser menschen. |